Fréttablaðið - 11.07.2020, Blaðsíða 24

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656,
Auður hefur alla tíð haft mikla ástríðu fyrir matar-gerð og kryddjurtaræktun.
Hún ólst upp á Flateyri við Önund-
arfjörð til ellefu ára aldurs, þar
sem faðir hennar rak fiskvinnslu.
Þegar fjölskyldan flutti til Reykja-
víkur hélt faðir hennar áfram með
fiskvinnslufyrirtæki og Auður
segir að það sé þess vegna sem hún
hafi sérstaklega gaman af því að
matreiða fisk. „Ég ólst upp við fisk
og vann við hann. Fiskurinn hefur
alltaf fylgt mér,“ segir hún. Það er
þó ekki einungis fiskur sem heillar
hana í matargerðinni. Hún hefur
mikið dálæti á því að elda með
ferskum kryddjurtum sem hún
ræktar sjálf.
Núvitund og slökun
„Ég bý í Vesturbænum og er svo
heppin að hafa sólríka glugga
og svalir. Það er nóg til að rækta
krydd,“ segir hún. „Það var einmitt
þessi ástríða mín, að vera með alls
kyns krydd í ræktun, sem varð
til þess að Facebook-síðan varð
til. Vinkonur mínar voru alltaf að
spyrja mig út í þessa ræktun og
hvernig ætti að gera þetta eða hitt.
Með síðunni gat ég leyst úr öllum
þessum svörum,“ segir hún. „Ég hef
rosalega gaman af því að elda mat
og finnst sérstaklega gaman að
rækta krydd til að setja í matar-
gerðina. Það gefur alveg sérstakt
bragð. Ég hef ræktað alls kyns
kryddjurtir, basil, timían, óreganó,
rósmarín, salvíu, hvítlauk og
lavendil, sem jafnframt gefur
ótrúlega góðan ilm, sem kallar
fram núvitund og slökun. Ég geng
stundum fram hjá plöntunum,
strýk þeim og lykta. Það gefur sér-
staka upplifun.
Ég hef ræktað mörg af brigði af
basil, sem hægt að nota í marg-
víslega rétti. Einnig er salvían
í uppáhaldi og ég nota hana
mikið. Hún er til dæmis ómiss-
andi á kalkúninn um jólin. Ég hef
sömuleiðis gaman af því að vinna
kryddjurtirnar til geymslu, bæði
þurrka þær, frysti, eða nota í olíur
og kryddjurtasalt. Ég reyni að eiga
kryddjurtir sem ég hef ræktað
allan veturinn. Það er ekkert mál
að þurrka kryddið, ég legg þær
á viskastykki á borðinu og leyfi
þeim að þorna þar. Set svo í fal-
legar krukkur sem eru tilvaldar
til gjafa. Heimaræktaður hvít-
laukur er algjör dásemd og svo
miklu betri en sá sem maður fær í
verslunum. Það er einfalt að rækta
hann í potti.“
Lærði pastagerð í Róm
Auður segist ekki þurfa gróðurhús
undir kryddjurtirnar. „Hér áður
fyrr fékk ég að rækta kryddjurtir
í gróðurhúsi í Hveragerði, en upp-
skeran var svo mikil að ég gaf
hana til vina og vandamanna. Ég
þurfti ekki svona mikið. Glugg-
arnir og svalirnar duga fyrir mig,“
útskýrir hún. „Mitt aðaláhugamál
er matreiðsla og kryddræktunin
er bara framhald af henni. Ég á
það til að spyrja vini eða ættingja
hvort ég megi koma í heimsókn
og elda fyrir þá. Ég sé um að kaupa
í matinn og fer svo eftir vinnu á
föstudegi og elda, á meðan heim-
ilisfólkið hefur það kósí,“ segir
hún. Mér finnst gaman að elda
allan mat. Eftir því sem hann er
f lóknari því skemmtilegra er það.
Ég vinn allt frá grunni, fór meðal
annars til Rómar með nokkrum
vinkonum til að læra pastagerð.
