Bændablaðið - 08.05.2017, Blaðsíða 40

40 Bændablaðið | Fimmtudagur 8. júní 2017
Skógræktarverkefni með hjálp Vivaldi-vafrans
– leitarvélin Ecosia leggur mikið til alþjóðlegra góðgerðarmála í skógrækt
Íslenski vefvafrinn Vivaldi var
gefinn út fyrir rúmu ári. Hann
er þróaður af teymi frumkvöðla,
með Jón von Tetzchner, forstjóra
Vivaldi Technologies, í farar-
broddi. Í nýjustu útgáfunni var
leitarvélinni Ecosia bætt inn í
vafrann, en með því að nota hana
getur fólk lagt sitt af mörkum til
skógræktarverkefna víðs vegar
um heiminn á svæðum þar sem
umfangsmikil skógareyðing hefur
átt sér stað
Ecosia er „græn leitarvél“ í
þeim skilningi að hún notar um 80
prósent af auglýsingatekjum sínum
í skógræktarverkefnin. Í hvert skipti
sem notandi leitar með Ecosiu leggur
hann sitt að mörkum. Talið er að
hver notandi þurfi að leita í um 45
skipti til að hægt sé að planta einni
trjáplöntu. Rúmlega átta milljónum
trjáplantna hefur þegar verið plantað
með þessum hætti síðan fyrirtækið
hóf starfsemi árið 2009. Vonir standa
til að talan verði komin í einn milljarð
árið 2020.
Í tilkynningu sem Jón von
Tetzchner sendi frá sér af þessu
tilefni kemur fram að teymið sé mjög
stolt af samvinnunni við Ecosia og
vonast sé til að notendurnir leggi sitt
af mörkum til umhverfismálanna,
einfaldlega með því að nota græna
leitarvél á vefnum. „Það er okkar
staðfasta skoðun að fólk eigi sjálft
að bera ábyrgð á upplifun sinni, þegar
það vafrar á netinu. Með því að bæta
Ecosia leitarvélinni við Vivaldi, erum
við að höfða til umhverfisvitundar
notenda okkar og veitum þeim
aðgang að grænum leitarvélum.“
Vivaldi hefur sérstöðu
María Þorgeirsdóttir, skrifstofu-
og starfsmannastjóri hjá Vivaldi
Technologies á Íslandi, segir að
þau telji ekki erfitt að ná fótfestu
með nýjan vafra, vegna þess að
Vivaldi vafrinn er öðruvísi. „Á
meðan aðrir vafrar verða stöðugt
einfaldari er lögð áhersla á það við
þróun Vivaldi að bæta stöðugt við
nýjum eiginleikum til þess að gera
vefnotkun skilvirkari og öflugri og
uppfylla þannig kröfur notenda,“
segir María.
Notendur sem prófa Vivaldi í
fyrsta skipti geta fundið Ecosia í
leitarglugganum hægra megin við
vefslóðagluggann. Ef smellt er á
stækkunarglerið birtist valmynd
með ýmsum leitarvélum, þar á
meðal Ecosia. Hægt er að gera
Ecosia-leitarvélina sjálfgefna í still-
ingunum, sem finna má undir merki
Vivaldi vafrans. /smh
Jón og Vivaldi-teymið í Magnolia, en teymið fer á hverju sumri þangað til
þess að vinna. Magnolia er lítill bær skammt frá Boston en þar býr Jón
og rekur meðal annars Innovation House, líkt og hann gerir á Eiðistorgi á
Seltjarnarnesi.
Ecosia byggir ofan á tækni Bing leitarvélarinnar. Með því að leita með Ecosia
leitarvélinni, sjá notendur litla talningarvél sem telur tré, efst í hægra horninu
á skjánum. Þar geta þeir séð hvað þeir hafa aðstoðað við að planta mörgum
Notendur sem prófa Vivaldi í fyrsta skipti geta fundið Ecosia í leitarglugg-
anum hægra megin við vefslóðagluggann. Ef smellt er á stækkunarglerið
birtist valmynd með ýmsum leitarvélum, þar á meðal Ecosia.
