Íþróttablaðið - 01.04.1981, Blaðsíða 67

Á útivelli
Mukhina bundin við
hjólastólinn ævilangt
Það brann sem
brunnið gat
Það má með sanni segja að
ítölsku rallökumennimir
Mario Melani og Luigi
Franchenschini hafi orðið að
aka eins og þeir væru með eld í
afturendanum. Það munaði
nefnilega litlu að svo færi í
bókstaflegri merkingu. Þegar
þeir voru að keppa í Monte-
Carlo kappakstrinum kviknaði
í afturenda bíls þeirra, og það
var á síðustu stundu sem þeir
komust út úr bílnum, sem brátt
varð alelda og ekki varð við
neitt ráðið. Brann allt sem
bmnnið gat í bílnum.
Skömmu fyrir Olympíuleik-
ana i Moskvu slasaðist Elena
Mukhina, hin frábæra sovéska
fimleikastúlka mjög alvarlega
á æfingu. Um tíma bárust
fréttir um að hún væri látin, en
þær voru síðan bornar til baka
af Vladimir Popov, blaðafull-
trúa Olympíuleikanna. Margir
töldu að ummæli hans væru
ekki sönn, þar sem enginn fékk
að hitta Mukhinu, né sjá hana.
En nýlega sendi sovéska
fréttastofan TASS úr frétta-
myndir af Elenu Mukhina, sem
tekur af öll tvímæli. En þessi
frábæra íþróttakona er nú í
hjólastól og mun sennilega
verða bundin við hann til
æviloka. Elena Mukhina er nú
átján ára. Hún náði frábærum
árangri í fimleikum á stuttum
ferli sínum sem íþróttamaður
og varð t.d. heimsmeistari árið
1979. Flestir áttu von á því að
hún yrði einnig Olympíu-
meistari, en á æfingu skömmu
fyrir leikana datt hún og háls-
brotnaði.
Allen setti
nýtt leikjamet
Paul Allen, sem er yngsti
leikmaðurinn sem til þessa
hefur tekið þátt í úrslitaleik
ensku bikarkeppninnar í
knattspyrnu — var aðeins 17
ára þegar hann leik með West
Ham United í úrslitaleiknum
við Arsenal í fyrra — hefur nú
sett annað met. Hann hefur
leikið 19 unglingalandsleiki
fyrir England, eða fleiri en
nokkur annar. Eldra metið átt
Bobby Moore, sem lék 18
unglingalandsleiki á á sínum
tíma.
67