Dagblaðið Vísir - DV - 09.04.2020, Blaðsíða 25
MATUR 25DV 9. APRÍL 2020
M atgæðingurinn og sma r theitakona n Una Guðmundsdóttir
heldur úti síðunni unabakst-
ur.is. Una er 34 ára Seltirn-
ingur og tveggja barna móðir
sem starfar á leikskólanum á
Seltjarnarnesi auk þess að
reka vefverslunina UMU.is
Una er nýr matgæðingur DV
og mun hún trylla lesendur
með ærandi uppskriftum sem
lofa syndsamlegri sæluvímu
næstu misseri. Hér hefur hún
tekið saman hugmyndir fyrir
hinn fullkomna páska-bröns.
Páskagott
500 g döðlur, saxaðar smátt
250 g smjör
5-6 bollar Rice crispies
400 g hvítt súkkulaði
100 g popp
80 g Cadbury Mini egg
Döðlur og smjör brætt saman í potti
og hitað þangað til döðlurnar eru
orðnar mjúkar.
Blandið Rice crispies og poppi
saman við og setjið í form í frysti í
10 mínútur. Bræðið súkkulaðið yfir
vatnsbaði. Hellið yfir Rice crispies
blönduna, setjið Cadbury-eggin yfir
og frystið í um það bil 30 mínútur.
Skerið í bita og njótið.
Dúndur djöflaterta með hnausþykku kremi
200 ml soðið vatn
6 msk. kakó, passið að sigta
kakóið
100 g púðursykur
130 g smjör, mjúkt
100 g sykur
3 egg
220 g hveiti
½ tsk. lyftiduft
½ tsk. matarsódi
3 tsk. vanilludropar
Ofn hitaður í 180 gráður og tvö 20-
25 cm bökunarform húðuð vel að
innan með annaðhvort Pam-spreyi
eða smjörlíki.
Kakó og púðursykri er blandað
saman við vatnið. Gætið þess að
það sé ekki meira en fingurvolgt.
Setjið til hliðar.
Smjör og sykri er hrært saman þar
til blandan verður ljós og létt í sér.
Þá er eggjunum bætt saman við
blönduna og allt hrært vel saman.
Því næst er restinni af þurrefn-
unum bætt saman við.
Að lokum er vatninu sem búið var
að blanda með sykri og kakó bætt
út í og deiginu blandað vel saman.
Deiginu er svo skipt jafnt í tvö
bökunarform og bakað í um 25-35
mínútur.
Passið að botnarnir kólni
alveg áður en kreminu er
smurt á.
Súkkulaðikrem:
500 g smjörlíki við
stofuhita
500 g flórsykur
3 msk. vanillu-
dropar
Öllu blandað saman
og látið hrærast sam-
an í nokkrar mínútur.
Þá má leggja kremið á milli
botnanna og utan um alla kökuna.
Fallegt er að skreyta kökuna með
lifandi blómum eða fallegu páska-
skrauti.
Mér finnst betra að nota smjörlíki í
kremið, það verður léttara í sér og
fær minna smjörbragð. Avókadó-toast
Klassískur og einfaldur bröns-
réttur sem fer aldrei úr tísku.
Einnig má nota linsoðið egg eða
„poached“ egg fyrir lengra komna.
Gott brauð, helst súrdeigsbrauð
3-4 avókadó
3-4 egg
Salt og pipar
Ferskt kóríander
Byrjið á því að skera utan af
avókadóinu og stappið það í
gróft mauk.
Steikið egg á pönnu. Saltið og
piprið eftir smekk.
Ristið brauðið, smyrjið avókadó-
maukinu á, setjið eggið ofan á og
toppið með kóríander.
Páskaborð Unu er stórglæsilegt. Diskarnir eru úr Bitz-stellinu vinsæla og blómvöndinn keypti hún í Blómagalleríi. MYND/ERNIR
Una í eldhúsinu