Bændablaðið - 09.02.2017, Blaðsíða 48

48 Bændablaðið | Fimmtudagur 9. febrúar 2017
Við tókum við ábúð á jörðinni
1. febrúar 2011. Föðurbróðir
Lindu og fjölskylda hans bjuggu
á jörðinni á undan okkur og voru
með loðdýr og um 100 kindur.
Foreldrar Lindu búa á bænum
Teigaseli 1 sem er næsti bær innan
við Teigasel 2.
Linda Björk er húsasmiður og
búfræðingur frá Hvanneyri og Jón
Björgvin er þúsundþjalasmiður.
Loðdýrahúsin í heild eru um
3.500 fermetrar. Haustið 2011 inn-
réttuðum við eitt refahúsið sem fjár-
hús og einungruðum loftið á því húsi
2012. Við nýtum öll húsin eitthvað
en nýtingin mætti vera betri. Gömlu
fjárhúsin eru eingöngu notuð sem
sauðburðarhús.
Býli: Teigasel 2.
Staðsett í sveit: Jökuldal,
Fljótsdalshéraði.
Ábúendur: Jón Björgvin Vernharðs-
son og Linda Björk Kjartansdóttir.
Fjölskyldustærð (og gæludýra):
Við eigum þrjú börn: Heiðdísi Jöklu
(5 ára), Snærúnu Hröfnu (3 ára) og
Fannar Tind (1 árs) og svo eru hund-
urinn Tríton og kötturinn Búi.
Stærð jarðar? Jörðin er um 1.110
ha.
Gerð bús? Sauðfjárbú.
Fjöldi búfjár og tegundir? Við
erum með rétt rúmlega 500 kindur
á vetrarfóðrum og einnig erum við
með nokkrar endur.
Hvernig gengur hefðbundinn
vinnudagur fyrir sig á bænum?
Það er nú eiginlega ekki til „hefð-
bundinn vinnudagur“ í sveitinni.
En á veturna eru gjafir kvölds og
morgna og ýmislegt gert milli gjafa.
Á haustin er Jón Björgvin að vinna
í hlutastarfi við fjárkeyrslu í slátur-
hús og eftir það tekur við rúningur
fram í desember og svo snoðrúning-
ur í mars. Linda Björk sér að mestu
leyti um gjafir yfir rúningsverktíð-
ina ásamt því að annast börnin og
heimilið.
Anna Birna, móðir Jóns, er hjá
okkur á sauðburði. Einnig eigum
við góða að í göngum og réttum á
haustin, sem er alveg ómetanlegt.

Skemmtilegustu/leiðinlegustu
bústörfin? Skemtilegasta sem við
gerum er sauðburður og heyskap-
ur, sem er í samvinnu við foreldra
Lindu – og svo fjárrag á haustin.
Hvernig sjáið þið búskapinn
fyrir ykkur á jörðinni eftir fimm
ár? Við verðum með svipaðan fjár-
fjölda og stefnum á að bæta húsa-
kost og aðstöðu ásamt því að laga
og stækka girðingar. Einnig að vera
búin að bæta tré- og járnsmíðaað-
stöðuna í aðstöðuhúsunum.
Hvaða skoðun hafið þið á félags-
málum bænda? Bændaforystan og
félagsmál bænda eru bændum afar
mikilvæg.
Hvernig mun íslenskum landbún-
aði vegna í framtíðinni? Á maður
ekki að vera bjartsýnn og spá að land-
búnaði muni vegna betur en nokkurn
tímann áður?
Hvar teljið þið að helstu tækifærin
séu í útflutningi íslenskra búvara?
Góð sala á íslenskum búvörum hér
á landi til erlendra ferðamanna er
góð auglýsing fyrir erlenda markaði.
Ásamt mörgu öðru.
Hvað er alltaf til í ísskápnum?
Mjólk, smjör og pítusósa.
Hver er vinsælasti maturinn á
heimilinu? Ærfille, hrísgrjóna-
grautur og lambalæri.
