Fréttablaðið - 26.02.2020, Blaðsíða 20

Stjórnendur lúxusvöru-
merkja búast við því að
faraldurinn muni valda allt
að 11 prósenta samdrætti í
tekjum á þessu ári.
Þorsteinn Friðrik
Halldórsson
tfh@frettabladid.is
Erlend i r h lut abré f a-markaðir hafa haldið áfram að lækka vegna útbreiðslu COVID-19 kórónaveirunnar. Mikil óvissa ríkir um áfram-
haldandi útbreiðslu veirunnar og
efnahagslegu áhrifin sem heims-
faraldur gæti haft í för með sér.
Bandaríska vísitalan S&P 500
hafði lækkað um 1,3 prósent um
miðjan gærdaginn eftir 3,4 prósenta
lækkun í fyrradag. Stoxx Europe
600 lækkaði um 1,8 prósent í gær
og hefur því lækkað um 5,5 prósent
frá byrjun vikunnar.
Smit af völdum kórónaveirunnar
á heimsvísu eru nú orðin fleiri en 80
þúsund talsins og dauðsföllin um
2.700. Flest smit og dauðsföll hafa
verið tilkynnt í Kína en tilfellum
hefur fjölgað ört í Íran, Ítalíu og
Suður-Kóreu. Þá voru fyrstu smitin
í Austurríki og Króatíu tilkynnt í
gær.
Christina Lagarde, seðlabanka-
stjóri Evrópu, sagði í vikunni að
kórónaveiran bætti við „nýju lagi af
óvissu“ sem myndi leggjast þungt á
evrusvæði.
Yfirvöld á Ítalíu greindu í gær frá
því að sjö hefðu látist af völdum
veirunnar og 283 hefðu smitast.
Financial Times greinir frá því
að hætt sé við frekari samdrætti í
ítalska hagkerfinu sem dróst saman
um 0,3 prósent á síðasta fjórðungi
ársins 2019.
„Skellurinn á fyrsta fjórðungi í
Kína vegna kórónaveirunnar mun
líklega ýta undir frekari veikleika
í hinu framleiðslunæma hagkerfi
Ítalíu,“ segir Nadia Gharbi, yfir-
hagfræðingur hjá Pictet Wealth
Management, í samtali við Fin-
ancial Times. Flest smit hafa verið
greind í héruðunum Lombardíu og
Veneto sem standa undir þriðjungi
af framleiðslu hagkerfisins. Í Míl-
anóborg, sem er fjármálamiðstöð
landsins, hefur skólum og skrif-
stofum verið lokað, og mörg fyrir-
tæki hafa hvatt starfsmenn til að
vera heima hjá sér.
Keðjuverkandi áhrif
„Þar sem Kína er miðpunkturinn
í mörgum framboðskeðjum mun
faraldurinn hafa keðjuverkandi
áhrif um allan heim,“ segir Neil
Shearing, yfirhagfræðingur Capital
Eco nomics, í samtali við Financial
Times. Til að mynda hefur ítalski
bílaframleiðandinn Fiat Chrysler
varað við því að framleiðsla í einni
verksmiðju fyrirtækisins geti stöðv-
ast á næstunni og kaup Kínverja á
kopar frá löndum á borð við Síle
Mikil óvissa um hagrænu áhrifin
Útbreiðsla COVID-19 kórónaveirunnar hefur valdið titringi á mörkuðum um allan heim. Mikil óvissa ríkir um hagrænu áhrifin. Hætta
á röskun á milliríkjaviðskiptum og verulegum samdrætti í eftirspurn. Ferðaþjónusta og lúxusvörumerki orðið fyrir miklu höggi.
og Nígeríu hafa dregist verulega
saman.
Viðmælendur bandaríska við-
skiptaritsins segja að tímabundinn
samdráttur í vöruviðskiptum verði
smáræði í samanburði við samdrátt-
inn í eftirspurn sem raungerist ef
fólk ákveður að halda að sér höndum
og bíða faraldurinn af sér. Smásala
og ferðaþjónusta hefur nú þegar
orðið fyrir miklu höggi í Kína og
takmarkanir á ferðalögum Kínverja
eru áhyggjuefni fyrir ferðaþjónustu
og lúxusvörumerki um allan heim.
Framleiðendur lúxusvara horfa
fram á 5 þúsund milljarða króna
samdrátt í tekjum af völdum
veirunnar samkvæmt nýrri könn-
un bandarísku ráðgjafarstofunnar
Alliance Bernstein and Boston Con-
sulting Group. Stjórnendur fram-
leiðslufyrirtækjanna búast við því
að faraldurinn muni valda allt að 11
prósenta samdrætti.
„Sala í Kína er í lamasessi og
skortur á kínverskum ferða-
mönnum er að draga úr sölu í Asíu
og Evrópu,“ sagði ráðgjafarstofan
en kínverskir kaupendur standa
undir rúmlega þriðjungi af tekjum
lúxusvörumerkja. Vísitala MSCI
fyrir lúxusmerki sýnir 12 pró-
senta lækkun frá því um miðjan
janúar.
Robert Bergquist, yfirhagfræð-
ingur hjá Nordic Bank SEB, segir
að faraldurinn muni líklega koma
niður á heimshagvexti. „Í saman-
burði við aðrar tegundir af áhættu
og krísum sem hafa komið upp á
undanförnum árum hefur kóróna-
veiran bein hagræn áhrif,“ segir
hann.
SARS ekki gott viðmið
Financial Times rifjar upp að árið
2003 hafi SARS-veiran dregið hag-
vöxt Kína niður um eitt prósentu-
stig. Áhrifin utan Kína hafi aftur á
móti verið hverfandi.
