Hugur og hönd - 01.06.2006, Qupperneq 49

um. Sé því beitt reglulega og af
skynsemi og lagni gerir það verkið
létt og auðsótt. Sé það ekki notað,
dofnar starfið og árangurinn verður
lítill" sagði formaður enn fremur.
Hlutverk Brýnisins er og verður fyrst
og fremst að flytja fréttir og koma á
framfæri upplýsingum til félags-
manna um það sem er á dagskrá hjá
félaginu og það sem um er að vera í
þjóðfélaginu og tréskurðarfólk gæti
haft áhuga á. Stefnt var að því að
Brýnið kæmi út allt að sex sinnum á
þessum fyrstu árum og voru félags-
menn hvattir til þess að skrifa í blað-
ið og senda upplýsingar um mál er
varða tréskurð og tréskurðarfólk.
Brýnið hefur komið reglulega út síð-
ari árin og hafa verið að jafnaði um
þrjú tölublöð hvert ár. A þessum
árum hefur það flutt tréskurðarfólki
margan og skemmtilegan fróðleik
sem enginn hefur mátt missa af og
styrkt á allan hátt samstöðu tré-
skurðarfólks um allt land.
Félagsmerki
Stjórn félagsins ákvað að efna til
samkeppni meðal félagsmanna um
merki fyrir félagið. Engar kvaðir
voru gerðar um útlit eða gerð aðrar
en þær að merkið skyldi vera hæft
til nota á bréfhaus og stimpil. Þá var
einnig gerð sú krafa að merkið hent-
aði vel til útskurðar. Félagar voru
hvattir til að senda inn tillögur sem
dómnefnd mundi síðan dæma um
og veita verðlaun fyrir.
Á aðalfundi í september að ári
liðnu kynnti formaður félagsins, Ev-
ert Kr. Evertsson, niðurstöður í sam-
keppni um merki Félags áhuga-
manna um tréskurð. Dómnefnd
valdi tillögu frá Halldóri Vilhelms-
syni sem sýnir upphafsstafi félags-
ins útskorna í asklok. Stafirnir eru
dregnir með höfðaletri og er lokið að
auki skorið fögru hefðbundnu
skrautverki. Það var mat dómnefnd-
ar að merkið uppfyllti vel þau skil-
yrði sem samkeppninni voru sett og
að útfærsla Halldórs væri í senn fög-
ur og myndræn, gerð af hugkvæmni
og bæri íslenskri útskurðarhefð fag-
urt vitni. Hann var síðan fenginn til
Gítnr n sýningu Félags áhugamanna um
tréskurð á sýningunni í Ráðhúsinu í mars
2006. Jón Adolf Steinólfsson skar út í
linditré, hnotu, mahoní og tekk.
Ljósm. Jón Adolf.
að skera merkið út, sem hann gerði
með miklum ágætum. Örn Sigurðs-
son gerði gestabók fyrir félagið, eftir
teikningu Halldórs, kostagrip mik-
inn sem ber höfundi gott vitni.
Sýningar
í lögum félagsins eru ákvæði um að
það skuli stuðla að sýningum á
verkum félagsmanna. Fyrsta sýning
á vegum félagsins var haldin helg-
ina 15.-16. júní 1996 í húsakynnum
íspan í Kópavogi. Á sýningunni
voru sýndir á annað hundrað munir
eftir 25 félagsmenn. Markmið henn-
ar var að gefa yfirlit yfir útskurð fé-
lagsmanna. Sýning sem þessi er ekki
keppni um form eða tækni, heldur
var henni ætlað að gefa raunsanna
mynd af því sem fólk var að skera
út. „Við vitum að mikill fjöldi fólks
fæst við útskurð, meiri en við höfð-
um reiknað með eins og fram kom
við stofnun félagsins, því er það
mikilvægt að halda opna sýningu,
með sem almennastri þátttöku þar
sem útskurðarmönnum gefst kostur
á að sjá hvað aðrir eru að gera og
sýna öðrum eigin verk" sagði Jón
Adólf Steinólfsson, formaður sýn-
ingarnefndar. Sýningar á vegum fé-
lagsins hafa verið haldnar árlega
síðan og oftast í hliðarsal Háteigs-
kirkju. Hafa þær gefið góða mynd af
verkum félagsmanna og fullyrða má
að sýningar sem þessar séu hvati til
tréskurðarmanna um að gera góða
hluti enn betur. Á öllum þessum
sýningum hafa verið gestasýnendur,
eldri og yngri tréskurðarmenn, sem
mikill fengur hefur verið að hafa
með.
Verkefni
Ymis verkefni og hugmyndir hafa
verið á dagskrá hjá félaginu, sum
hafa dagað uppi eins og gengur og
gerist, en önnur orðið að veruleika
eins og heimildamynd um tréskurð,
útskurðarhópar, viðarmiðlun, út-
leiga á teikningum, bókum og
myndböndum, ferðalög innanlands
og erlendis, námskeið í formfræði
og mynsturgerð, í brýningu, teikn-
ingu og útskurði. Hingað var m.a.
fenginn enskur kennari, Ian Nor-
bury að nafni, til að kenna styttu-
gerð. Síðla vetrar verður hér nám-
skeið þar sem ítalski trélistamaður-
inn Giuseppe Rumerio mun kenna
leirmótun og myndskurð eftir fyrir-
mynd. Báðir þessir kennarar voru á
vegum Jón Adólfs Steinólfssonar
trélistamanns, sem hefur umsjón
með námskeiðshaldi.
Á miðju fyrsta ári félagsins var
farið til fundar við skólameistara
Iðnskóla Reykjavíkur, Ingvars Ás-
mundssonar, þar sem tréskurður var
kenndur áður sem námsgrein. Það
kom í ljós í viðræðunum að áhugi
var á að hefja aftur kennslu í faginu.
Það lá svo fyrir í ársbyrjun ári
HUGUROG HÖND2006 49