Bændablaðið - 08.05.2017, Blaðsíða 14

14 Bændablaðið | Fimmtudagur 8. júní 2017
Neytendavakt MAST
komin á Facebook
Matvælastofnun tók í notkun
nýja Facebook-síðu miðviku-
daginn 31. maí síðastliðinn, undir
yfirskriftinni Neytendavakt
Matvælastofnunar. Tilgangur
síðunnar er að miðla hagnýtum
upplýsingum um öryggi matvæla,
hættur og innkallanir, meðferð
matvæla, vörusvik, merkingar
og rétt neytenda til upplýsinga.
Í tilkynningu stofnunarinnar
segir að á síðunni geti neytendur
einnig lagt sitt af mörkum í þágu
matvælaöryggis með því að tilkynna
um vanmerkt eða varasöm matvæli
á markaði í gegnum ábendingakerfi
stofnunarinnar. Þar sé einnig tekið
við spurningum þeirra.
Þetta sé gert til að tryggja
eftirfylgni og sér gæðastjóri
stofnunarinnar til þess að málum
sé fylgt eftir. Yfirlit yfir ábendingar,
fyrirspurnir og kvartanir til
Matvælastofnunar verði tekið
saman og birt í ársskýrslum
Matvælastofnunar.
Þannig geta neytendur fengið
fyrrgreindar upplýsingar á skjótan
og skilvirkan hátt í gegnum
Facebook, með því að líka við
síðuna. Neytendum sé þannig gert
kleift að taka upplýsta ákvörðun
um þann mat sem þeir neyta og
þannig sé hægt að forðast neyslu á
varasömum matvælum á markaði.
/smh
Álfaskór til sölu
– Spurning hvort tilboð komi úr álfheimum
„Álfarnir hafa pottþétt
áhuga á þessum skóm,“
sagði Ragnheiður
Jóhannsdóttir, hönn-
uður og prjóna kona,
sem árum saman hefur
framleitt álfaskó, en
hún er nú að selja allt
sem viðkemur fram-
leiðslunni.
Álfaskórnir eru lit-
ríkir inniskór sem eru
prjónaðir úr íslensk-
um lopa. Skórnir eru
með uppbrettri tá með
bjöllu. Ragnheiður er
búin að ákveða að selja
uppskriftir, viðskipta-
sambönd og annað sem
tilheyrir starfseminni sem stofnað
var til 2008.
Ragnheiður sagði að upphafið
á álfaskónum mætti rekja til 2005
en þá kom til hennar ung vinkona
og sagði að sig vantaði sokka með
stórri tá þannig að kettlingurinn á
heimilinu vildi leika við hana.
„Þessi flotta hugmynd kostaði
mig nærri tveggja ára þróunarvinnu,“
sagði Ragnheiður sem er með
aðstoðarprjónakonur til að hafa
undan. Þær „fylgja með“ ef
samningar nást!
– En hvers vegna er Ragnheiður
að selja?
„Ég ákvað 2011 að bjóða
ferðamönnum upp á námskeið í
prjóni. Þetta átti að vera svona
uppfylling þegar ég væri búin að
fylla allt af álfaskóm. En nú er
svo komið að ég get ómögulega
sinnt tveimur herrum,“ sagði sú
kona á Íslandi sem líklega er í
nánasta sambandi við álfheima –
en hvaðan hún fær fyrirspurnir í
síma 869 9913 er svo aftur önnur
saga.
FRÉTTIR
Lambamjólkurduft
Sjá nánar:
www.kb.is
-Óerfðabreytt innihaldsefni
-Hátt hlutfall mjólkurprótína
-Auðmeltanleg prótín
-Vítamín og steinefnabætt
-Einstaklega bragðgott
-Hentar einnig fyrir kið
-Auðuppleysanlegt
-Seljum einnig eftir vigt
11.600kr
25kg
Mynd / ghp
Ætla að ná utan um raunlosun gróðurhúsa-
lofttegunda frá íslenskum búum
Gerð verður greining á losun
gróðurhúsalofttegunda frá fimm
býlum á landinu á næstu mánuðum.
Niðurstöður greininganna verða
notaðar sem grunnur að vegvísi um
minnkun gróðurhúsa lofttegunda
frá landbúnaði. Umhverfis- og
auðlinda ráðuneytið og Ráðgjafar -
miðstöð landbúnaðarins undir-
rituðu samning þess efnis 2. júní sl.
Markmið verkefn is ins
er að meta umfang losunar
gróðurhúsalofttegunda ásamt því
að leitast við að draga úr losun
frá búum í íslenskum landbúnaði.
Samhliða mun samstarfsnet aðila
með tengingu við viðfangsefnið
þróast, sem nýst getur við
stefnumótun, þróun lausna og
ráðgjafar til bænda.
