Bændablaðið - 08.05.2017, Blaðsíða 7

7Bændablaðið | Fimmtudagur 8. júní 2017
Fjölskylduhátíðin Fjör í Flóa markar eins
konar upphaf fjölskylduhátíða sveitarfélaga
landsins þetta sumarið. Hátíðin var haldin
dagana 26. til 28. maí í og við félagsheimilið
Þingborg í Flóahreppi.
Fjöldi fólks mætti á svæðið til að upplifa
það sem í boði var. Þar stóð sveitarstjórinn,
Eydís Þ. Indriðadóttir, m.a. vaktina og grillaði
uxakjöt frá Litla-Ármóti af miklum móð fyrir
gestina. Við hlið hennar stóð og Ásmundur
Friðriksson, þingmaður Suðurkjördæmis, og
grillaði gómsætt lambakjöt.
Á útisvæði var búið að koma fyrir upp-
blásnum kastala fyrir börnin og á túninu var
dráttarvélasýning. Þar gat að líta bæði gamlar
og virðulegar vélar sem og glæný tæki frá
fjölmörgum dráttarvélainnflytjendum. Eins
mátti sjá þarna nokkra virðulega gamla bíla,
eins og rússneskar Moskovich-bifreiðar og
háfætt torfærutröll sem búið var að smíða upp
úr gamalli Lödu-fólksbifreið.
Brunavarnir Árnessýlu mættu einnig á
svæðið með þrjá bíla. Þar gat að líta hefðbund-
inn slökkvibíl, körfubíl og sjúkrabifreið. Fengu
gestir að skoða gripina og börnin fengu líka
að sprauta vatni, máta á sig hjálma og jafnvel
að kveikja á sírenum. Þeir allra huguðustu
fengu svo far upp í háloftin í körfu á körfubíl
slökkviliðsmanna. /HKr.
MÆLT AF
MUNNI FRAM
Fáar stökur komust að í síðasta vísnaþætti. Þar verður engu um kennt nema málæði umsjónarmanns.
Fyrir það skal bætt í þessum þætti. Í
tilvitnuðum bréfaskriftum við Guðmund
B. Guðmundsson rifjast upp fleiri vísur
eftir Steinbjörn Jónsson frá Háafelli í
Hvítársíðu, ömmubróður Guðmundar.
Orðfæri og málsnilld í vísum Steinbjarnar á
sér samsvörun við margt í ritstíl Guðmundar
B. Guðmundssonar sem svo oft er vitnað
hér til. Steinbjörn orti svo fagurlega:
Armur þinn mér hné um háls,
hófust kynni fegurst,
þín var inning ástarmáls
eftirminnilegust.
Röddin mild og höndin hlý
hennar sem ég dáði.
Enn er sól og sumar í
svip og augnaráði.
Staddur í kirkjugarði orti Steinbjörn:
Feyskjast bein og fúnar hold
flestra týnd er saga.
Þessi gljúpa gróðurmold
geymir liðna daga.
Maður einn og kona sem unnust í meinum,
gengu sig afsíðis eitt stundarkorn.
Steinbjörn kvað:
Ástin vökul værð þeim bjó
væga sök því finnum,
hófleg mök við hana þó
hafði stöku sinnum.
Svipuð efnistök og í vísu Steinbjarnar má
finna í vísu eftir Arnþór Árnason frá Garði
í Mývatnssveit:
Lítið mína léttúð græt,
lífinu er þannig varið.
Ennþá finnst mér syndin sæt,
sækir í gamla farið.
Steingrímur Eyfjörð læknir orti um góðvin
sinn, Lúðvík Kemp vegaverkstjóra, þessa
vísu. Kallast þetta ekki að „ríða“ undir rós?:
Lagt hefir vegi víða og mælt,
veit ég þó ekki sannara
en honum reynist rétt jafnsælt
að ríða á vegum annarra.
Ekki reynast þó allir vegir reiðfærir.
Guðfinna Þorsteinsdóttir í Teigi orti svo:
Ei mig gastu brögðum beitt,
bauðst mér sæti á hnénu.
Vissir þó að eg var eitt
epli á skilningstrénu.
Örn Snorrason fékk líka höfnun frá stúlku:
Hefðarmærin lokkaljós
leið hér út um dyrnar.
Þetta er alveg einstök rós,
ekkert nema þyrnar.
Sr. Jón Þorláksson orti við skriftastólinn.
