Skessuhorn - 27.03.2019, Blaðsíða 21

MIÐVIKUDAGUR 27. MARS 2019 21

Auðarskóli
Ábyrgð – Ánægja – Árangur
SK
ES
SU
H
O
R
N
2
01
9
Auðarskóli óskar eftir að
ráða í eftirfarandi stöður
skólaárið 2019-2020

Kennarar í Auðarskóla
Við Auðarskóla er laus 77% staða kennara á unglingastigi og
100% staða kennara á miðstigi fyrir skólaárið 2019-2020.
Kennsla á unglingastigi
Smíðar
Enska
Danska
Kennsla á miðstigi
Stærðfræði
Samfélagsfræði
Danska
Upplýsingatækni
Mikilvægt er að umsækjendur búi að:
Færni í samskiptum
Frumkvæði í starfi
Sjálfstæð og skipulögð vinnubrögð
Góð íslenskukunnátta
Einnig þurfa umsækjendur að vera tilbúnir að vinna eftir stefnu
Auðarskóla í teymiskennslu.
Umsóknarfrestur er til 12. apríl 2019.
Umsækjendur þurfa að hafa leyfisbréf til þess að kenna í grunn-
skóla. Umsóknir um starfið berist á netfangið hlodver@audarskoli.is.
Í umsókninni þarf að vera ferilskrá og ábendingar um meðmælendur.
Upplýsingar um starfið veitir Hlöðver Ingi skólastjóri í síma 4304757.

Auðarskóli
Ábyrgð – Ánægja – Árangur
SK
ES
SU
H
O
R
N
2
01
9
Auðarskóli óskar eftir að
ráða tónlistarkennara

Tónlistarkennari
Við Auðarskóla er laus 100% staða tónlistarkennara við tónlistar-
deild skólans frá og með 1.ágúst 2019.
Mikilvægt er að umsækjendur búi að:
Færni í samskiptum
Frumkvæði í starfi
Sjálfstæð og skipulögð vinnubrögð
Góð íslenskukunnátta
Umsóknarfrestur er til 12. apríl 2019.
Umsækjendur þurfa að hafa leyfisbréf til þess að kenna í grunn-
skóla. Umsóknir um starfið berist á netfangið hlodver@audarskoli.
is. Í umsókninni þarf að vera ferilskrá og ábendingar um með-mæ-
lendur. Upplýsingar um starfið veitir Hlöðver Ingi skólastjóri í síma
4304757.
Júlíana, hátíð sögu og bóka, var hald-
in sjöunda sinn í Stykkishómi frá
fimmtudegi til sunnudags. Hátíðin
hófst formlega með opnunarhátíð
á Vatnasafninu á fimmtudagskvöld.
Þar voru veitt verðlaun fyrir smá-
sagnasamkeppnina sem efnt var til í
tengslum við hátíðina. Alls barst 41
smásaga í keppnina. Að þessu sinni
hreppti Ásdís Ingólfsdóttir fyrstu
verðlaun fyrir sögu sína Hnífjafnt.
Brynjólfur Þorsteinsson varð annar
fyrir söguna Ímugust og Hlín Leifs-
dóttir hafnaði í þriðja sæti fyrir sög-
una Bláa taskan. Dómnefndina skip-
uðu Sigþrúður Silja Gunnarsdóttir
ritstjóri, sem jafnframt var formað-
ur dómnefndar, Ármann Jakobsson,
prófessor og rithöfundur og Guð-
rún Baldvinsdóttir bókmenntafræð-
ingur. Á opnunarhátíðinni var Ingi-
björgu Helgu Ágústsdóttir veitt sér-
stök viðurkenning fyrir framlag sitt
til menningarmála í Stykkishólmi.
Yfirlitssýning á verkum hennar,
Ævintýraboxið, var opin alla daga
hátíðarinnar.
Í kjölfar opnunarhátíðarinnar
var opnuð sýning um Júlíönu Jóns-
dóttur, sem hátíðin er nefnd eftir, í
Norska húsinu og verður sýning-
in opin fram á sumar. Sýningin ber
heitið Lítil Mær heilsar, sem eru
upphafsorð eins af ljóðum Júlíönu.
Fjölmargir viðburðir voru um all-
an bæ eins og venja er á hátíðinni.
Ævar vísindamaður vann að skap-
andi skrifum með grunnskólakrökk-
um í Stykkishólmi í aðdraganda há-
tíðarinnar. Krakkarnir stigu á stokk í
Amtsbókasafninu á föstudeginum og
lásu afraksturinn undir handleiðslu
Ævars. Sýningar voru á myndverk-
um nemenda yngri deilda grunn-
skólans og Nanna Guðmundsdóttir,
forstöðumaður Amtsbókasafnsins,
las fyrir börnin á sögustund. Sveinar
og meyjar fetuðu sig frá einum stað
til annars í bænum og lásu upp úr
bókinni Ör eftir Auði Övu Ólafs-
dóttur. Sögustundir í heimahúsum
voru á sínum stað, en þær eru orðn-
ar fastur liður í dagskrá hátíðarinnar.
Anna Sigrún Baldursdóttir og Guð-
rún Marta Ársælsdóttir sögðu sög-
ur á heimili Grétu Sigurðardóttur
og heima hjá Þórunni Sigþórsdótt-
ur sögðu Magda Kulinska, Lucia
de Korte og Martin Markvoll frá
því hvernig þau settust að í Stykk-
ishólmi. Anna Margrét Ólafsdótt-
ir, Haukur Garðarsson og Martin
fluttu lifandi tónlist við sama tilefni.
Guðrún Eva Mínervudóttir hitti
hópinn sem las bók hennar, Ást-
in Texas, í vetur og hélt sömuleiðis
erindi. Gerður Kristný rithöfundur
fjallaði um bók sína Sálumessu og
Viktor Arnar Ingólfsson rithöfund-
ur sagði frá Flateyjargátu, hvernig
saga verður til og á sitt líf. Þá flutti
Þorgrímur Pétursson trúbador lög
af nýútkominni plötu sinni.
kgk/ Ljósm. sá.
Héldu hátíð sögu og
bóka um helgina
Krakkarnir á yngri deild Grunnskólans í Stykkishólmi unnu að skapandi skrifum með Ævari vísindamanni í aðdraganda
hátíðarinnar. Afraksturinn fluttu krakkarnir síðan í Amtsbókasafninu á föstudag.
Verðlaunahafar smásagnasamkeppninnar. Ásdís Ingólfsdóttir sigraði fyrir söguna Hnífjafnt. Brynjólfur Þorsteinsson hreppti
annað sætið fyrir söguna Ímugust og Hlín Leifsdóttir hafnaði í þriðja sæti fyrir söguna Bláa taskan.
Sögustundir í heimahúsum eru fyrir löngu orðnar fastur liður í dagskrá hátíðarinnar. Hér er má sjá tónlistaratriði heima í
stofu.
Fréttaveita Vesturlands
www.skessuhorn.is