Fréttabréf Öryrkjabandalags Íslands - 01.09.1999, Side 50

• IBRENNIDEPLI
s
liðnum mánuðum hafa tvenn
lög sl. vetrar er varða trygg-
ingamál tekið gildi. 1. júlí sl.
tók úrskurðamefnd tryggingamála til
starfa og von okkar sú að henni
auðnist að úrskurða svo að réttmæt
úrlausn fáist hverju sinni. Vaxandi
fjöldi fólks vill freista þess að fá
úrlausn þeina mála sem synjað hefur
verið af Tryggingastofnun ríkisins og
rétt að láta reyna á réttmæti þess eða
leiðréttingu fyrir óháðri úrskurðar-
nefnd. Nefndinni fylgja héðan farar-
óskir góðar þar sem réttsýni muni ráða
ferðinni umfram allt.
1. sept. sl. tóku svo gildi lögin um
breytingu á örorkumati þar sem það
inntak er öllu mikilvægara að tekjur
hafi ekki áhrif á örorkumat, heldur séu
hinar læknisfræðilegu forsendur einar
látnar ráða.
Báðar þessar lagabreytingar voru
eindregið studdar af Öryrkjabandalagi
Islands sem einnig fékk fram
ákveðnar breytingar sem miklu skiptu
hvað varðar óhæði úrskurðamefndar.
Við höfum þær vonir að hvoru
tveggja breytingin verði til góðs, vit-
um raunar að örorkumat getur alltaf
verið umdeilanlegt en inn í þá mynd
koma þá ný ákvæði um það að þau
sem undir mat gangast svari sjálf til
um getu sína og færni. Samhliða góðu
læknisvottorði geta svör fólks skýrt
myndina og glöggvað forsendur svo
matsprósentan verði enn öruggari að
allri undirstöðu. Menn hafa eðlilega
nokkrar áhyggjur af matsþróun hvað
varðar hin erfiðu skil milli læknis-
fræðilegra og félagslegra forsendna
en því einu trúað að þar muni réttsýni
ráða sem allra best.
✓
Iblaðinu nú er greint frá ánægju-
legum og merkum atburði t sögu
þeirrar ágætu stofnunar okkar, Hring-
sjár, starfsþjálfunar fatlaðra. Þjón-
ustusamningur hefur verið gjörður
milli Hringsjár og Öryrkjabanda-
lagsins annars vegar og Trygginga-
stofnunar ríkisins hins vegar um
þjónustu Hringsjár fyrir fólk sem er á
endurhæfingarlífeyri, ýmist í formi
svipaðrar starfsþjálfunar og farið
hefur fram með ágætum árangri í
Hringsjá eða þá í formi námskeiða
áþekkum þeim sem Hringsjá hefur
verið með í gangi og að lokum í formi
ráðgjafar og faglegs stuðnings s.s.
Hringsjá hefur verið með einnig.
Þegar eru komnir nemendur í
Hringsjá skv. samningi þessum í hina
eiginlegu starfsþjálfun, námskeið skv.
honum verður nú á haustdögum og
svo fer starfið í fullan gang samkvæmt
samningnum á næsta ári.
essu ber að fagna, ekki síst því
frumkvæði er TR hafði um þetta
mál, en staðfestir enn þá eindregnu
skoðun okkar að Hringsjá gegnir
ómetanlegu hlutverki í samfélaginu,
nýtur verðskuldaðs trausts og hefur
alla burði til enn frekari átaka í þágu
fatlaðra. Hið háa hlufall nemenda
sem ýmist fer í starf eða frekara nám
að loknum sínum þrem önnum í
Hringsjá hefur sannað svo ekki verður
um villst dýrmæti þessarar stofnunar.
Trú okkar sú að hið sama verði uppi á
teningnum varðandi þennan viðbótar-
samning, en eins og rnenn vita er
einnig í gangi þjónustusamningur við
félagsmálaráðuneytið um starfsemina
í Hringsjá s.s. hún hefur verið í tímans
rás.
Hringsjá ber að festa tryggilega í
sessi og auka veg hennar og vægi og
undirritaður er þeirrar skoðunar að
það verði best gjört með því að setja
sérlög um Hringsjá, stöðu hennar og
hlutverk s.s. er um t.d. Sjónstöð
íslands og Samskiptamiðstöð heym-
arlausra og heyrnarskertra.
Erindi þ.a.l. verður sent til félags-
málaráðherra og í fyrirvara undimtaðs
um frumvarp til laga um félags-
þjónustu verður þetta eitt aðalatriðið.
En samstarfinu milli Trygginga-
stofununar og Hringsjár ber sérstak-
lega að fagna og verður án efa góður
gæfuauki þeim sem njóta s.s. raunin
hefur orðið um aðra þá er Hringsjá
hefur fært framtíðarhlutverk.
Löngu og tímafreku starfi laga-
nefndarfélagsmálaráðuneytis er
nú lokið og afrakstur þess í fullbúnu
frumvarpi liggur nú fyrir. Laganefnd-
in var skipuð 9 fulltrúum auk starfs-
manna og verkefni hennar var að
endurskoða lög um félagsþjónustu
svo og ekki síður að fella ákvæði laga
um málefni fatlaðra inn í félagsþjón-
ustulögin. Að því loknu skyldu sérlög
um málefni fatlaðra heyra sögunni til,
allt skyldi fært inn í hina almennu og
þá um leið algildu löggjöf þar sem
fatlaðir ættu sama ótvíræða réttinn til
þjónustu eftir þörfum eins og allir
aðrir þegnar samfélagsins. Gott
markmið gæfulegra fyrirheita. Mála
sannast leit verkið þannig út frá sjón-
arhóli undirritaðs sem var í nefndinni
f.h. Öryrkjabandalags íslands að
öllum atriðum réttindalöggjafarinnar
um málefni fatlaðra yrði að skila heilu
og höldnu inn í lögin um félags-
þjónustu.
50