Íslenskt mál og almenn málfræði - 01.01.2018, Blaðsíða 217

2. mars 2018 flutti Eiríkur Rögnvaldsson prófessor erindið „Íslensk
máltækni – hvað er framundan“ þar sem hann gerði grein fyrir breyttri
stöðu í íslenskri máltækni eftir að ríkisstjórnin ákvað að fjármagna mál-
tækniátak.
16. mars 2018 sögðu Steinþór Steingrímsson, Starkaður Barkarson og
Gunnar Thor Örnólfsson á Stofnun Árna Magnússonar í íslenskum fræð -
um frá Risamálheildinni, gríðarstóru textasafni sem unnið hefur verið að
undanfarin ár og inniheldur um 1250 milljónir orða.
23. mars 2018 kynnti Vilhjálmur Þorsteinsson frá Miðeind ehf. mál-
greininn Greyni sem kann m.a. að þátta (trjágreina) íslenskan texta sam-
kvæmt samhengisfrjálsri málfræði fyrir íslensku, og getur sýnt setn-
ingatré myndrænt og unnið með þau á ýmsan hátt.
12. október 2018 talaði Helga Hilmisdóttir rannsóknarlektor um rann -
sóknarverkefnið „Íslenskt unglingamál“ – tilgang, markmið og hugmyndir
um gagnaöflun. Þetta er nýtt verkefni sem hlaut verkefnisstyrk Rann -
sóknasjóðs fyrr á árinu.
19. október 2018 flutti Filippa Lindahl nýdoktor erindið „Kjarna færsla
í talmáli í norrænum málum. Kynning á verkefninu og frumniðurstöður.“
Filippa er að rannsaka upplýsingagildi, formgerðarlega, merkingarlega og
setningafræðilega þætti sem skilyrða kjarnafærslu.
26. október 2018 fluttu Kristín Bjarnadóttir rannsóknardósent og
Kristín Ingibjörg Hlynsdóttir meistaranemi erindið „Nýja Beygingarlýs -
ingin“ þar sem þær gerðu grein fyrir endurskoðun og uppfærslu á Beyg -
ingarlýsingu íslensks nútímamáls.
2. nóvember 2018 flutti Dagbjört Guðmundsdóttir M.A. erindið „Þeir
töluðu illa um hvorn annan. Um beygingarbreytingu á orðasambandinu
hver/hvor annar í íslensku“. Erindið byggðist á BA-ritgerð Dagbjartar þar
sem hún kannaði m.a. uppruna og útbreiðslu breytingar á þessu orðasam-
bandi.
9. nóvember 2018 flutti Sigríður Sigurjónsdóttir prófessor erindið
„Hvað má ég fá dúkku? Sjaldgæft tilbrigði í myndun hv-spurninga í máli
Fíu“. Erindið byggðist á langsniðsathugun á máli stúlku á aldrinum 0;10
til 4;3 ára.
23. nóvember 2018 flutti Þóra Másdóttir, lektor við námsleið í talmeina -
fræði, erindið „Áhugaverð frávik í tali tveggja barna“. Erindið fjallaði um
hljóðkerfisþróun í máli tveggja barna og tilbrigði og frávik voru skoð uð út
frá kenningum David Stampe.
30. nóvember 2018 flutti Einar Freyr Sigurðsson rannsóknarlektor
erindið „Fornafnið maður og aðrir hrappar“ sem unnið var í samvinnu við
Frá Íslenska málfræðifélaginu 217