Dagblaðið Vísir - DV - 12.06.2020, Blaðsíða 26

26 FÓKUS 12. JÚNÍ 2020 DV
Á ferð um landið VESTMANNAEYJAR
Vestmannaeyjar eru rólegur
staður með næga afþreyingu
fyrir alla aldurshópa. Hægt er
að njóta náttúrufegurðarinnar
á margan hátt á landi eða sjó,
fræðast um sögu eyjanna og
gæða sér á góðum mat.
KAJAKFERÐ
Kajakferð með Kayak & puffins í innsiglingunni á Heimaey sem er ein sú
fallegasta á landinu. Siglt er að Heimakletti og meðfram honum inn í Kletts­
vík. Keikó bjó eitt sinn í Klettsvík sem mun í sumar verða heimili tveggja
mjaldra. Ferðinni er svo heitið inn í Klettshelli sem hefur að geyma magnaða
liti og hljómburð. Ferðin tekur eina og hálfa klukkustund þar sem gestir eru
í fullkominni tengingu við sjóinn og náttúruna.
ÉTA
Fjölbreytileiki veitingastaða er mikill í Eyjum. Éta er nýr skyndibitastaður þar
sem markmiðið er að bera fram hágæða skyndibita úr alvöru hráefni. Allt
kjöt og allur fiskur er verkaður á staðnum úr hágæða íslensku hráefni. Mat­
seðillinn er lítill en þó er eitthvað fyrir alla. Sérstaða Éta eru hamborgarar
sem eru hakkaðir á staðnum úr sérvöldum vöðvum og djúpsteiktur krydd­
aður kjúklingur. Einnig er boðið upp á veganrétti. Frábær kostur fyrir fólk á
hraðferð.
HÓTEL VESTMANNAEYJAR
Lúxusgisting í miðbænum þar sem
stutt er í alla þjónustu. Á hótelinu
er spa með heitum pottum og
sauna svo að gestirnir geti notið
dvalarinnar til hins ýtrasta. Á
fyrstu hæð hótelsins er veitinga­
staðurinn Einsi kaldi. Þar er hægt
að gæða sér á fyrsta flokks mál­
tíð. Unnið er með ferskt, fjölbreytt
og einstakt hráefni úr Eyjum og
hafinu umhverfis þær.
ÖLSTOFA THE BROTHERS BREWERY
Vinaleg og fjölskylduvæn ölstofa þar sem fullorðna
fólkið gæðir sér á fyrsta flokks bjór og börnin fá popp
úr poppvélinni. Brothers, eins og Eyjamenn kalla stað­
inn, hefur verið gríðarlega vinsæll frá því hann var opn­
aður 2017. Boðið er upp á fjölda tegunda af bjór sem
bruggaður er á staðnum. Eldfell, Humlar alheimsins
og Sumarbjór eru dæmi um bjóra sem bruggaðir eru á
Ölstofu The Brothers Brewery. Andrúmsloftið er gott
og þjónustan til fyrirmyndar.
SUND
Í Sundlauginni í Vestmannaeyjum
eru þrjár tegundir af rennibraut­
um. Ein fyrir yngstu börnin, ein
keppnisbraut þar sem þrjú geta
farið í kapp og ein trampólínrenni­
braut fyrir lengra komna. Einnig er
hægt að sýna listir sínar á klifur­
vegg. Fyrir þá sem vilja slappa af
eru heitir pottar á svæðinu auk
gufu.
FJÓRHJÓLAFERÐ
Volcano ATV býður upp á fjór­
hjólaferð um eldfjallasvæði Vest­
mannaeyja. Farið er á sögufræga
staði, þar á meðal nýja hraunið
sem myndaðist í Heimaeyjargos­
inu 1973 og farið er inn í gíg Eld­
fells. Ferðin er tilvalin fyrir alla
fjölskylduna sem getur upplifað
Vestmannaeyjar í nýju ljósi.
MYND/GETTY
MYND/FACEBOOK KAYAKANDPUFFINS
MYND/FB HOTELVESTMANNAEYJAR
MYND/FACEBOOK THEBROTHERSBREWERYOLSTOFA
MYND/SUNDLAUGAR.IS MYND/VOLCANOATV
GOLF MEÐ LUNDUM
Golfvöllurinn í Vestmannaeyjum er einn vinsælasti golfvöllur landsins.
Eftir fyrsta högg liggur leiðin inn í Herjólfsdal. Þar mæta golfurum alls kyns
fuglar, þar á meðal lundinn. Völlurinn liggur einnig meðfram sjónum þar
sem úteyjarnar heiðra golfarana með nærveru sinni. Frábær hreyfing á
ferðalaginu.
ELDHEIMAR
Í Eldheimum er gosminjasýning sem miðlar fróðleik
um eldgosið í Vestmannaeyjum árið 1973. Hægt er að
fræðast um mannlífið og umhverfið fyrir gos og hvernig
náttúruhamfarirnar höfðu áhrif á allt líf í Eyjum. Mið­
punktur sýningarinnar er hús sem fór undir hraun en
var grafið upp og stendur nú í miðjum Eldheimum.
Einnig er farið yfir Surtseyjargosið sem stóð yfir í nær
fjögur ár rétt sunnan við Heimaey.
MYND/GOLFKLÚBBUR VESTMANNAEYJA
MYND/FACEBOOK ELDHEIMAR
MYND/FACEBOOK ETAVESTMANNAEYJAR