Íþróttablaðið - 01.04.1980, Page 14

Prentarinn lagði hlaup-
aranum orð í munn
Þórður B. Sigurðsson, ritstjóri 1967—1968.
Þórður B. Sigurðsson,
forstöðumaður Reikni-
stofnunar bankanna,
annaðist ritstjóm við
íþróttablaðið á árunum
1967 til ’68.
„Maður reyndi náttúrulega
að sinna sem flestum greinum
og ég held að það hafi tekist,
svona í stórum dráttum, en
mér var samt legið á hálsi að
hampa frjálsum íþróttum of
mikið. í þessum tveimur ár-
göngum voru þrjú annálsblöð
en blöðin voru 10 eða 12 á ári,
20 til 24 síður í senn.“
Þórður sá einn um blaðið og
ritstjómarstarfið var hans
þriðja starf, „þannig að aðal-
lega var þetta kvöld- og
helgarvinna“. Hann tók flestar
mvndir í blaðið, ásamt syni
sínum, og fjárhagurinn var
þröngur sem endranær.
„Ég hafði mjög gaman af að
starfa í þessu og sérstakiega
man ég eftir því að eitt skipti
þegar ég kom inn í unglings-
herbergi úti á landi og sá
blöðunum raðað snyrtilega
upp í hillu, þá fann ég að ég var
að gera góða hluti.“
Hvað með efni blaðsins?
„Ég reyndi alltaf að segja
fréttir af þeim yngri til jafns
við þá eldri til þess að hvetja
unga fólkið áfram. Ég tók
þannig alltaf fleiri heldur en
færri þegar ég var að telja upp
úrslit og aðra „statistik“ í
sambandi við árangur. Nú,
Olympíuleikarnir 1968 voru
teknir fyrir en enginn frá okk-
ur fór samt á leikana enda
peningaleysi mikið. En ég
þýddi upp úr norskum og
sænskum blöðum og þeim
Ieikum voru ágætlega gerð skil
í blaðinu. Landsmótið á Eiðum
fékk sína umfjöllun og síðan
voru viðtöl og greinar um allt
og ekkert innan íþróttalífs-
ins.“
Er einhver grein eða at-
burður þér sérstaklega
minnisstæður?
„Ég man eftir því í eitt skipti
er ég var að lesa próförk af
þýddri grein um nýsjálenskan
hlaupara, en þar var hann m.a.
spurður um hvað hann hugsaði
á meðan hann hlypi, þá rak mig
í rogastans þegar ég sá að
hann hugsaði um „góða, ís-
kalda bjórinn, sem ég fæ mér,
þegar þetta helvítis hlaup er
búið“. Ég minntist þess ekki að
hafa þýtt þetta svona og upp úr
kafinu kom að prentarinn, sem
prentaði þetta var eitthvað
orðinn leiður á greininni og þá
hafi hann skellt þessu inn. Það
munaði engu að ég léti þetta
fara. Nú, ekki má gleyma
14—2 tapinu fyrir Dönum,
sem mun víst lifa um aldur og
ævi.“
Og þetta hefur bara gengið
ágætlega?
„Já, ætli maður verði ekki
að segja það, allavega jukust
ákrifendur af blaðinu á þess-
um tíma úr 600 í 1200“, sagði
Þórður B. Sigurðsson.
-TT.
14