Íþróttablaðið - 01.02.1975, Blaðsíða 44

Billjard:
íþrótt, — en misskilin nf mörgum
Billjard. Ósjálfrátt koma manni í hug
reykfylltar búllur og hálftæmd viskíglös.
Það er svona að hafa hugmyndir sínar
úr „ammmmmerískum" bíómyndum.
Unnendur þessarar íþróttar yrðu þó lík-
lega feikilega reiðir ef þetta væri sagt
við þá.
Bilijard hefur af einhverri ástæðu aldrei
náð neinni teljandi útbreiðslu hér á landi.
Erlendis er þetta hinsvegar mjög vinsæl
íþrótt, viðurkennd af alþjóðlegum íþrótta-
samböndum og það eru haldin landsmót
og heimsmeistaramót.
Billjard-stofurnar hérna í Reykjavík
eru hinsvegar ekki nema fjórar talsins
og sú fjórða opnaði um mánaðamótin
okt.—nóv. Hún heitir Júnó, eign Mos-
fells h.f. og er til húsa við Skipholt 37.
Júnó er allavega ekki nein reykfyllt
búlla, þvert á móti. Þar er allt teppa-
lagt í hólf og gólf og innréttingar ákaf-
lega smekklegar. Þar hanga líka ,orginal“
málverk um alla veggi og eru til sýnis í
gluggum, því eigendumir hafa tekið upp
þann sið að bjóða listmálurum að hengja
þar upp verk sín til sýningar. Þetta hefur
reynst vel, bæði fyrirtækinu og lista-
mönnunum. Erla Axelsdóttir er þar með
sýningu núna og er hún fjórði listmálar-
inn sem skreytir húsakynnin.
Sveinn Áki sagði okkur dálítið frá
fyrirtækinu:
— Sem stendur erum við með átta
borð. Fjögur eru hérna á efri hæðinni og
fjögur niðri í kjallara. Þetta em lögleg
alþjóða borð, 6x12 fet. Við eigum svo
það níunda í pöntun. Það verður svo-
kallað „krambúl" borð og er geysilega
fínt, battarnir upphitaðir hvað þá annað.
Heimsmeistaramótin eru haldin á slíkum
borðum.
— Nú er þetta mjög vinsæl íþrótt er-
lendis, hvernig stendur á að hún hefur
ekki náð útbreiðslu hér?
— Ég býst við að það sé í og með
vegna þess að þetta er nokkuð dýrt. Það
hafa fæstir efni á að kaupa sér svona
borð og þau þurfa líka töluvert pláss.
Hinsvegar er þó nokkur hópur manna
sem stundar þetta og þær billjardstofur
sem til eru, eru vel sóttar. Það er yfir-
leitt ekkert lát á borðanýtingunni.
— Af einhverri ástæðu hefur þetta líka
slæmt orð á sér hérna heima. Ég skil
ekki af hverju, því það er alveg ástæðu-
laust. Umgengni hér er mjög til fyrir-
myndar. Það er t. d. alveg bannað að
reykja yfir borðunum og við höfum
ekki átt í neinum vandræðum með að
framfylgja því. Ef fólk kemur í snyrtilegt
umhverfi gengur það snyrtilega um, svo
við höfum ekki yfir neinu að kvarta.
— Það er opið hér frá 9—11,30 og
aðsóknin er það góð að hún sýnir að
áhugann skortir ekki. Það kemur hingað
töluvert af unglingum og við höfum ekki
séð neina ástæöu til að amast við því.
Þeir haga sér kurteislega og hér fer ekk-
ert fram sem þeir gætu haft skaða af.
Hinsvegar fá þeir ekki að vera héma á
kvöldin en það er bara í samræmi við al-
mennar reglur um ferðir unglinga.
Látið lekastraums-
liða lengja lífið
SAMVIRKI beitir sér fyrir framgangi nýjunga í
rafmagnsiðnaði og rafbúnaði:
LEKASTRAUMSLIÐAR.
Helstu kostir:
1. Hann getur varnað slysum (raflost)
2. Hann kemur upp um útleiðslu á rafkerfinu og
kemur í veg fyrir óæskilega rafmagnseyðslu.
3. Hann tilkynnir bilun með útleysingu.
4. Hann er eldvörn og öryggistæki í sérhverju
húsi, þar sem rafmagn er notað — sé hann
fyrir hendi í kerfinu.
Samvirki mælir með Lekastraumsliða og setur
þá upp.
SAMVIRKI
Ármúla 21 — Sími 8 20 23
Rauðarárstígur 18 — Sími 1 54 60

44