Heimagert pasta er algjört æði.“
Auður starfar hjá Creditinfo en
segist vera komin með framtíðar-
plön þegar hún kemst á aldur.
„Mig langar að fara í ákveðna
framleiðslu sem ég er að undirbúa
Elín
Albertsdóttir
elin@frettabladid.is
Auði finnst ekki mikið mál að ferðast ein síns liðs um landið og nýtur þess að skoða nýja staði. FRÉTTABLAÐIÐ/ERNIR
Basil-pestó er sumarlegt og gott í pasta eða á brauð. Chimichurri er gott með alls kyns grillmat.
en á erfitt með að segja frá strax.
Vonandi verð ég komin með nýtt
vörumerki eftir nokkur ár. Ég vann
í mörg ár hjá Icelandair og síðan
Samvinnuferðum og hef ferðast
mikið um heiminn. Á þessum
ferðum hef ég upplifað margs
konar matargerð. Það skemmti-
legasta sem ég geri er að horfa á
matreiðslu- og ferðaþætti í sjón-
varpi. Ekki er verra ef þetta tvennt
sameinast í einum þætti.“
Ein á ferð um landið
Auður er fráskilin og börnin upp-
komin, svo hún er ein á heimilinu.
„Ég á tvo syni, tengdadætur og
þrjú barnabörn sem er aðalfólkið í
kringum mig. Lífið breyttist vissu-
lega hjá mér eftir skilnaðinn en
sem betur fer er ég mjög sjálfstæð
og hika ekkert við að ferðast ein.
Fyrir nokkrum árum fór ég hring-
ferð um landið í tvær vikur og naut
þess að gista á góðum hótelum
og borða á fínum veitingahúsum.
Mér finnst gaman að keyra og leyfi
mér alveg svolítinn lúxus. Það var
bara ótrúlega gaman að vera ein
með sjálfri sér, að vera félagslega
frjáls. Ef mig langar að ferðast,
þá held ég bara af stað. Þetta er
ævintýri líkast. Ég keyrði til dæmis
um Öræfin í mjög góðu veðri með
tónlistina á fullu. Það er virkilega
eftirminnilegt. Það var sömuleiðis
gaman að koma til Hafnar í Horna-
firði og Djúpavogs. Um daginn
skrapp ég til Húsavíkur en þangað
er alltaf ánægjulegt að koma og
sömuleiðis á Akureyri. Ég er alin
upp á Vestfjörðum og sæki alltaf
þangað í fríum,“ segir Auður. Þegar
hún er spurð hvort það sé kærasti
í hennar lífi, hlær hún og svarar
neitandi. „Ég hef ekki enn rekist
á þann rétta og er ekki á Tinder,“
bætir hún við.
Það verður meira um ferðalög
hjá henni, því í lok júlí ætla sex
æskuvinkonur að halda í sjö daga
ævintýraferð um Norðurland.
„Við förum í ferðalag saman á
hverju sumri. Þetta eru menn-
ingarreisur. Við skoðum menn-
ingu og listir í þeim bæjum sem
við heimsækjum og endum svo á
Akureyri í næturlífinu þar. Ég er
ekki heilsufrík eða göngugarpur,
vil frekar halda mig við listasöfn,
leikhús og tónleika. Ég er lærður
myndlistarmaður, þótt ég hafi
ekki starfað við það. Útrás mín
fyrir listinni kemur fram í matar-
gerðinni,“ segir hún.
Bók og Facebook-síða
Auður gaf út bókina Krydd-
jurtarækt fyrir byrjendur fyrir
nokkrum árum, sem margir hafa
nýtt sér. Bókin er enn fáanleg en
hún varð til upp úr áhuganum á
Facebook-síðunni. Auður segist
hafa fengið frábær viðbrögð við
síðunni á Facebook sem nefnist
Áhugafólk um kryddjurtaræktun.
