Skessuhorn - 27.03.2019, Blaðsíða 2

MIÐVIKUDAGUR 27. MARS 20192
Dagur skólanna í Borgarbyggð verður
á laugardaginn kemur. Þá verða allir
skólar sveitarfélagsins kynntir til leiks
í Hjálmakletti milli klukkan 13 og 15.
Nánari upplýsingar er að finna í aug-
lýsingu í Skessuhorni í dag.
Á morgun er gert ráð fyrir suðvestan-
átt 10-15 m/s og éljagangi en þurrt
á Austurlandi. Hiti um eða rétt undir
frostmarki. Á föstudag er spáð norð-
vestan- og vestanátt 3-8 m/s en 8-13
m/s austanlands. Él um landið norð-
anvert og með suðvesturströndinni.
Frost 0-6 stig og hægviðri og létt-
skýjað um kvöldið en herðir á frosti.
Á laugardag er spáð hægari breyti-
legri átt og víða bjart fram eftir
degi en gengur í suðvestanátt 8-13
m/s seinni partinn með snjókomu
eða slyddu á Suður- og Vesturlandi.
Minnkandi frost. Á sunnudag er gert
ráð fyrir suðvestanátt með úrkomu
og hita í kringum frostmark. Þurrt á
norðaustanverðu landinu. Á mánu-
dag er útlit fyrir norðlæga eða breyti-
lega átt, snjókomu norðanlands en
annars skýjað með köflum og frost
um mestallt landið.
Í síðustu viku var spurt á vef Skessu-
horns hvort lesendur hafi svindlað í
netkönnunum. „Nei, aldrei“ svöruðu
74%. „Já,oft“ viðurkenndu 17% að
hafa gert og 9% viðurkenndu að þeir
hafi borið því við. Þessi spurning var
sett inn á fimmtudaginn í kjölfar þess
að fólk hafði sér til skemmtunar mis-
farið með spurningu pólitísks eðlis á
vefnum, sem sett hafði verið í loftið
deginum áður. Var hún samviskusam-
lega gerð ómarktæk.
Í næstu viku er spurt:
Ertu ánægð/ur í vinnunni?
Lilja Hrund Jóhannsdóttir er ungur
kokkur sem ákvað að opna veitinga-
stað Ólafsvík hálfu ári eftir útskrift,
þá aðeins 24 ára. Viðtal við Lilju er að
finna í blaðinu en Lilja er Vestlending-
ur vikunnar að þessu sinni.
Spurning
vikunnar
Til minnis
Veðurhorfur
Vestlendingur
vikunnar
Óvíst um matar-
úthlutun
AKRANES: „Vegna bágrar
fjárhagsstöðu Mæðrastyrks-
nefndar Akraness er óvíst að
páskaúthlutun verði í ár. Ef
fyrirtæki, félagasamtök, versl-
anir og/eða einstaklingar sjá
sér fært að styrkja Mæðra-
styrksnefnd þá er bent á reikn-
ingsnúmer félagsins,“ seg-
ir í tilkynningu frá Mæðra-
styrksnefnd Akraness. Banka-
reikningur nefndarinnar er:
552-14-402048 og kennitala
411276-0829. -mm
Undankeppni
Nótunnar
VESTURLAND: Síðast-
liðinn laugardag voru svæð-
istónleikar Nótunnar haldn-
ir í Hjálmakletti í Borgarnesi.
Keppnin var undankeppni fyr-
ir landskeppni Nótunnar sem
haldin verður 6. apríl í Hofi á
Akureyri. Í Borgarnesi kepptu
skólar af Vesturlandi og Vest-
fjörðum. Tíu atriði kepptu,
en þrjú atriði komust í úr-
slit. Í opnum flokki var sam-
leiksatriði frá Tónlistarskól-
anum á Akranesi. Í því spil-
aði Fannar Björnsson á raf-
gítar, Helgi Rafn Bergþórsson
söng, Ingibergur Valgarðs-
son sló trommur og Baldur
Bent Vattar Oddsson spilaði
á bassa. Í opnum flokki og í
framhaldsnámi komust áfram
nemendur frá Tónlistarskól-
anum á Ísafirði. -mm
Leigt út í óleyfi
BORGARFJ: Lögreglan á
Vesturlandi hafði í vikunni
afskipti af útleigu sumarbú-
staðar. Erlendum ferðamönn-
um hafði verið leigð gisting í
sumarbústað í Borgarfirði án
þess að sótt hefði verið um til-
skilin leyfi til slíkrar starfsemi.
