Fréttablaðið - 09.05.2020, Side 20

Forríkir slugsa
í heimsfaraldri
Nokkrir svartir sauðir hafa komið sér í fréttirnar
með misgáfulegri hegðun. Útgöngubann í Evrópu
virðist ekki gilda um sumar knattspyrnustjörnur.
Moise Kean
Everton
Milljarða flopp Everton sló öll met í samkomubann­
inu í Englandi þegar hann hélt partý með fjölmörgum
vinum sínum og vændiskonum. Guttinn, sem er tví­
tugur, hefur aðeins skorað eitt mark fyrir Everton en
það stoppaði hann ekki í að rífa upp símann og senda
partýið nánast út í beinni útsendingu. Everton sendi
frá sér yfirlýsingu þar sem félagið sagðist vera agn­
dofa yfir atvikinu og hegðun hans var fordæmd.
Jack Grealish
Aston Villa
Fyrirliði Aston Villa fór í partý til vinar síns, Ross
McCormack. Hann náðist á mynd eftir að hann hafði
keyrt á tvo bíla á 70 þúsund punda Range Rovernum
sínum og skemmt þá. Hann birtist heldur lúpulegur
á Instagram daginn eftir og baðst afsökunar. Enskir
miðlar spá því að partýið kosti hann félagaskipti til
Man. Utd og enska landsliðssætið sé í hættu enda
hafi landsliðsþjálfarinn lítinn húmor fyrir svona.
Kyle Walker
Man. City
Varnarmaðurinn birti yfirlýsingu í gær þar sem hann kenndi fjölmiðlum
um hvað hann bryti oft útgöngubannið. Walker hefur verið andlit forríkra
fótboltamanna sem halda að reglurnar gildi ekki um þá. Hann birti nefni­
lega myndband þar sem hann hvatti fylgjendur sína til að vera heima en
hélt svo kynlífspartý daginn eftir. Úr varð heljarinnar skandall og í vikunni
rauf hann útgöngubannið þrisvar sinnum. Hann brunaði til Sheffield þar
sem hann hitti fjölskyldu sína og fór út að hjóla með vini sínum. En í yfir­
lýsingunni spurði kappinn hvenær ætti að fara að hugsa um hans tilfinn­
ingar, sem nokkur bresk blöð svöruðu: Það fer eftir þér sjálfum.
Jerome Boateng
Bayern München
Varnartröllið braut samkomubann Bayern viljandi
þegar sonur hans veiktist og þurfti á pabba sínum að
halda. Bayern gat lítið annað gert en að sekta Boat­
eng sem borgaði glaður. „Ég geri mér grein fyrir því
að það voru mistök að gefa félaginu ekki upplýsingar
um þessa ferð mína. Ef mér er refsað þá tek ég því. Ég
vil finna þann föður sem er ekki hjá fjögurra ára syni
sínum á þessum tíma,” sagði Boateng í yfirlýsingu.
Mason Mount
Chelsea
Ungstirni Chelsea átti að vera í sóttkví eftir að liðs­
félagi hans, greindist með kórónaveiruna snemma
í mars. Þá voru viðbrögð samfélagsins frekar lítil og
ekkert útgöngubann. Aðeins sóttkví. Félagar hans
voru að fara í fótbolta, þar á meðal Declan Rice,
miðjumaður West Ham, og skellti Mount sér með.
Það fór illa í almenning og áminnti Chelsea hann.
Hann baðst afsökunar á hegðun sinni.
Amine Harit
Schalke
Miðjumaðurinn var gripinn glóðvolgur á ólöglegum
vatnspípubar um miðja nótt. Lögreglan gerði áhlaup á
barinn eftir að nágrannar höfðu kvartað. Daginn áður
hafði hann sagt fylgjendum sínum að vera heima
og fylgja reglum yfirvalda. Schalke henti í hann 100
þúsund evru sekt, sem gerir um 16 milljónir. Sektin
fór í góðgerðarmál samkvæmt þýskum fjölmiðlum og
baðst Harit afsökunar. benediktboas@frettabladid.is
Luka Jovic
Real Madrid
„Ég mun gera þeim ljóst að líf fólks er mikilvægara heldur en milljónirnar
sem þeir fá í laun,” sagði forseti Serbíu, Aleksandar Vucic, eftir að Nikola
Ninkovic og Luka Jovic skelltu sér á djammið þegar þeir áttu að vera í
sóttkví. Mál Jovic var þó mun fyrirferðarmeira enda er hann ein stærsta
íþróttastjarna Serbíu. Allir leikmenn Real Madrid áttu að vera í 14 daga
sóttkví eftir að leikmaður körfuboltaliðsins greindist með veiruna. Jovic
fékk að fara heim til Belgrad. Allt varð vitlaust í Serbíu og hótuðu forsetinn
og forsætisráðherrann því að ef Jovic myndi láta sjá sig utan heimilisins
yrði hann handtekinn og hent í steininn og látinn dúsa þar um ókomna tíð.
José Mourinho
Tottenham
Knattspyrnustjórinn José Mourinho var með æfingu
með þremur leikmönnum Tottenham í garði í Hadley
Commons í Lundúnum. Þeir Tanguy Ndombele,
Davinson Sanchez og Ryan Sessegnon sáust allir sam­
an á æfingu sem fór illa í almenning í Bretlandi, enda
var veiran að ná sér verulega á strik í landinu. Meira
að segja borgarstjórinn í Lundúnum sendi Mourinho
tóninn. Stjórinn baðst auðmjúkur afsökunar.
9 . M A Í 2 0 2 0 L A U G A R D A G U R20 S P O R T ∙ F R É T T A B L A Ð I Ð
SPORT