Eftirminnilegasta atvikið við
bústörfin? Það sem kemur efst í
huga núna er þegar við einangruð-
um þakið á fjárhúsunum og losn-
uðum við hélulekann og þegar við
fengum afrúllarann.
Líf og lyst
BÆRINN OKKAR
Linsoðið egg, íslensk rækja og heimalagað majónes
Egg eru úrvalsfæða og má nýta
sem próteingjafa. Þá er sniðugt að
gera smurt brauð sem er passleg
magafylli án þess að tæma budd-
una, því brauðið kemur á móti
minni skammti af próteini.
Æskilegt er að nota gott brauð,
helst danskt súrdeigs-rúgbrauð.
Heimalagað majónes
› 70 g eggjarauða
› 20 g Dijon-sinnep
› 7 g salt
› 120 ml hvítvínsedik eða eplaedik
› 3 dl bragðlítil olía
› 400 ml kaldpressuð repjuolía (fæst
nú íslensk)
Þessi uppskrift er stór og er
passlegt að gera hálfa uppskrift
nema fólk vilji eiga alvöru majónes í
kælinum, geymist ágætlega við rétta
kælingu.
Aðferð
Setjið eggjarauður, sinnep, salt og
edik í skál og hrærið vel saman í 30
sekúndur. Svo er olíunni hellt í mjórri
bunu saman við og þeytt áfram þar
til majónesið hefur þykknað. Setjið
majónesið í krukku með loki og
geymið í ísskáp (og þá eigið þið
majónes án aukaefna og með hollri
íslenskri fitu).
Smurbrauð með stökku
kjúklingaskinni og rækju
› 100 g kjúklingaskinn
› salt
› 4 egg
› 4 sneiðar af góðu kornrúgbrauði
› smjör fyrir brauðið
› 200 g rækjur
› salt og pipar
› grænar kryddjurtir að eigin vali til
skrauts
Aðferð fyrir stökkt kjúklingaskinn
Takið kjúklingaskinn af læri, og fjar-
lægið umfram fitu. Setjið á smjör-
pappír og kryddið létt með salti.
Bakið í ofni við 160 gráður í eina
klukkustund. Athugið að skinnið er
mjög brothætt.
Sjóðið egg eftir smekk. Eggjarauðan
má vera blaut og þá tekur suðan um
5–7 mínútur. Kælið eggin í köldu
vatni og skerið í helminga. Setjið
smjör á brauðið, svo áleggið (eggið)
og því næst majónes þar ofan á.
Bætið rækjum við og skreytið með
kjúklingaskinni og grænum krydd-
jurtum að eigin vali.
Smurt brauð með kartöflum, dilli,
smjöri og salti
Nýjar kartöflur á að meðhöndla
með virðingu en þær eru líka góðar
úr köldum jarðhýsum bænda. Það
skiptir vissulega máli hvernig þær
eru eldaðar. Hér er einföld uppskrift
með dilli og salti.
› 1 kg litlar kartöflur
› 1 búnt dill
› 50 g af smjöri
› salt
Aðferð
Skrúbbið kartöflur vel í köldu vatni
og setjið þær í pott með vatni og látið
vatnið ná yfir kartöflurnar. Bætið
ögn af salti við. Það þarf að vera
nóg af salti til að kartöflur smakkist
ákjósanlega – og setjið dillstiklana
með. Sjóðið kartöflurnar varlega
með lokið á. Þegar kartöflur sjóða,
fjarlægja froðu og önnur óhrein-
indi með skeið. Lækkið hitann og
sjóðið við lágan hita í 5–6 mínútur.
Slökkvið þá á hitanum og látið kart-
öflurnar liggja í vatninu í um 5–7
mínútur. Skolið og hellið vatninu af
og framreiðið kartöflur með hökk-
uðu dilli, köldu smjöri og ögn af
sjávarsalti.
Framreiðið með heimalöguðu
majónesi og kartöfluflögum á smur-
brauðinu.
Þetta er úrvals smurbrauð en það
má einnig nota rækju og egg saman
á brauðið.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Teigasel 2