Tillögur Slow Food um breytingar á CAP:
Stuðlað verði að sjálfbærum landbúnaði
Endurskoðunarferli á Sam-
eiginlegri landbúnaðarstefnu
Evrópusambandsins (CAP)
er nú í gangi. Ástæðurnar
eru skuldbindingar Evrópu-
s a m b a n d s i n s ( E S B )
varðandi sjálfbæra þróun
og í loftslagsmálum, auk
þess sem breytingar hafa
orðið í þróun á alþjóðlegum
landbúnaðarmörkuðum.
ESB bauð af því tilefni upp á
samráð um endurskoðunina og
svöruðu meðal annars um 150
evrópsk félagasamtök kallinu, eins
og við greindum frá hér í blaðinu
á dögunum. Þar var kallað eftir
róttækum breytingum á grundvallar
umgjörð CAP – brjóta þurfi upp
ríkjandi fyrirkomulag sem þróaðist
æ meira í átt verksmiðjubúskapar.
Slow Food-hreyfingin – sem var
aðili að yfirlýsingu félagasamtakanna
– sendi sjálf inn sínar hugmyndir
áður en móttöku formlegra tillagna
lauk 2. maí síðastliðinn.
Sameiginleg landbúnaðarstefna
verði Sameiginleg matvælastefna
Aðalatriðin eru útlistuð í sex liðum
sem hér verður stiklað á: Breyta
þurfi um grunnstefnu þannig að
sameiginleg landbúnaðarstefna
verði að sameiginlegri matvæla-
stefnu, svo hún rúmi alla
matvælaframleiðslukeðjuna; líka
dreifinguna og matarsóun. Viðurkenna
verði rétt fólks til að eiga möguleika á
að neyta heilnæmra matvæla sem eru
framleidd vistvænt og á sjálfbæran
hátt. Að komið verði á haldbærum
stuðningi fyrir smáframleiðendur sem
stunda landbúnað með visthyggju og
framleiða staðbundin matvæli – í ljósi
þess að slíkir framleiðsluhættir stuðla
að sjálfbærum landbúnaði. Hvetja
verði til visthyggju í landbúnaði,
sem byggir á skilvirkri notkun á
auðlindum, lítilli eða engri notkun
á utanaðkomandi efnum. Afgerandi
stuðningur þarf að vera við jaðarhópa
og samfélög – þá sem minna mega
sín – til að mynda þá sem búa á
jaðarsvæðum.
Lýðræðisleg þátttaka
í stefnumótun
Að lokum er mælst til að þeir sem
taki stefnumótandi ákvarðanir
sem varða matvælaframleiðslu í
ESB virki lýðræðislega þátttöku
matvælaframleiðenda, neytenda
og annarra sem hafa ríka hagsmuni
af slíkum breytingum. Með því sé
spornað gegn miðstýringu sem hætta
sé á að öflug alþjóðleg stórfyrirtæki
nái stjórn á.
Niðurstaða endurskoðunar- og
samráðsferils ESB verður kunngerð
á ráðstefnu í Brussel 7. júlí nk. /smh
Mynd / Havarí
Askalind 4, Kópavogi
Sími 564 1864
www.vetrarsol.is
Til sölu lítið notað A-liner Expedition,
A-hýsi, sem er af stærstu gerð og með
rúmgóðu fortjaldi. Vagninn er ný skráð-
ur 2014. Frábært hús með öllum helstu
þægindum.
Ásett verð 2,7 millj. og skoðum öll
tilboð.
Nánari upplýsingar í síma 8999244.
TIL SÖLU LÍTIÐ NOTAÐ A-LINER EXPEDITION
Bændablaðið
Næsta blað kemur út
22. júní