„Þeir sem hafa verið fylgjandi
síðunni lengi eru orðnir svo
klárir og farnir að svara alls kyns
spurningum hjá þeim sem eru að
byrja. Ég fæ líka margar spurning-
ar í gegnum einkaskilaboð. Oft er
líf leg umræða á síðunni og með
ólíkindum hvað fólk er hjálp-
legt. Umræðan snýst líka alltaf
um kurteisi og hjálpsemi. Það er
leitarvél inni á síðunni þar sem
fólk getur kallað upp allt mögulegt
í stórum gagnagrunni sem hefur
orðið til á þessum árum,“ segir hún
og bendir fólki á að notfæra sér
allar þær upplýsingar sem hægt er
að fá í gegnum síðuna.
Auður var að undirbúa veislu
um helgina með vinum þegar við
ræddum við hana. „Það verður
spennandi matseðill. Asískur
rækjuréttur í forrétt, nautalund
með chimichurri-salsa og kampa-
vínskökur í eftirrétt. Mér finnst
ótrúlega skemmtilegt að aðstoða
fólk við matargerðina og er oft
spurð af hverju ég geri ekki meira
af þessu. Ég held ég væri bara til
í það ef ég yrði beðin,“ segir hún.
„Svo væri gaman að kenna fólki
að gera pasta,“ bætir Auður við og
gefur lesendum frábærar upp-
skriftir að basil-pestói, chimich-
urri-salsa og kryddjurtasalti.
Basil-pestó
100 g ferskt basil
50 g ristaðar furuhnetur
3-4 maukuð hvítlauksrif
salt & pipar
1 msk. sítrónusafi
50 g parmesan-ostur (rifinn)
2-3 dl góð olía
Myljið hnetur í matvinnsluvél,
bætið basilíku og hvítlauk saman
við.
Parmesan bætt við, saltað og
piprað. Þá er matvinnsluvélin sett
á lægsta hraða og olíunni bætt
við hægt og sígandi. Nú er hægt
að bera sósuna fram eða setja á
krukkur og geyma.
Athugið að ef ekki á að nota
pestóið strax, er æskilegt að setja
það strax í lokað ílát, til dæmis
krukku, og loka fyrir, þar sem
pestóið missir lit ef það er lengi
í snertingu við súrefni. Fyllið á
krukkurnar með olíu ef þarf, þá
geymist pestóið betur.
Til tilbreytingar má blanda
steinselju og basil til helminga.
Chimichurri
Það má hafa sósuna aðeins sterkari
- saxa allt með hníf ekki í mat-
vinnsluvél - frábær sósa með öllum
grilluðum mat.
1 búnt steinselja, skera það
mesta af stönglinum
4-8 greinar ferskt óreganó, taka
blöðin af stönglinum
4-8 hvítlauksgeirar
¾ bolli ólífuolía
¼ bolli rauðvínsedik
1 sítróna, safinn
1-2 msk. smátt skorinn skalot-
laukur eða rauðlaukur
1 tsk. þurrkað óreganó
1 tsk. svartur pipar
½ tsk. maldon salt
½-1 msk. hunang eða agave-síróp
eftir smekk
½-1 tsk. mulinn chilli-pipar, helst
lítill þurrkaður chilli sem keyptur
er í asískri verslun settur í mat-
vinnsluvél og saxaður smátt.
Chimichurri þarf að standa í
minnst átta klukkustundir til að
brjóta sig vel. Smakkið til með
salti, pipar eða hunangi eftir því
sem þarf.
Kryddjurtasalt
Munið að láta saltið standa í þrjá
til fimm daga á bakka, það þarf
að þorna vel áður en þið setjið í
krukku með þéttu loki.
Tilvalin gjöf í grill-matarboðið.
4 dl saltflögur frá Saltverki
3 msk. Hátíðarkrydd frá Krydd-
og Tehúsinu
1 tsk. saxað ferskt rósmarín
1 tsk. saxað ferskt timían
½ tsk. sítrónu- og eða límónu-
börkur
1 hvítlauksgeiri, smátt saxaður
2 KYNNINGARBLAÐ FÓLK 1 1 . J Ú L Í 2 0 2 0 L AU G A R DAG U R