Bændablaðið - 09.05.2018, Blaðsíða 45

45Bændablaðið | Miðvikudagur 9. maí 2018
Tollasamningur við ESB um
landbúnaðarafurðir tók gildi
1 maí sl. og er hér um að ræða
mikið hagsmunamál bænda. Efnt
var til sérstakra umræðu á Alþingi
af því tilefni 3. maí og sýndist sitt
hverjum.
Fram kom gagnrýni á skort
á samráði, samningurinn væri
óhagstæður og að ekki liggi fyrir
upplýsingar um mótvægisaðgerðir.
Fram kom að gerð hafi verið mistök
við ákvarðanir um magn og tollfrelsi
við innflutning á svokölluðum
sérostum. Rétt er að geta þess að
Búnaðarþing, sem haldið var í
mars sl. ályktaði gegn þessum
samningi og krafðist þingið þess að
ríkisstjórnin og Alþingi tæki afstöðu
með innlendri matvælaframleiðslu
með því að styrkja tollvernd íslensks
landbúnaðar. Krafðist Búnaðarþing
að samningnum yrði sagt upp af
hálfu Íslands.
Verðmæti sem ekki má fórna
Heilbrigði íslenskrar land-
búnaðar framleiðslu er mikil og er
lyfjanotkun með því minnsta sem
þekkist ef miðað er við notkun td.
sýklalyfa í Evrópu. Sem dæmi sýndi
rannsókn fyrir nokkrum misserum
að meira en helmingur ferskra
kjúklinga í kjötborðum verslana í
Bretlandi væri sýktur af salmonellu
og kampýlóbakter.
Íslenski kúa- og sauðfjárstofninn
er að mestu laus við þá dýrasjúkdóma
sem Evrópulöndin þurfa að kljást
við og eru þar landlægir. Þetta
eru verðmæti sem ekki má fórna.
Í staðinn á lausnin að vera sú að
flytja hingað inn miklu meira
magn af landbúnaðarafurðum
sem fjöldaframleiddar eru
fyrir risamarkaði Evrópu með
sýklalyfjaaðstoð. Á sama tíma og
rætt er um að draga úr mengun í
öllum kimum samfélagsins á að
flytja vörurnar hingað alla leið
með tilheyrandi mengun og ógna
innlendri framleiðslu í leiðinni og
taka áhættu að bera hingað sjúkdóma
sem við höfum blessunarlega verið
laus við hingað til.
Stefnir heilbrigði íslensku
búfjárstofnanna í hættu
Við eigum að eiga samskipti og
viðskipti við sem flestar þjóðir,
en ég minni á að við erum engu
að síður eyland í landfræðilegum
skilningi. Við búum hér á eyju úti
í Atlantshafi. Það að hingað verði
fluttar inn hráar kjötvörur í stórum
stíl stefnir heilbrigði íslensku
búfjárstofnanna í hættu, en þeir hafa
sökum einangrunar landsins verið
lausir við flesta þá sjúkdóma sem
bændur í Evrópu eru í eilífu stríði
við með miklu magni af sýklalyfjum.
Matvælaöryggi landsins
Einnig vil ég nefna sérstakt áhugamál
mitt sem er almannavarnir. Hvernig
koma þær þessu við? Þar er ég að tala
um matvælaöryggi landsins, hversu
mikilvægt það er fyrir þjóð sem býr
úti í miðju Atlantshafi að hafa öfluga
matvælaframleiðslu sem hefur burði
til að brauðfæða þjóðina. Það er
hreinræktað almannavarnamálefni
að við höfum getu til að sjá um
okkur sjálf að mestu leyti hvað
matvælaframleiðslu varðar ef vá
steðjar að eða flutningar stöðvast
einhverra hluta vegna.
Innflutningur taki mið af
innlendum framleiðslukröfum
Framleiðsluskilyrði hér á landi eru
allt önnur en í Evrópu og enginn
samanburður auðveldur varðandi
magn framleiðslu og kostnað við
aðföng. Samanburður á mörkuð-
um er þúsundfaldur, 350 millj-
ónir gagnvart 350 þúsundum.