-kgk
Skrafglaðir
ökumenn
VESTURLAND: Lögreglan
á Vesturlandi sektaði nokkra
ökumenn fyrir að tala í símann
undir stýri í vikunni sem leið.
Að sögn lögreglu var ekki um
sérstakt átak að ræða, heldur
tóku lögreglumenn sérstak-
lega eftir þessu við almennt
umferðareftirlit í umdæminu.
Lögregla áréttar að ökumenn
eiga ekki að tala í símann við
akstur og viðurlög við slíku
broti er 40 þúsund króna sekt.
Þá var ökumaður í Borgarnesi
sektaður fyrir að leggja bifreið
með kerru uppi á gangstétt.
Einnig var töluvert um hrað-
akstur í umdæminu í vikunni
sem leið og alls konar tölur
sem sáust þar og þykir lög-
reglu það miður. -kgk
Þjótandi
þakplötur
SNÆFELLSNES: Þakplöt-
ur fuku af húsi í Sundabakka
í Stykkishólmi að kvöldi mið-
vikudagsins í síðustu viku.
Vont veður var á Snæfells-
nesi þetta kvöld að sögn lög-
reglu. Síðdegis sama dag hafði
brotnað þakgluggi í veðurofsa
í Krossavík á Snæfellsnesi svo
snjóaði inn. Aðstoð var veitt
vegna þessa. -kgk
Krabbameinsfélag Akraness og ná-
grennis festi nýverið kaup á vél-
menni sem nefnist Beam upp á
enska tungu og hefur það ver-
ið tekið í notkun í Grundaskóla á
Akranesi. Þar á bæ kjósa nemend-
ur og starfsfólk að kalla vélmenn-
ið „Nærveru“. Tækið er hannað til
að aðstoða nemendur sem geta ekki
sótt skóla vegna langvarandi veik-
inda. Það virkar þannig að nem-
andi getur stjórnað tækinu í gegn-
um tölvu frá heimili sínu og þannig
mætt í skólann, fylgst með og tek-
ið þátt í umræðum í tímum, ferðast
á því um húsnæði skólans og átt í
samskiptum við bæði nemendur
og starfsfólk í rauntíma. Nærver-
an aðstoðar nú einn nemanda við
námið, en viðkomandi getur ekki
mætt í skólann vegna erfiðra veik-
inda. „Grundaskóli er framsæk-
inn skóli sem nýtir nýjustu tækni
í skólastarfinu til að efla og bæta
námið,“ segir á vef Akraneskaup-
staðar. Þar segir jafnframt að um
sé að ræða frumkvöðlastarf í ís-
lenskum grunnskóla. „Tækið mun
vonandi í framtíðinni nýtast fleir-
um sem þurfa á að halda í langvar-
andi læknismeðferð,“ segir á vef
bæjarins.
Sams konar vélmenni hafa þegar
verið tekin í notkun í Fjölbrauta-
skóla Snæfellinga. Í desember festi
skólinn kaup á tveimur slíkum tækj-
um og hafa þau þegar sannað gildi
sitt, eins og sagt var frá í Skessu-
horni fyrir skemmstu. Snæfelling-
ar kjósa hins vegar að kalla tækin
„Fjærverur“. Þá hefur sambæri-
legur búnaður einnig verið not-
aður í skólastarfi við Háskólanum
á Akureyri og Menntaskólanum á
Tröllaskaga. kgk
Vélmenni til náms í
Grundaskóla
Nemendur Grundaskóla eiga hér í samskiptum við samnemanda sinn í gegnum „Nærveruna“ í rauntíma.
Ljósm. Akraneskaupstaður.
