Íslenskt mál og almenn málfræði - 01.01.2018, Side 215

að þessu sinni helguð minningu Magnúsar Snædals sem lést 3. desember
2017. Margrét Jónsdóttir hugðist minnast hans.
Félagatal
Í mars 2015 voru félagar í Íslenska málfræðifélaginu 266 talsins og hafði
sú tala lítið breyst við lok tímabils. Til viðmiðunar má nefna að þeir voru
394 talsins árið 2007. Þessa fækkun má að einhverju leyti rekja til úrsagna
héraðs- og skólabókasafna eftir hrun en einnig erlendra áskrifenda eftir
að erlenda greiðslufyrirtækið, sem hafði millgöngu um greiðslur bókasafna
og félagsmanna erlendis, fór á hausinn. 244 meðlimir eru á Facebooksíðu
félagsins en nöfn þeirra hafa ekki verið borin saman við nöfn þeirra sem
greiða áskriftargjald fyrir Íslenskt mál.
Kynningarmál
Sá háttur hefur verið hafður á að formaður hefur sent allar tilkynningar
um málvísindakaffi, fyrirlestra og ráðstefnur til félagsmanna í gegnum tölvu -
póstlista félagsins og birt þær á Facebooksíðu þess. Allir stjórnarmenn
eru stjórnendur Facebooksíðunnar.
Stærri atburðir, einkum fyrirlestrar og ráðstefnur, hafa verið kynntir
víðar, s.s. í viðburðadagatali Háskólans, á póstlistum skyldra félaga, á vef -
síðu Árnastofnunar o.fl. og einnig hafa verið sendar fréttatilkynningar til
helstu fjölmiðla. Málfræði félagið aðstoðar af og til aðra við að kynna sína
viðburði og koma til skila tilkynningum sem ætla má að eigi sérstakt erindi
við félagsmenn.
Þórhallur Eyþórsson, formaður
Frá Íslenska málfræðifélaginu 215