Bændablaðið - 04.10.2018, Page 31

Bændablaðið | Fimmtudagur 4. október 2018 31
Hljóðsokkar á stóla
Verð 862 kr. stykkið
(Þrír litir)
Leitið tilboða í stærri kaup
www.stalidjan.is
Stáliðjan ehf - Smiðjuvegi 5, 200 Kópavogi - Sími 564 5885 - www.stalidjan.is
Dempar hljóð um allt að 18dB.
Minnkar slit á gólfi .
Má þvo í þvottavél.
Mjög létt að setja á og taka af.
Bráðnauðsynlegt í skóla, mötuneyti
og allstaðar þar sem að fjölmenni
kemur saman.
IS Hurðir I Sími 564 0013 I www.ishurdir.is I ishurdir@ishurdir.is
IÐNAÐARHURÐIR
BÍLSKÚRSHURÐIR
• Íslensk framleiðsla, smíði og samsetning.
• Allar hurðir smíðaðar samkvæmt máli.
• Áratuga reynsla starfsmanna í hurðum.
• Hágæða hráefni.
• Þolir íslenskt veðurfar.
• Sér meðhöndlaðar brautir gegn ryði og álagi.
• Stuttur afgreiðslutími.
ilbb . s F obca e ok
Yfirlit Hagstofu um sauðfjár- og nautgripabú árin 2008 til 2016:
Batamerki voru á búrekstrinum í árslok 2016
Hagstofa Íslands birti nýverið
samantekt sína um rekstur og
efnahag sauðfjárbúa, kúabúa og
annarra nautgripabúa fyrir árin
2008 til 2016. Þar kemur fram að
sauðfjárbúum hafði á þessum tíma
fækkað um tæplega 14 prósent og
kúabúum um tæplega 11 prósent.
Rétt er að taka fram að forsendur
kunna að einhverju leyti að hafa
breyst 2017. Á það trúlega einkum
við varðandi sauðfjárbúskap en það
kemur ekki kemur fram í þessari
skýrslu.
Rekstrartekjur sauðfjárbúa á
árinu 2016 voru þær sömu og árið
2008, eða 13,1 milljón á hvert
bú að meðaltali á föstu verðlagi
miðað við árið 2016. Búum hafði
á þessum tíma fækkað úr 1.712 í
1.477. Langtímaskuldir lækkuðu úr
rúmum 15 milljónum á bú í tæpar
11 milljónir.
Fjöldi nautgripabúa – annarra en
kúabúa – var svipaður frá 2008 til
2016; þau voru 97 árið 2008, flest
109 talsins árin 2011 og 2012 en
voru 90 árið 2016. Á þessu tímabili
voru rekstrartekjurnar mestar árið
2008, 1.332 m.kr. miðað við verðlag
ársins 2016, en voru 1.003 m.kr.
árið 2016. Langtímaskuldir hafa
minnkað um helming; úr 1.648 m.kr.
í 885 m.kr.
Tæplega 11 prósenta fækkun
kúabúa
Í yfirliti Hagstofunnar kemur fram
að kúabúum fór fækkandi á árunum
frá 2008 til 2016. Árið 2008 voru
707 kúabú í landinu með ræktun
mjólkurkúa sem aðalstarfsemi, en
árið 2016 voru þau orðin 631, sem
er fækkun um tæplega 11 prósent.
Meðalstærð búanna óx á sama tíma
um 12,6 prósent.
Rekstrartekjur kúabúa árið 2016
voru tæpar 24 milljónir króna að
meðaltali á hvert bú árið miðað
við fast verðlag, sem eru hæstu
meðaltekjur áranna frá 2008. Árið
2008 voru rekstartekjurnar tæpar 23
milljónir á bú að meðaltali miðað
við fast verðlag 2016, en lægri árin
á milli 2008 og 2016.
Langtímaskuldir kúabúa hafa
lækkað umtalsvert á árunum frá
2008 til 2016; eða úr rúmum 52
m.kr. að meðaltali á bú, miðað við
fast verðlag ársins 2016, í tæpar 29
m.kr. ársins 2016.
Þetta er í fyrsta skiptið sem
Hagstofan birtir slíkt yfirlit um
búrekstur og efnahag greina
landbúnaðarins, en stefnt er að því
að birt sé árlega samantekt um þessar
upplýsingar. Tölur fyrir 2017 munu
verða birtar síðar á þessu ári, þegar
mestur hluti skattaskila liggur fyrir.
/smh
Samkvæmt þessu línuriti var afkoma sauðfjárbúa á uppleið 2016, en trúlega
lítur myndin töluvert öðruvísi út fyrir árið 2017.
Langtímaskuldir höfðu minnkað um helming í nautgriparækt 2016, eða úr
1.648 m.kr. í 885 m.kr. Síðan hefur mikil uppbygging með miklum fjárfestingum
átt sér stað í greininni.