Fréttabréf Öryrkjabandalags Íslands - 01.09.1989, Blaðsíða 32

BETRI FRAMTÍÐ
BYRJAR í DAG!
„Byrjun sólmánaðar. Skollasálin
var ennþá alhvít og Skútudalurinn, en
klettapeysan hægra megin á Hóls-
hyrnunni var svört með hvítum rönd-
um. Suðrið andaði þýðvindum, og
þegar sólin skein á klettana, roðnuðu
þeir strax á vangann.
Tveir menn hittust í góðviðrinu á
tröppunum við Gránugötu 14, annar
handarvana, hinn með bilaða fætur.
Þeir ræddu um það, hvort ekki væri
hægt að koma á fót samtökum til þess
að beriast fyrir réttindum fatlaðs
fólks“.
Þannig byrjaði það! Þannig fórust
eldhuganum Sigursveini D. Kristins-
syni, einum af forsvarsmönnum að
stofnun fyrsta Sjálfsbjargarfélagsins,
orð fyrir 30 árum í „Sjálfsbjörg", blaði
landssambandsins.
A þeim 30 árum sem liðin eru síðan
fyrstu Sjálfsbjargarfélögin stofnuðu
með sér landssamband hefur margt
breyst. Sigrar hafa unnist og mörgum
þröskuldinum hefur verið rutt úr vegi.
Fatlaðir hafa æ meira rutt sér braut út í
þjóðfélagið, látið til sín taka, unnið við
hlið ófatlaðra að því að byggja upp og
bæta samfélagið sem við öll lifum og
búum í. Það er því mörgu að fagna
þegar á tímamótum sem þessum, er
litið yfir farinn veg, sem ber vitni um
hverju máttur samtakanna fær áorkað.
Vinkilbeygja á fullri ferð.
EN VERKEFNIN ERU
ÓÞRJÓTANDI!
Hvaða grettistökum á ekki eftir að
lyfta í ferlimálum?
Hvenær ætli biðlistar eftir hentugu
húsnæði fyrir fólk sem er fatlað verði
orðnir viðráðanlegir?
Hvenær verður heimaþjónustan
orðin það öflug að fatlaðir hvar sem er
á landinu geti búið á eigin heimili, en
þurfi ekki að flytjast inn á sólar-
hringsstofnanir?
Hvenær verða þær bætur sem
almannatryggingar greiða öryrkjum,
orðnar mannsæmandi?
H vað er langt í að markmiðum laga
um málefni fatlaðra um jafnrétti og
sambærileg lífskjör verði náð?
Mun okkur einhvern tímann takast
að breyta viðhorfum alls almennings
þannig að litið verði á fólk sem er fatl-
að eins og hvern annan einstakling án
sérstaks tillits til fötlunar hans? Að ein-
staklingurinn verði metinn út frá hæfi-
leikum sínum en ekki vanhæfileikum.
Svona upptalningu væri hægt að
halda áfram nærri endalaust. Þó margt
hafi áunnist má hvergi láta deigann
síga! Það er með því hugarfari sem við
Sjálfsbjargarfélagarum landallt höld-
um upp á 30 ára afmæli landssam-
bandsins okkar. Við höldum upp áþað
undir kjörorðinu „Betri framtíð byrjar
í dag“ og erum staðráðnir í því að láta
þetta afmælisár verða upphafið að
nýrri sókn til lausnar hinna óþrjótandi
verkefna.
Hjá Sjálfsbjörg, landssambandi
fatlaðra, höfum við á þessu afmælisári
orðið áþreifanlega vör við vilja
almennings og forráðamanna í garð
samtakanna. Fyrir það erum við mjög
þakklát og vonumst til þess að saman
megum við bera gæfu til að ryðja úr
götu fatlaðra þeim steinum sem þar
eru enn og láta þar með slagorð
afmælisársins rætast, BETRI
FRAMTÍÐ BYRJAR í DAG“.
Kveðja
Jóhann Pétur
Stormað í breiðsíðufylkingu niður Laugaveg.
32