Stykkishólmsbær hefur auglýst eftir
tilboðum í fyrsta áfanga endurgerð-
ar á lóð Grunnskólans í Stykkishólmi
og Amtsbókasafnsins. Er það norð-
urhluti lóðarinnar sem tekinn er fyr-
ir í fyrsta áfanga, samtals um 6.400
fermetrar. Helstu verk sem inna þarf
af hendi í fyrsta áfanga eru jarð- og
lagnavinna, uppsetning ljósastólpa,
landmótun og frágangur á þeim stétt-
um sem falla undir áfangann. „Um
er að ræða eina stærstu fjárfestingu
Stykkishólmsbæjar á þessu ári,“ segir
Einar Júlíusson, skipulags- og bygg-
ingafulltrúi, í samtali við Skessuhorn.
„Ég vona að bæjarfélaginu berist góð
tilboð þannig að hægt verði að ráðast
í þessa mikilvægu framkvæmd,“ seg-
ir Einar.
Frestur til að skila tilboðum til
skipulags- og byggingafulltrúa renn-
ur út mánudaginn 15. apríl næst-
komandi kl. 10:00, en þá verða til-
boðin opnuð. Lokaskiladagur verks-
ins samkvæmt útboðinu er næsta
haust, föstudaginn 9. ágúst. kgk
Endurgerð grunn-
skólalóðar í útboð
Grunnskólinn í Stykkishólmi og Amtsbókasafnið, séð úr lofti. Norðurhluti lóðarinnar
er vinstra megin í mynd, en það er einmitt sá hluti lóðarinnar sem fyrsti áfangi nær til.
Ljósm. sá.
Landssamband veiðifélaga og Lands-
samband stangaveiðifélaga sam-
þykktu harðaorða ályktun á sameig-
inlegum formannafundi sem fram fór
nýverið í Reykjavík. Fundurinn átel-
ur harðalega það samráðsleysi sem
hefur verið viðhaft við undirbúning
framlagðs frumvarps til breytinga á
fiskeldislögum. Slík vinnubrögð séu
ekki til þess fallin að ná sátt um þetta
mikilvæga mál heldur þvert á móti er
verið að stofna til átaka um náttúru
Íslands.
Í ályktun fundarins segir að í fyrir-
liggjandi frumvarpi sé ekki að finna
skýra stefnumörkun um að þróa skuli
fiskeldi til umhverfisvænni eldisað-
ferða í framtíðinni eða leiðir til að
ná þeim markmiðum. Tillögur um
að svokölluð samráðsnefnd um fisk-
eldi hafi það með höndum að gera
tillögur að breytingum á áhættumati
um erfðablöndun opnar leið til póli-
tískra afskipta af matinu. Ákvæðið er
augljóslega sett fram til að auðvelda
ráðherra að hafa pólitísk áhrif á nið-
urstöður áhættumats erfðablöndunar
og fer því alfarið gegn ákvæðum nátt-
úruverndarlaga um meginreglur sem
skylt er að hafa í heiðri til verndar
náttúrunni.
Þá hvetur fundurinn til þess að ytra
eftirlit með fiskeldi verði aukið og fal-
ið Fiskistofu. Þá varar fundurinn við
að ákvæði frumvarpsins um heimild-
ir Hafrannsóknarstofnunar til rann-
sókna virðist eiga að nota til að lauma
norskum laxi í sjókvíar í Ísafjarðar-
djúpi, án þess að lögbundin leyfi liggi
fyrir og undir því yfirskyni að um
,,tilraun“ sé að ræða. Meiri ástæða
væri til að auka grunn rannsóknir á
lífríkinu og þeim áhrifum sem núver-
andi eldi hefur á umhverfið.
Samkvæmt nýrri skýrslu Hagfræði-
stofnunar Háskólans um virði lax-
og silungsveiða, hafa 3.400 lögbýli
tekjur af lax- og silungsveiði í hinum
dreifðu byggðum landsins. Þá leið-
ir skýrslan einnig í ljós að 60.000 Ís-
lendingar stunda lax- og/eða silungs-
veiðar. Verndun þessarar auðlindar á
að vera leiðarljós við alla lagasetningu
um fiskeldi.
Á fundinum var ákveðið að veiði-
menn og veiðiréttareigendur snúi
bökum saman til varnar villtum
laxastofnum og munu berjast sam-
eiginlega gegn skaðlegum áformum
sjókvíaeldisfyrirtækjanna.
Sjá nánar bls. 17
mm/ Ljósm. Nils Folmer Jörgensen
Veiðimenn og veiðiréttareigendur snúa bökum saman