Skessuhorn - 27.03.2019, Blaðsíða 24

MIÐVIKUDAGUR 27. MARS 201924
Katrín Gísladóttir, handverks- og
útgerðarkona í Snæfellsbæ, opnaði
verslunina Rifssaum í verbúð í Rifi
árið 2008 en áður hafði hún verið
með vinnustofu heima hjá sér. Á
hlaupársdag árið 2012 keypti hún
Baðstofuna í Rifi undir verslunina
og 5. maí á síðasta ári flutti hún
verslunina enn á ný að Ólafsbraut
19 í Ólafsvík. „Þetta byrjaði allt því
mig langaði í saumavél til að merkja
föt, handklæði og fleira. Þetta er
ekki ódýrt tæki svo ég varð að rétt-
læta kaupin með því að taka að mér
að merkja fyrir fólk. Þetta óx svo
bara upp frá því, ég flutti aðstöðuna
í gömlu verbúðina í Rifi, keypti svo
stærri vél, fór að selja garn og aðr-
ar handavinnuvörur. Hingað er ég
svo komin með verslun þar sem ég
sel allar helstu handavinnuvörur og
prjónavörur fyrir ferðamenn,“ segir
Katrín og brosir. Aðspurð segist hún
þó ekki sjálf prjóna allar prjónaflík-
urnar í búðinni. „Það er góðar kon-
ur hér í Snæfellsbæ sem prjóna mik-
ið af þessu,“ segir hún. Litla versl-
unin hennar Katrínar er við hliðina
á Sker Restaurant sem Lilja, dóttir
Katrínar rekur. „Við erum alltaf öll
fjölskyldan hér saman og hjálpumst
að, við köllum þetta hjálparsveit-
ina,“ segir Katrín og hlær.
Áhugamál frekar
en atvinna
Katrín er fædd og uppalin í Grund-
arfirði en hefur búið í Rifi frá
1981. Hún hefur alltaf haft mikinn
áhuga á handavinnu og segir versl-
unina vera meiri afþreyingu en at-
vinnu. „Við hjónin rekum litla út-
gerð með 30 tonna línubát, sem er
svona aðal atvinnan. Þetta er meira
bara svona áhugamálið mitt. Mér
hefur alltaf þótt gaman að vinna í
höndunum og hef lengi verið á kafi
í bútasaumi og prjóna líka mikið,“
segir Katrín. Í Rifssaumi er hægt
að kaupa allt það helsta sem þarf
í handavinnu, garn af öllum gerð-
um, tölur, prjónablöð, tvinna og
svo allar mögulegar græjur sem
til þarf. „Ég er græjusjúk og hér
er örugglega hægt að finna allar
helstu handavinnugræjur sem fólk
getur hugsað sér,“ segir Katrín og
hlær. Aðspurð segir hún nóg vera
að gera í versluninni. „Það er allt-
af nóg að gera og það jókst mik-
ið þegar ég flutti hingað í Ólafsvík.
Þetta eru mikið ferðamenn sem
koma, en heimakonurnar, og kon-
ur af öllu nesinu, eru líka duglegar
að koma.“
arg
Opnaði Rifssaum til að réttlæta kaup á saumavél
Katrín flutti handavinnuverslunina sína í Ólafsvík í fyrra.
Hér sést hvernig er innangengt úr Rifssaumi yfir í Sker restaurant sem er í eigu
Lilju, dóttur Katrínar.
Niðurstöður nýlegar könn-
unar Velferðarvaktarinnar um
skólasókn í grunnskólum lands-
ins benda til þess að um þúsund
grunnskólanemendur á Íslandi
glími við svokallaða „skólaforðun“
eða 2,2% nemenda. Könnunin var
lögð fyrir skólastjóra í 172 grunn-
skólum landsins nú í janúar. Þær
benda til þess að leyfisóskum for-
eldra vegna grunnskólanema hér
á landi hafi fjölgað umtalsvert, en
rúmur helmingur skólastjórnenda
svarar því til að leyfisbeiðnum
vegna ferðalaga hafi fjölgað mik-
ið á síðustu árum. Þá kemur fram
að meirihluti skólastjórnenda líti
svo á að heimildir foreldrar til að
fá leyfi fyrir börn sín séu of rúmar.
„Ég lít það mjög alvarlegum aug-
um að slíkar fjarvistir komi niður
á námi nemenda líkt og könnun-
in gefur vísbendingar um,“ segir
Lilja Alfreðsdóttir menntamála-
ráðherra. „Að mínu mati þurfum
við að ræða þessa þróun og sam-
félagið í heild þarf að taka hana til
sín. Við þurfum ákveðna viðhorfs-
breytingu gagnvart mikilvægu
hlutverki skólanna og hvernig við
sem samfélag metum menntun og
störf kennara að verðleikum. Þar
skiptir góð skólamenning lykilmáli
og að gott samstarf, traust og virð-
ing sé milli heimila og skólasam-
félagsins,“ segir ráðherra.
Lilja segir að markmið ráðu-
neytis hennar sé að styðja sem best
við skólasamfélagið og að þar líði
öllum líði vel og nái árangri. „Sú
áhersla er meðal annars eitt leið-
arstefja nýrrar menntastefnu sem
nú er í mótun. Árangur nemenda
grundvallast á áhuga þeirra og vel-
líðan. Skólaforðun þarf að nálg-
ast úr ólíkum áttum og vinna gegn
henni í nánu samstarfi við skóla-
samfélagið, sveitarfélögin og önn-
ur ráðuneyti. Þar er vilji til góðra
verka, enda hefur þessi ríkisstjórn
sett velferðarmál barna og ung-
menna í forgang,“ segir Lilja. Því
má bæta við að nú er hafin vinna
innan ráðuneytisins við að skoða
þann kafla aðalnámsskrár grunn-
skóla þar sem fjallað er um und-
anþágur frá skólavist. Hér á landi
er skólaskylda í grunnskólum sem
hefur í för með sér að allar fjar-
vistir frá námi eru undanþágur.
Skólastjórnendur setja sínar reglur
með hliðsjón af því, frí og ferðalög
sem kalla á leyfi frá skólavist eiga
að heyra til undantekninga og þá
er mikilvægt að náminu sé einn-
ig sinnt af ábyrgð þegar barnið er
tekið úr skóla.
„Við höfum til skoðunar í ráðu-
neytinu hvort einhverjar leiðir séu
færar til þess að mæta þeirri ósk
skólastjórnenda að stjórnvöld setji
skýrari viðmið um undanþágur
frá skólasókn og skyldunámi. Þar
horfum við til dæmis til nágranna-
landa okkar þar sem slík viðmið
eru í mörgu tilfellum strangari en
hér,“ segir Lilja. „Markmiðið er að
nemendur nái árangri í sínu námi.
Samfélagsgerð okkar er flóknari
en áður og það gerir kröfu á okkur
öll um sveigjanleika og lausnir en
þær verða alltaf að vera með hags-
muni nemendanna að leiðarljósi,“
segir Lilja Alfreðsdóttir. mm
Telja of rúmar heimildir foreldra til að fá leyfi fyrir börn sín
Lilja Alfreðsdóttir menntamálaráð-
herra.
Á leið í skólann. Ljósm. úr safni/tfk.