Fréttabréf Öryrkjabandalags Íslands - 01.09.1989, Blaðsíða 19

Iðjuþjálfi setur hvíldarspelku á gigtveika hendi, spelkurnar sem eru gerð-
ar á Gigtlækningaastöðinni, hjálpa sjúklingnum til að slaka á hendinni.
varðar hag gigtsjúkra, er eitt af þeim
verkefnum sem við höfum unnið að
alveg frá byrjun, en fræðsla er mjög
nauðsynleg, bæði fyrir sjúklinga og
aðstandendur þeirra, og eins allan
almenning. Að þessu höfum við unnið
með fræðslufundum, bæði almennum
og innan félagsins. Við gefum út tíma-
rit Gigtarfélags Islands, en í því eru auk
félagsmálanna alltaf fræðsluþættir um
sjúkdóminn, við höfum verið með um-
ræðuþætti í útvarpi og sjónvarpi og
fræðsluþætti í blöðum, - á tíu ára
afmæli Gigtarfélagsins vorum við til
dæmis með heila Lesbók um gigtar-
sjúkdóma og þau vandamál sem þeim
fylgja. Og sem stendur vinnum við að
því að gefa út fræðslurit um gigt, ætlað
gigtsjúkum og almenningi.
MIKILVÆGI FRÆÐSLUNNAR
Tilgangur félagsins er einnig að
bæta hag gigtsjúkra, meðal annars með
því að gefa þeim meiri möguleika á að
leita sér lækninga. Þess vegna fór
aðalorka félagsins í mörg ár í að koma
upp gigtlækningastöð, en hún tók til
starfa árið 1984, og á Sveinn Indr-
iðason, annar formaður félagsins,
heiðurinn af byggingu hennar.
A lækningastöðinni gefst gigt-
sjúkum kostur á sjúkra- og iðjuþjálf-
un, og að leita til sérfræðings í gigtar-
sjúkdómum. Þar starfa fimm
sjúkraþjálfar og tveir iðjuþjálfar, auk
þess sem þrír gigtarlæknar eru þar með
stofu einu sinni í viku.
A Gigtlækningastöðinni höfum
við verið með svokallaðar hópmeð-
ferðir, en það er fyrirhugað að þ'ær
verði snar þáttur í starfseminni. Þetta
er meðferð sem byggir mikið á fræðslu
og kennslu um allt sem snertir
sjúkdóminn og meðferð hans, og fer
fram í litlum hópum fjögurra til sex
sjúklinga með sama vandamál. Þeir
eru fræddir um eðli sjúkdómsins, hvað
beri að varast, hvað sé best að gera og
hvaða þátt þeir geti átt í bata sínum, en
um fræðsluna sjá sjúkraþjálfar, iðju-
þjálfi, félagsráðgjafi og gigtarlæknir.
Hópmeðferðin erbæði tíma- og mann-
frek, en þó við höfum ekki gert upp
árangurinn hér á landi vitum við af
könnunum sem hafa verið gerðar á
þessum þætti í starfi erlendra gigtar-
félaga, og þar hefur árangurinn verið
mjög góður.
Bræðrafélögin á Norðurlöndum
voru okkur innan handar við stofnun
félagsins, og hefur samvinna við þau
verið á stefnuskrá okkar frá upphafi.
Nú vinnum við ásamt þeim að und-
irbúningi Norræns gigtarárs sem verð-
ur 1991 á vegum Norðurlandaráðs.
Gigtarfélögin sjá um framkvæmd
ársins sem verður helgað baráttunni
við gigtina, fræðslu og upplýsingum
um gigtarsjúkdóma og málefni gigt-
sjúkra, en slík fræðsla er jafn brýn nú
og fyrir 13 árum, þegar félagið var
stofnað, - þó heilmikið hafi áunnist.
Auk þess að starfa með norrænum
gigtarfélögum erum við auðvitað með-
limir í alþjóðasamtökum gigtarfélaga,
og þegar Alþjóðlegt gigtarár var haldið
1977, vorum við ein af þeim þjóðum
sem gáfurn út frímerki í tilefni ársins.
Þar að auki tökum við þátt í Evrópu-
samtökum gigtarfélaga, sækjum fundi
Heitt vax er notað þegar bakstrar eru settir á hendur.
FRÉTTABRÉF ÖRYRKJABANDALAGSINS
19