„Við höfum ekki haft fasta
ráðgjöf um hvernig megi minnka
losun gróðurhúsalofttegunda á
búum þó margt í okkar starfi miði
óbeint að því með ráðgjöf til bættra
búskaparhátta. Með verkefninu
munum við byggja upp þá þekkingu
sem þarf til að geta veitt betur
ráðgjöf á þessu sviði,“ segir Snorri
Þorsteinsson, jarðræktarráðunautur
hjá RML.
Unnið með fimm búum
Að sögn Snorra er núverandi þekking
á losun gróðurhúsalofttegunda frá
landbúnaði á Íslandi bærileg. „Við
erum með ágætis yfirlitsþekkingu
sem hægt er að byggja á og þétta.
Hér á landi hafa verið unnar fínar
rannsóknir á losun og upptöku
gróðurhúsalofttegunda ýmissa
vistkerfa ásamt því að notaðir hafa
verið erlendir stuðlar sem reynt
hefur verið að aðlaga samkvæmt
íslenskum aðstæðum.“
Nú sé hins vegar ætlunin að gera
greiningu frá búum í rekstri. „Þetta
verkefni snýr að því að fara inn á
býli og taka þau út. Við munum
svo nota tölur og gögn frá búunum
þannig að hægt sé að nálgast
raunlosun á hverju býli fyrir sig,“
segir Snorri.
Fimm bú munu taka þátt í
verkefninu og er nú auglýst eftir
þeim. Búin munu starfa með RML
í eitt ár, frá og með þessu sumri.
Mat mun verða lagt á helstu
losunarþætti viðkomandi búa og
lykiltölur um losun og bindingu
gróðurhúsalofttegunda teknar
saman. Horft verður á aðkeypt
aðföng, bústofn, framleiðslu og
landnotkun.
Þá verða settar fram tillögur að
leiðum til þess að draga úr losun
í samvinnu við þátttakendur.
Gerð verður áætlun um raunhæfar
aðgerðir til þess að draga úr
losun gróðurhúsalofttegunda á
þátttökubúum. Að ári liðnu liggi því
fyrir greining á losun frá hverju búi
og aðgerðaráætlun um hvernig hvert
bú geti dregið úr losun.
Niðurstöður að ári
Við val á þátttökubúum í verkefninu
verður lögð áhersla á að fanga
breytileika milli landfræðilegra þátta,
svo sem jarðvegsgerða og landlegu,
ásamt því að horfa til samsetningar
bústofns en allar búgreinar koma
til greina. Þá þurfa gögn um
aðfanganotkun og framleiðslu að
vera aðgengileg, að því er fram
kemur í verkefnislýsingunni.
U m h v e r f i s - o g
auðlindaráðuneytið leggur fram
10 milljónir króna til verkefnisins
og má vænta niðurstöðu þess í
lokaskýrslu í september á næsta ári.
/ghp
Markaðstorg fyrir aukaafurðir
Mikil gróska hefur verið í
nýsköpun með aukaafurðum úr
landbúnaði og sjávarútvegi hér
á landi. Má þar nefna sem dæmi
vinnslu fæðubótarefna úr fiskroði,
etanólframleiðslu úr ostamysu og
lífdísilvinnslu úr fitu og úrgangi.
Þróun slíkra vörutegunda byggir
á öflun hráefnis og er þessari vefsíðu
ætlað að skapa tengsl á milli þeirra
sem mynda úrgang eða aukaafurðir
með starfsemi og þeirra sem gætu
hugsanlega nýtt þessa afurð.
Nýlega var vefsíðan audlindatorg.
is opnuð Síðan er eins konar
markaðstorg fyrir lífbrjótanlegt
hráefni.
Úrgangur í dag, auðlind á morgun
Umhverfisstofnun stendur að
síðunni en hún var kynnt á
ráðstefnunni Úrgangur í dag –
auðlind á morgun, sem fram fór
á Grand hóteli miðvikudaginn 24.
maí.
Talið er að 8% af losun
gróðurhúsalofttegunda frá Íslandi
komi úr meðhöndlun úrgangs,
en um 176.000 tonn af úrgangi
er urðað hér árlega. Þar af eru
97.000 tonn lífbrjótanleg, að
því er fram kom í máli Hildar
Harðardóttur, sérfræðings hjá
Umhverfisstofnun, en hún kynnti
vefsíðu Auðlindatorgsins til leiks.
Bætt nýting aukaafurða gæti því
dregið úr losun og þannig gæti
lífbrjótanlegur úrgangur einnar
starfsemi orðið hráefni fyrir aðra.
Á vefsíðunni er hægt að auglýsa
hráefni eða falast eftir því, og hver
sem er getur auglýst á síðunni án
endurgjalds. Hráefnum er skipt í
sex flokka; sjávarútveg, sláturiðnað,
landbúnað og skógrækt, eldhús og
mötuneyti, seyru og húsdýraskít og
annað. Einnig er hægt að leita eftir
landshlutum. Nú þegar má finna
auglýsingu frá Landgræðslunni
sem óskar eftir verkaðri seyru til
landgræðslu. /ghp