Samningar eiga auðvitað að taka
mið af þessu og allar kröfur um
framleiðslu afurðanna eiga að lág-
marki að vera að þær séu fram-
leiddar undir sömu kröfum og
hérlendis hvað varðar heilbrigði
dýranna, aðbúnað þeirra og sjálf-
bærni framleiðslunnar.
Tollasamningurinn setur bændur
í erfiða stöðu. Meðal þeirra er
andstaða við hann efnislega, en
einnig má finna að framkvæmd hans
að mörgu leyti.
Eitt það dýrmætasta sem við
eigum eru hreint og lítt snortið
land og þær hreinu afurðir sem
hér eru framleiddar. Innflutning,
sem ógnar heilbrigði íslenskra
landbúnaðarafurða á ekki að
leyfa. Stöndum vörð um íslenskan
landbúnað.
Karl Gauti Hjaltason
alþingismaður Suðurkjördæmi
kgauti@althingi.is

www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
Leitið upplýsinga hjá sölumönnum
FYRIR SAUÐBURÐINN
Ráðgjafarmiðstöð land búnaðarins
hefur hug á að setja í gang verk-
efni næsta haust sem lýtur að því
að efla fóðrunarleiðbeiningar
í sauðfjárrækt með áherslu á
frjósemi. Megináherslan í þessu
verkefni verður lögð á fóðrunar-
tímabilið frá hausti og fram yfir
fengitíð.
Verkefnið felur í sér ráðgjöf til
þátttakenda og gagnaöflun sem nýtt
verður við þróun fóðurleiðbeininga.
Túlkun og hagnýting á niðurstöð-
um verkefnisins verður unnin í
samstarfi við Landbúnaðarháskóla
Íslands.
Ávinningur búsins
Unnin er fóðuráætlun fyrir búið út
frá niðurstöðum heyefnagreininga.
Fylgst verður með framvindu
fóðrunar frá hausti og fram yfir
fengitíð m.a. út frá þungabreytingum
ánna og breytingum á holdafari
þeirra. Þegar frjósemi ánna liggur
fyrir eftir fósturtalningar næsta vetur
verður unnin niðurstöðuskýrsla fyrir
búið út frá þeim gögnum sem safnað
hefur verið og jafnframt gerð tillaga
að úrbótum. Þátttaka í verkefninu
ætti að vera áhugaverður kostur fyrir
alla þá sem hafa áhuga á fóðrun
sauðfjár og vilja ná betri árangri í
sínum búrekstri.
Skilyrði fyrir þátttöku og
kostnaður
Kostnaður búsins liggur í grein-
ingum á heysýnum en RML leggur
fram vinnu við heysýnatöku, gerð
fóðuráætlunar, holdastigun og
skýrslugerð.
Öll bú sem hafa 150 ær eða fleiri
geta sótt um þátttöku í verkefninu.
Hámarksfjöldi verður 21 bú.
Ef velja þarf úr þeim hópi
sem sækir um verður m.a. horft
til þess að ná inn búum með
breytilega frjósemi, horft verður
til staðsetningar búanna og að
lágmarks aðstaða sé fyrir hendi til
að vigta og holdastiga.
Að taka þátt
Hægt er að fá nánari upplýsingar
um verkefnið hjá:
Eyþóri Einarssyni (ee@rml.is /
862-6627/516-5014) og
Árni B. Bragasyni (ab@rml.is /
895-1372/516-500 sem jafnframt
taka á móti skráningum.
Tilkynna þarf þátttöku fyrir 10.
júní nk.
Karl Gauti Hjaltason.
Innflutningur
landbúnaðarafurða
LESENDABÁS Ráðgjafarmiðstöð landbúnaðarins
Eyþór Einarsson
ábyrgðarmaður í
sauðfjárrækt
ee@rml.is
Árni Brynjar Bragason
ráðunautur í
sauðfjárrækt
ar@rml.is
Gæti betri frjósemi ánna bætt
afkomuna á þínu búi?
– Hefur þú áhuga á samstarfi?
fóðrunarleiðbeiningar í sauðfjárrækt með áherslu á frjósemi. Mynd / HKr.
Mótorar og varahlutir á lager
Hröð og góð þjónusta
Dreifingaraðili BRIGGS & STRATTON
á ÍSLANDI
MHG VERSLUN EHF 544-4656 - MHG.IS