Fréttabréf Öryrkjabandalags Íslands - 01.09.1989, Síða 17

Þá var formanni Blindrafélagsins
afhent silfurmerki íþróttasambands
fatlaðra.
Hápunktur hátíðahaldanna var
þegar Þórir Barðdal myndlistarmaður
afhenti Blindrafélaginu að gjöf högg-
mynd sína sem hann nefnir Friðar-
dúfuna. Verkið er gert úr hvítum
marmara og stendur á svörtum smíða-
jámsfæti. Mæltist gjöfin mjög vel fyrir
og þykir verkið hið fegursta.
Þá var starfsemin sem fram fer í
Hamrahlíð 17 til sýnis og voru allar
stofnanir og fyrirtæki í húsinu opnar
almenningi og sýnt hvað þar fer fram.
í Blindrabókasafni Islands voru jafn-
framt nokkur verk Sigurjóns Olafsson-
ar myndhöggvara til sýnis og í Sjón-
stöð íslands var sýning á gömlum
gerðum af gleraugum sem fengin voru
að láni frá Þjóðminjasafni Islands.
A vegum Blindrafélagsins var opn-
uð þróunar- og hjálpartækjasýning þar
sem sýnd var einnig handavinna eftir
sjónskert fólk. Til sýnis voru einnig
nokkrir smíðisgripir eftir Þórð Jónsson
frá Mófellsstöðum í Skorradal, en
hann gekk undir nafninu „Þórður
þjóðhagi“. Þórður var fæddur 1874 og
varblindurfrá7 ára aldri. Meðal smíð-
isgripa hans er bandsög sem hann
smíðaði nokkrum mánuðum eftir að
hafa farið höndum um sams konar
bandsög á verkstæði í Reykjavík.
Þórður lagði út í smíðina vegna þess að
sams konar sög kostaði á sinni tíð
(1911) 500krónureða 125 lambsverð.
Það þótti Þórði of dýrt. Þykir þessi
smíði stórvirki af blindum manni og
sögin hinn mesti kjörgripur.
Til sýnis voru einnig gömul og ný
hjálpartæki fyrir blinda og sjónskerta.
Mikla athygli vakti talandi lesvél sem
til sýnis var sjálfan afmælisdaginn.
Á annarri hæð hússins að Hamra-
hlíð 17 var sett upp ljósmyndasýning
úr sögu Blindrafélagsins og sýnir hún
einnig blinda og sjónskerta við nám og
störf.
Þá var einnig starfsemi Blindra-
vinnustofunnar sýnd, en hún er stærsti
vinnustaður blindra og sjónskertra hér
á landi.
Um kvöldið var svo haldið afmæl-
ishóf í Átthagasal Hótel Sögu, þar sem
Arnþór Helgason var veislustjóri. Þar
flutti félagsmálaráðherra, Jóhanna
Sigurðardóttir, aðalræðuna og til-
kynnti um 600.000 króna gjöf ríkis-
stjórnarinnar til Bindrafélagsins. Gjöf-
Heilladísir á hendur tvær.
inni skal varið til Fréttaútgáfu fé-
lagsins á hljóðsnældum (valdra
greina).
Þá fluttu fulltrúar frá blindra-
félögunum á hinum Norðurlöndunum
ávörp og afhentu Blindrafélaginu
gjafir. Fjölmargir aðrir tóku til máls og
Blindrafélaginu barst fjöldi gjafa og
kveðja frá ýmsum fyrirtækjum,
félagasamtökum og einstaklingum.
M.a. gaf Öryrkjabandalag Islands
félaginu lítinn tölvustýrðan blindra-
letursprentara og Dönsku blindrasam-
tökin gáfu Blindrafélaginu handofið
veggteppi með ártölunum 1939-89.
Fjölmargar aðrar gjafir bárust auk
peningagjafa. Öllum þeim sem gáfu
eru hér með færðar miklar þakkir fyrir.
Þá voru þrír menn sæmdir gull-
lampanum sem er æðsta heiðursmerki
Blindrafélagsins, en þeir eru Oddur
Ólafsson fyrrum yfirlæknir á
Reykjalundi og heiðursformaður
Öryrkjabandalags, Guðjón Guð-
mundsson, sem hefur verið formaður
stjórnar Blindravinnustofunnar um
árabil, og Halldór S. Rafnar fram-
kvæmdastjóri Blindrafélagsins og
fyrrum formaður þess. Auk þess var
Halldór sæmdur æðsta gullmerki
Norsku Blindrasamtakanna fyrir störf
hans að málefnum blindra hérlendis og
á erlendum vettvangi.
Þá voru flutt nokkur skemmti-
atriði. Gunnar Kr. Guðmundsson lék
nokkur lög á harmonikku, Rósa Ragn-
arsdóttir söng við píanóundirleik
Guðna Þ. Guðmundssonar, nokkur létt
lög og Kolbeinn Bjarnason flautuleik-
ari flutti verkið Greinar án stofns eftir
Svein L. Björnsson.
1 tilefni afmælisins var húsið að
Hamrahlíð 17 allt málað að utan og
stóðu þeir styrktarfélagarnir Bessi
Gíslason og Einar Birgir Steinþórsson
fyrir því.
Reykjavík, 31. ágúst 1989,
Gísli Helgason.
Höfundur Ilytur boðskap sinn yfir hátíðargestum.
FRÉTTABRÉF ÖRYRKJABANDALAGSINS
17