Fréttablaðið - 09.05.2020, Page 30

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga
Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli Bergmann, atli@frettabladid.is, s. 550 5657,
Jón Ívar Vilhelmsson, jonivar@frettabladid.is, s. 550 5654, Jóhann Waage, johannwaage@frettabladid.is, s. 550 5656,
Ruth Bergsdóttir, ruth@frettabladid.is, s. 694 4103,
Í beinni útsendingu hefur þessi hugrakki tónlistarmaður nú fjórum sinnum gert misárang­
ursríkar tilraunir til þess að semja
ódauðlegan smell frammi fyrir
aðdáendum sínum og ætlunin
er að endurtaka leikinn í hverri
viku. „Það er alltaf smá stress í
mér í hvert sinn sem ég ýti á „live
stream“ enda er alltaf hætta á því
að mér mistakist hrapallega. En
það er líka hluti af fjörinu. Fólki
finnst jafn áhugavert að sjá mér
mistakast eins og að verða vitni
að því þegar ný snilld fæðist í
upptökuverinu. Stundum tekst
manni að búa til æðislegan smell
og stundum gengur ekkert upp. En
það er líka þannig sem lífið virkar,“
segir Sakaris.
Tónlist Sakaris má lýsa sem
stórskemmtilegum poppbræðingi
með sniðugum og áhugaverðum
lagatextum. Hann gefur út hvern
smellinn á fætur öðrum. Lög eins
og „Beach Bod“ og „Cluster Bomb“
hafa öll einhver ómæld djúpstæð
áhrif á taugakerfið sem gerir það
að verkum að það er líkamlega
ómögulegt að dilla sér ekki með
Sakaris í græjunum. Sakaris er
frá Færeyjum en býr í Vesturbæ
Reykjavíkur og er að leggja loka­
hönd á meistaranám í Listahá­
skólanum.
Jóhanna María
Einarsdóttir
johannamaria@frettabladid.is
„Það er mikil gleði og bjartsýni á yfirborðinu í tónlistinni minni. Takturinn og laglínan er hressandi og vekur kæti. Undir niðri er alltaf kaldhæðni, biturleiki eða depurð.“ FRÉTTABLAÐIÐ/SIGTRYGGUR ARI
Andstæðurnar heilla
Þrátt fyrir hressandi riff og dill­
andi takt þá er tónlist Sakaris ekki
öll þar sem hún er séð. „Ég er mikið
fyrir að nota andstæður þegar ég
sem. Það er mikil gleði og bjartsýni
á yfirborðinu í tónlistinni minni.
Takturinn og laglínan er oft hress­
andi og vekur kæti. En undir niðri
er alltaf smá kaldhæðni, örlítill
biturleiki eða depurð sem kemur
oftar en ekki fram í textanum. Ef
bæði lag og texti eru sykursæt og
dúlluleg þá gerir það ekkert fyrir
mig. Það verður að vera smá tog­
streita. Það er hvorki mannlegt né
raunsætt að vera ofurhamingju­
samur og glaður alltaf, alla daga.
Það er einfaldlega ekki mögulegt.“
Þessi ást Sakaris á andstæðum sést
vel í lagatextum hans, eins og þeim
sem fylgir laginu „Music is Never
Gonna Make Me Rich“.
„you need to study,” mama said
„so you can be a dentist or a teacher
like your dad”
but i said, „mama, please shut up,
now
you know exactly what i’m gonna
do”
but music
is never gonna make me rich
it’s only gonna save my soul
‘cause no one wants to listen to this
shit
but i swear i’ll get it under control
‘cause i’m holding on
Gremja og gleði
Sakaris deilir upptökuveri í
Vesturbænum með tveimur
öðrum tónlistarmönnum. „Við
settum upp myndbandsupptöku­
vél í stúdíóinu en undanfarið hefur
tónlistarheimurinn kallað æ meira
eftir myndbandsefni frá okkur
tónlistarmönnum. Það var þá sem
ég fékk hugmyndina að því að
beinstreyma tilraunum mínum til
þess að búa til smell.“ Sakaris hefur
nú birst í lifandi streymi gegnum
Facebook fjórum sinnum síðustu
fjóra miðvikudaga. Það er einstakt
að fá að fylgjast með honum byrja
á örlitlum taktbút og byggja upp
í heilan hljóðheim á örstuttum
tíma. „Ég fæ oft hugmyndir að
lagstúf eða einhverju flottu riffi
þegar ég er á gangi. Þá stoppa ég
og tek upp hljóðskrá í símanum.
Það hlýtur að vera frekar fyndið
að fylgjast með mér standandi
úti á götu að raula einhvern takt
eða laglínu í símann. En ég á alltaf
safn af litlum hugmyndum til
þess að byrja á þegar mig vantar
innblástur í upptökuverinu. Fólk
hefur tekið þessu uppátæki mínu á
netinu mjög vel og finnst áhuga­
vert að fylgjast með ferlinu, bæði
gleði minni og og stolti þegar
vel tekst, en líka gremju þegar
ekkert gengur upp. Það eru líka
margir sem hafa sagt mér að þessi
streymisvídeó hafi veitt sér inn­
blástur til þess að vinna að eigin
efni. Það sem er mikilvægast í allri
sköpun er einfaldlega að byrja.
Það gerist ekkert ef þú byrjar ekki.
Ég er sjaldnast með fullmótaða
hugmynd þegar ég byrja á að setja
saman lag og lendi oftar en ekki í
því að lagið kemur allt öðruvísi út
en ég hafði hugsað mér. “
Sakaris birtir reglulega texta­
brot á samfélagsmiðlum sínum og
oftar en ekki verða þessi textabrot
að lagi. Hér má sjá eitt slíkt sem
hefur ekki enn orðið að lagi, en
verður það vonandi bráðum.
Silver
You are my silver
you are my number 2
you are the best I could get
but don‘t you forget
I am your silver too
Sakaris segir að samkomu­
bannið hafi haft lítil áhrif á sitt
starf sem tónlistarmaður. „Ég er
mikið í að pródúsera fyrir aðra
tónlistarmenn. Þegar það er mikið
að gera í því þá hef ég minni tíma
fyrir eigin tónlist. En svo þegar
róast í framleiðslubransanum hef
ég meiri tíma til að sinna tónlist­
inni minni. Einmitt núna er ég til
dæmis að framleiða efni fyrir fær­
eyska tónlistarkonu sem kallar sig
FRUM. Ég er mjög heppinn að hafa
fengið til mín helling af verkefnum
til að vinna að í samkomubanninu
og því hefur það haft minni fjár­
hagsleg áhrif á mig en marga aðra
tónlistarmenn.“
Það hlýtur að vera
frekar fyndið að
fylgjast með mér stand­
andi úti á götu að raula
einhvern takt eða laglínu
í símann.
00000
www.veidikortid.is
Gleðilegt
veiðisumar!
Fæst hjá N1 - OLÍS og veiðiverslunum
2 KYNNINGARBLAÐ FÓLK 9 . M A Í 2 0 2 0 L AU G A R DAG U R