Erik Nielsen, yfirhagfræðingur
UniCredit, bendir á að árið 2003
hafi kínverska hagkerfið staðið
undir 4,3 prósentum af heims-
framleiðslunni en Alþjóðagjald-
eyrissjóðurinn áætlar að hlutfallið
verði 16,9 prósent á þessu ári. Auk
þess hafi kínverska hagkerfið vaxið
um 10 prósent á ári um það leyti en í
dag er vöxturinn nær 6 prósentum.
„Við hættum á að vera of kærulaus
ef við notum SARS sem viðmið,“
segir Nielsen.
„Ef farsóttarfræðingar eru óviss-
ir um hvernig atburðarásin verður
skaltu vera tortrygginn í garð hag-
fræðinga sem þykjast vita betur,“
segir áðurnefndur Neil Shearing.
Yfirvöld á Ítalíu greindu í gær frá því að sjö hefðu látist af völdum veirunnar og 283 hefðu smitast. MYND/GETTY
Faraldursbréfin lækka í verði
Verð sérstakra skuldabréf
sem voru hönnuð til að hjálpa
þróunarlöndum að glíma við al-
varlega sjúkdómsfaraldra hefur
hríðlækkað í takt við minnkandi
líkur á fullum heimtum.
Skuldabréfin voru gefin út af
Alþjóðabankanum árið 2017 og
nema alls 320 milljónum dala.
Skuldabréfaeigendur fá vaxta-
greiðslur þangað til ákveðin
skilyrði eru uppfyllt. Ef til þess
kemur verða skuldabréfin ekki
greidd upp heldur fer fjármagnið
til sjúkdómshrjáðra landa.
Í áhættumeiri flokknum er
greitt út þegar faraldurinn fer
yfir landamæri og dauðsföll í
seinna landinu eru fleiri en 20.
Þá þurfa tólf vikur að hafa liðið
frá því að faraldurinn hófst en
sá áfangi verður 23. mars. Verð
þessara bréfa er nú um 57 pró-
sent af nafnvirði samkvæmt
frétt Financial Times.
„Markaðurinn telur að það séu
töluverðar líkur á því að skulda-
bréfin tapi hluta af nafnvirði
sínu,“ segir David Strasse hjá
Plenum Investments sem fjár-
festi í áhættuminni flokknum.
„Skilyrðin eru of ströng og
sýna að þetta er gagnslaust
tól,“ segir Bodo Ellmers, fram-
kvæmdastjóri hjá Global Policy
Forum. „Maður vill koma í veg
fyrir heimsfaraldur en það er
einungis greitt út þegar þetta er
orðið að heimsfaraldri. Það er
grundvallargalli,“ bætir hann við.
Breska f jártæknifyrirtækið Revolut hefur lokið við hluta-fjáraukningu upp á 500 millj-
ónir Bandaríkjadala, jafnvirði um
64 milljarða króna. Fyrirtækið er
nú metið á 5,5 milljarða Bandaríkja-
dala, eða sem nemur 709 milljörð-
um króna. Verðmatið þrefaldaðist
frá síðustu hlutafjáraukningu árið
2018 og stendur Revolut nú jafnfætis
hinu sænska Klarna sem verðmæt-
asta fjártæknifyrirtæki Evrópu.
Nikolay Storonsky, forstjóri
Revolut, sagði við tilefnið að fjár-
festingin sýndi fram á trú fjárfesta
á viðskiptalíkaninu. Revolut býður
upp á ýmiss konar bankaþjónustu,
þar á meðal bankareikninga og
fyrirframgreidd debetkort. Fjár-
tæknifyrirtækið fékk bankaleyfi í
Litháen í lok árs 2018 og hefur smám
saman fært viðskiptavini sína, sem
alls eru tíu milljónir, inn í fulla
bankaþjónustu frá byrjun þessa árs.
Sem stendur eru f lestir reikningar
viðskiptavina í vörslu þriðja aðila
og ekki tryggðir af innstæðutrygg-
ingasjóði.
„Horft fram á veginn munum
við leggja áherslu á að koma á fót
bankastarfsemi í Evrópu, fjölga
þeim sem nota þjónustu Revolut
daglega og stefna á arðsemi,“ sagði
Storonosky. Þá áformar Revolut
að hefja lánveitingar til að hvetja
viðskiptavini til að færa öll sín við-
skipti yfir.
Bretland er orðið mjög sam-
keppnishæft þegar kemur að
fjártækni í bankaþjónustu. Við-
skiptavinum hjá slíkum fjártækni-
fyrirtækjum fjölgaði úr 7,7 í 19,6
milljónir á árinu 2019 samkvæmt
úttekt Accenture. Áskorunin sem
þau standa frammi fyrir er hins
vegar notkun viðskiptavina. Meðal-
staða á reikningum viðskiptavina
lækkaði á seinni helmingi síðasta
árs úr 350 pundum niður í 260.
Bresk stjórnvöld gáfu út yfir-
lýsingu þar sem hlutafjáraukning
Revolut er sögð sýna grósku í fjár-
tæknigeiranum. „Það er ljóst að
breski f jártæknigeirinn heldur
áfram að dafna og nú þegar við
erum ganga úr Evrópusambandinu
er tilkynning Revolut skýrt merki
um að Bretland sé staður fyrir fjár-
tæknifyrirtæki,“ sagði í yfirlýsing-
unni. – þfh
Fjártæknifélagið Revolut metið á meira en 700 milljarða króna
Verðmat Revolut þrefaldaðist frá síðustu hlutafjáraukningu 2018.
2 6 . F E B R Ú A R 2 0 2 0 M I Ð V I K U D A G U R8 MARKAÐURINN