Íslenskt mál og almenn málfræði - 01.01.2018, Side 213

Frá Íslenska málfræðifélaginu
Að þessu sinni eru birtar tvær ársskýrslur um starf félagsins í heftinu,
fyrir bæði árin 2017 og 2018.
Skýrsla um starfsemi félagsins
frá 7. mars 2017 til 19. janúar 2018
Aðalfundur félagsins var haldinn 7. mars 2017. Gjaldkeri gaf ekki kost á
sér til endurkjörs. Lögð var fram tillaga um nýja stjórn og í önnur emb-
ætti á vegum félagsins. Samþykkt samhljóða. Kosin voru: Þórhallur Ey -
þórs son formaður, Elma Óladóttir gjaldkeri, Ingunn Hreinberg Indriða -
dóttir ritari, Kristján Friðbjörn Sigurðsson meðstjórnandi, Höskuldur
Þráinsson og Haraldur Bernharðsson ritstjórar, Iris Edda Nowenstein og
Nedelina Ivanova varamenn, Eiríkur Rögnvaldsson og Sigríður Sigur jóns -
dóttir skoðunarmenn reikninga, Ingibjörg Frímannsdóttir fulltrúi félags-
ins á aðalfundi Málræktarsjóðs.
Á starfsárinu hefur stjórnin haldið þrjá fundi. Varamenn hafa verið
boðaðir á alla stjórnarfundi eins og tíðkast hefur og þeir hafa að jafnaði
tekið fullan þátt í störfum stjórnar og í skipulagningu og undirbúningi
atburða á vegum félagsins. Starfsemi félagsins á árinu hefur verið með
hefðbundnum hætti eins og fram kemur hér á eftir.
Málvísindakaffi
Málvísindakaffi var haldið venju samkvæmt á hverjum föstudegi, fyrir
utan þær vikur þegar ráðstefnur eða aðrir málvísindaviðburðir áttu sér
stað. Á vormisseri var það haldið í stofu 301 í Nýja Garði en á haustönn í
Veröld – húsi Vigdísar, oftast í stofu VHV-007 en stundum í VHV-008
eða í stóra fyrirlestrasalnum. Fyrirlesarar voru bæði innlendir og erlendir
og voru viðfangsefnin af ýmsum toga. Eftirfarandi er yfirlit yfir dagskrá
Málvísindakaffis frá síðasta aðalfundi.
17. mars 2017: Um aðferðafræðileg álitamál í tilbrigðarannsóknum
(Höskuldur Þráinsson)