Íþróttablaðið - 01.03.1973, Blaðsíða 6

íþróttaiðkanir, en hafa látið þær sitja
á hakanum um árabil. Slíkir menn
mega ekki halda að þeir geti byrjað
trimm, eins og hefðu þeir aðeins hætt
að æfa í gær. Þeirra líkami er í flest-
um tilfellum búinn að tapa gersamlega
allri þjálfun.
— Hvernig aðstöðu hefur nefndin í
huga fyrir fólk til að trimma á?
— Hér fyrir utan Reykjavík, svo
við tökum nærtækt dæmi, er fjöldi
fallegra staða, sem eru kjörnir til að
hlaupa um eða ganga og við vinnum
að því að finna einn eða fleiri sHka
staði, sem fólk getur komið á til að
trimma. Nú við verðum einnig að
vinna að því að koma fólki í skilning
um að sú tröllatrú sem það hefur á
líkama sínum og að hann þurfi alls
ekki á hreyfingu að halda, sé á fölsk-
um forsendum byggð.
— Sem læknir sérð þú mun á sjúkl-
ingum, sem eru í góðri líkamlegri
þjálfun og hinum, sem ekki er eins
ástatt um?
— í flestum tilfellum eru sjúkling-
ar í góðri líkamlegri þjálfun miklu
fljótari að ná sér eftir aðgerð eða
sjúkrahúsvist, en sú regla er alls ekki
algild, því að endurhæfingarkraftur
mannsins er svo misjafn, en þeir
sem líkamlega eru vel á sig komnir
eru að iafnaði betur settir en hinir.
— Hvert er annars líkamlegt ástand
íslendinga?
— Þetta er erfið spurning að svara,
en ef dæma má af þeim þrekmæling-
um, sem gerðar hafa verið, þá efast
ég um að þrekið sé sérlega mikið hjá
þorra fólksins og margir ungir fslend-
ingar hafa t.d. þrek á við Svía á aldr-
inum 40—50 ára, skv. niðurstöðum
þrekmælinga.
— Hvað telur þú æskilega lág-
markshreyfingu?
— Það er mjög erfitt að gera sér
grein fyrir einhverju lágmarki, en
allt er betra en ekkert. Hjá okkur
hjálpar skyldusund og leikfimi óneit-
anlega upp á sakirnar, en þegar menn
hætta öllum íþróttaiðkunum, er þeir
losna úr skóla, þurfa ekki mörg ár að
líða áður en líkaminn er algerlega bú-
inn að tapa því, sem byggt var upp
á skólaárunum. Sérhver reglubundin
æfing, hvort sem átt er við skokk,
sund, leikfimi, badminton eða aðrar
íþróttir hefur jákvætt gildi fyrir upp-
byggingu líkamans. En það er nauð-
synlegt að menn hafi ánægju af hreyf-
ingunni um leið og hún er þeim til
heilsubótar. Við heyrum svo oft þá
setningu að menn séu svo önnum kafn-
ir, að beir hafi ekki tíma til líkams-
þjálfunar, en það er mitt álit að eng-
inn ætti að gera sig svo önnum kafinn
að hann geti ekki hugsað um að rækta
sinn líkama.
— Svo við spyrjum nú að lokum
Hjalti, hvernig trimmar þú?
— Eg stunda badminton reglulega
og auk þess byrjaði starfsfólkið á
spítalanum að trimma einu sinni í
viku og því ætlum við að halda áfram.
Auk þess leik ég golf á sumrin og þó
að það sé í sjálfu sér ekki nægileg
hreyfing til að geta kallast trimm, þá
hjálpar það upp á, því að það felur
í sér langar gönguferðir og afslöppun
frá dagsins önnum.
Þeir voru að vinna að björgunarstarfi í Eyjum þessir knatt-
spyrnumenn, og leikur framundan við Fram á Melavellinum.
Þá var haldið til æfinga með eldspúandi fjallið í baksýn.
íþróttablaðið sendir íþróttafólki ÍBV beztu baráttukveðjur með
von um að íþróttafólk geti hitzt aftur sem allra fyrst í drengi-
legri keppni á keppnisvelli í Vestmannaeyjum!
(Ljósmynd Guðmundur Sigfússon).
ÞEIR
GEFAST
EKKI
IJPP
6