Þar reka menn og konur víst áþekk erindi:
Óskaplíkar eru þær,
Anna má, en neitar.
Imba vill en ekki fær
eftir því hún leitar.
Dýrólína Jónsdóttir var fædd á Hrauni
í Tungusveit á seinni hluta 19. aldar. Það
var ekki síður ort um öfugsnúin ástamálin
á þeim tíma. Ólína orti á sinni tíð svo
lipurlega:
Yndi brjálar ástasjúk
allt í málar glettum.
Fátæk sál í fögrum búk
full af táli og prettum.
Þorbergur Þorsteinsson, fæddur á Ísafirði,
en lengst af bjó í Skagafirði, var lipur hag-
yrðingur. Lokavísu þessa þáttar er hans.
Vísan er ort á Mánabar:
Það var mælt af þrótti og krafti,
það var orðið meira en grín,
hann sagði bara: „Haltu kjafti,
helvítis fyllibyttan þín.“
179
Umsjón:
Árni Geirhjörtur Jónsson
kotabyggð1@gmail.com
LÍF&STARF
61 nemandi brautskráður úr
Landbúnaðarháskólanum
Föstudaginn 2. júní var 61 nemandi
brautskráður frá Landbúnaðarháskóla
Íslands við hátíðlega athöfn í Hjálmakletti
í Borgarnesi.
Þar af voru 25 í búfræði frá starfs- og
endurmenntunardeild, 29 nemendur með
BS-próf, sex nemendur með meistarapróf og
einn með doktorspróf.
Gunnþór Bergsson frá Pétursey 2 hlaut
viðurkenningu fyrir besta árangur á búfræðiprófi
og í nautgriparækt. Bryndís Karen Pálsdóttir
frá Fossi hlaut viðurkenningu fyrir góðan
árangur í sauðfjárrækt og í hagfræðigreinum.
Hafsteinn Ingi Gunnarsson frá Kvíum
hlaut viðurkenningu fyrir góðan árangur í
bútæknigreinum og Sigríður Linda Hyström
frá Ártúnum hlaut viðurkenningu fyrir góðan
árangur í námsdvöl. Einar Sveinn Friðriksson
frá Valþjófsstað 2 hlaut verðlaun fyrir góðan
árangur fyrir lokaverkefni.
Af búvísindabraut voru útskrifaðir 10
nemendur og þar hlaut Sigríður Þorvaldsdóttir
frá Hjarðarholti viðurkenningu fyrir bestan
árangur á brautinni. Katharina Olga Metlicka frá
Sviss var efst á BS-prófi í umhverfisskipulagi
og Jón Hilmar Kristjánsson frá Reykjavík í
skógfræði og landgræðslu. Björk Lárusdóttir
frá Hvanneyri var efst á BS-prófi í náttúru-
og umhverfisfræði. Hún hlaut jafnframt
viðurkenningu fyrir frábæran árangur fyrir
lokaverk efni á BS prófi, ásamt Olgu Dís
Sævarsdóttur frá Reykjavík með einkunnina
9,5. Einnig hlaut Björk viðurkenningu fyrir
bestan árangur á BS-prófi með einkunnina
8,93.
Í ræðu dr. Björns Þorsteinssonar, fráfarandi
rektors, kom fram að samkvæmt ársreikningi
skólans fyrir árið 2016 hafi skólinn í fyrsta
sinn í sögu sinni skilað jákvæðum höfuðstól.
Niðurfelling Alþingis á stórum skuldum skólans
skipti þar höfuðmáli. Nú er í gangi valferli fyrir
eftirmann Björns í starf rektors. /ghp
Föstudaginn 2. júní var 61 nemandi brautskráður frá Landbúnaðarháskóla Íslands við hátíðlega athöfn í Hjálmakletti í Borgarnesi, þar af 25 í
búfræði frá starfs- og endurmenntunardeild, 29 nemendur með BS-próf, sex nemendur með meistarapróf og einn með doktorspróf.
Mynd / Kristín Jónsdóttir
Fjör í Flóa
Eydís Þ. Indriðadóttir, sveitarstjóri Flóahrepps, og Ásmundur Friðriksson, þingmaður Suðurkjör-
landbúnaðarráðherra, hvatti þau óspart til dáða. Myndir / HKr.
Karen Eva Harðardóttir fékk að prófa græjurnar
hjá Brunavörnum Árnessýslu.. hjá forföllnum dráttarvélaáhugamönnum.