Bændablaðið - 08.05.2017, Blaðsíða 45

Bændablaðið | Fimmtudagur 8. júní 2017
Matvælastofnun, Landbúnaðar-
háskóli Íslands og Tilraunastöð
HÍ í meinafræði að Keldum
vinna nú að verkefni með það
að markmiði að kortleggja
öndunarfæravandamál í sauðfé
um allt land og greina orsakir
þeirra.
Á Bændatorginu og á Fjárvís er
nú hægt að finna stutta könnun sem
hefur það að markmiði að safna
upplýsingum um hjarðir þar sem
öndunarfæraeinkenni hafa verið
vandamál. Matvælastofnun hvetur
alla sauðfjárbændur til að taka
þátt. Því fleiri sem taka þátt, því
árangursríkari verður greining þessa
mikilvæga heilsufarsvandamáls í
sauðfjár ræktinni.
Hósti í fé, og þá einkum
haustlömbum og ásetnings lömbum,
er þekkt vandamál á Íslandi.
Umfang og orsakir hósta hafa þó
ekki verið skráð skipulega og ekki
eru til yfirgripsmikil gögn sem nota
má til þess að leggja mat á vandann.
Þær rannsóknir sem hafa verið
gerðar á öndunarfæraeinkennum
hafa leitt í ljós að þau geti
stafað af m.a. kregðubakteríum,
lungapestarbakteríum, barkakýlis-
bólgu og lungnaormum. Telja
má líklegt að vandamálið sé
alvarlegra á sumum búum en
öðrum og jafnvel að ástæður geti
verið fleiri en ein. Á þeim búum er
mikilvægt að grípa til aðgerða gegn
öndunarfærasjúkdómum. Til þess
að geta unnið markvisst að slíkum
aðgerðum þarf að kortleggja vandann
og greina hvaða sýkingarvaldar og
áhættuþættir koma fyrir á hverju búi
fyrir sig. Stöndum saman vörð um
velferð sauðfjár.
Sigrún Bjarnadóttir,
dýralæknir nautgripa- og
sauðfjársjúkdóma hjá
Matvælastofnun
Bændablaðið
Kemur næst úr 22. júní
Rannsókn á öndunarfæra-
vandamálum í sauðfé
...frá heilbrigði til hollustu
Flutningur á líflömbum
Gefum og seljum ekki dýr
á röngum forsendum
Matvælastofnun vill vekja athygli
á að óheimilt er að selja, gefa eða
afhenda dýr einstaklingi sem
ástæða er til að ætla að hafi ekki
aðbúnað, getu eða vilja til að
annast dýrið í samræmi við lög
um velferð dýra.
M.ö.o. þá er bændum og öðrum
dýraeigendum óheimilt skv. lögum
um velferð dýra að selja eða gefa
frá sér dýr nema þeir viti fyrirfram
að viðtakandi vilji eignast dýrið og
hafi viðunandi aðstöðu og getu til
að hugsa um það. Jafnframt tilgreina
lögin að veita skuli viðtakanda dýrs,
eftir því sem við á, upplýsingar um
atriði sem máli skipta um velferð
þess.
Dæmi eru um að mætt sé með
lömb, grísi, hana og önnur dýr við
ýmis tækifæri s.s. afmæli og önnur
tilefni. Það getur verið gert sem grín,
sem skemmtun eða sem fræðsla.
Slíkir gjörningar rata gjarnan í
fjölmiðla og vekja ánægju meðal
þátttakenda en ekki endilega meðal
dýranna. Markmið laga um velferð
dýra „er að stuðla að velferð dýra,
þ.e. að þau séu laus við vanlíðan,
hungur og þorsta, ótta og þjáningu,
sársauka, meiðsli og sjúkdóma, í
ljósi þess að dýr eru skyni gæddar
verur. Enn fremur er það markmið
laganna að þau geti sýnt sitt eðlilega
atferli eins og frekast er unnt.“ Það er
jákvætt að auka nálægð almennings
við dýr en það þarf að gera það á
réttan hátt og í samræmi við lög. Best
er að leggja af gríngjörninga með dýr
og að gefa dýr í gríni. Við sýningu,
flutning og alla meðhöndlun dýra
þarf að gæta fyllstu nærgætni þannig
að þau verði ekki hrædd, passa upp á
vatn og fóður og ætíð forðast hávaða
og læti.
Hjalti Andrason
fræðslustjóri hjá
Matvælastofnun
Frestur til þess að sækja um
leyfi til þess að flytja líflömb
milli landsvæða samkvæmt
reglugerð nr. 550/2008 rennur
út 1. júlí.
Sótt er um leyfi til líflamba-
flutnings rafrænt inn á Þjónustugátt
á heimasíðu Matvælastofnunar
www.mast.is.
Vakin er athygli á því að á
riðusvæðum, þar sem riða hefur
greinst undanfarin 20 ár, er bannað
að flytja lifandi fé á milli hjarða.
Sigrún Bjarnadóttir,
dýralæknir nautgripa- og
sauðfjársjúkdóma hjá
Matvælastofnun
Askalind 4, Kópavogi
Sími 564 1864
www.vetrarsol.is
FYRIR BÆNDUR
Slá uvagn l að slá og gefa grænfóður inanndyra
Hentar einnig l að halda hreinu kringum bæinn
Slær 160cm og tekur 1900 lítra í graskassann
CANGURO PRO 1600 SLÁTTUVAGN