Íþróttablaðið - 01.04.1981, Blaðsíða 28

yngri kynslóðinni og þeir er ófáir
körfuknattleiksmennirnir sem
hann hefur alið upp ef svo mætti
segja. Nokkrir þeirra hafa síðan
leikið í landsliði.
Fyrstu kynni undirritaðs af
Einari voru í Langholtsskólanum
en við upphaf skólagöngu minnar
kenndi hann mér leikfimi. Einar
var strangur kennari og er það
enn, lætur ekkert á sjá þó árin líði.
Síðan höfum við verið góðir
kunningjar og ég met það mikils
að hafa átt þess kost að vera undir
hans handleiðslu í körfunni.
Vissi ekkert til hvers
þetta var notað
„Ég var ekki mjög ungur þegar
ég í fyrsta skipti komst í kynni við
körfuknattleikinn. Það var í
íþróttahúsi Jóns Þorsteinssonar,
sem enn stendur, að ég í fyrsta
skipti sá körfu. Ekki var ég nú
fróðari um körfuknattleikinn í þá
daga en það, að ég hafði ekki
minnstu hugmynd um til hvers
ætti eiginlega að nota þetta
„apparat“. Á þessum árum var ég
í gagnfræðaskóla. Ég held að ég
hafi síðan fyrst kastað í körfu
þegar ég var að æfa sund með
Ægi stuttu seinna. Þá æfðum við
þrek í gamla bragganum að Há-
logalandi og þar komst ég í fyrsta
sinn í kynni við körfuboltann.
Við lékum okkur að því að kasta
á körfuna á milli æfinganna.
Árið 1949 lá leið mín í
íþróttakennaraskólann á Laug-
arvatni og árið eftir kenndi ég eitt
ár á Snæfellsnesi. Kom síðan aftur
til Reykjavíkur 1950 og það ár
fylgdist ég meðal annars með
frjálsum íþróttum en þær kenndi
þá Stefán Kristjánsson núverandi
íþróttafulltrúi Reykjavíkurborg-
ar. Þá var alltaf byrjað á að hita
upp með körfubolta en loks kom
að því að því var hætt. Þá hætti ég
líka. Ég fór að hugsa mér til
hreyfings og kom þá í ljós að ÍR
var eina félagið í Reykjavík sem
æfði körfuknattleik utan ÍS. Ég
lallaði mér því upp í ÍR-hús og
hitti þá marga góða menn. Meðal
þeirra voru Helgi Jóhannsson,
Ingi Þór Stefánsson, Gunnar
Petersen, Jón Bjarnason og
margir fleiri. Ég spurði þá hvort
ég mætti ekki vera með og það
var auðsótt. Síðan hefur maður
verið í þessu.“
Það vantaði
alltaf þjálfara
Fyrst til að byrja með var Einar
leikmaður með meistarflokki ÍR
og varð meðal annars íslands-
meistari með m.fl. liðsins. En
brátt fór Einar að snúa sér að
þjálfuninni. Við spurðum Einar
hvemig hefði staðið á því að
hann hóf að þjálfa?
„Ég byrjaði fljótleg með yngir
flokkana eftir að ég byrjað að æfa
í íþróttahúsinu við Túngötu
(gamla ÍR-Húsinu). Fyrst til að
byrja með voru þetta einungis
yngri aldursflokkar en brátt fór
aldur nemendanna hækkandi og
loks endaði ég sem þjálfari
meistaraflokks. Ástæðan fyrir
því að ég byrjaði að þjálfa var
einfaldlega sú að það vantaði
alltaf þjálfara og ég sló bara til.
Það var leitað til mín því menn
Höfum úrval af vörum til
FERMINGARGJAFA
svo sem stereobekki, kommóður,
skrifborð, einstaklingsrúm o.fl.
Höfum fengiö þessa laglegu vegghillusam-
stæðu úr bæsaðri eik.
Lengd 285 cm. Dýpt 30/48. Hæð 180 cm.
Verð 7.040.—
Erum alltaf með
mikið úrval af hjóna-
rúmum og einstakl-
ingsrúmum á mjög
hagstæðu verði.
SÍMI 77440
28