Dagblaðið Vísir - DV - 10.07.2020, Blaðsíða 30

30 FÓKUS 10. JÚLÍ 2020 DV
Háglansandi glimmerbrjóst,
grænir líkamar og slefrákir
Íslenskar konur fara ekki í felur
með kómísk vandræði sín með
brúnkukrem og voru ófáir húmor-
istar til í að deila sprenghlægi-
legum sögum af vandræðum sín-
um. Sjáðu brúnkuslys Hollywood
stjarnanna á síðu 44 í DV.
MISLITAR Á ÝMSUM STÖÐUM, GRÆNLEITAR OG FLEKKÓTTAR
Mosagræn meyja
„Kast! Erum að flytja um mánaða-
mótin og nú er bara að borða út
úr skápum og nota það sem til er.
Ákvað að fríska upp á mig með
brúnkuspreyi sem ég hef átt mjög
lengi. Ég gáði ekki að mér og þegar
ég opnaði augun var ég mosagræn
á lit. Spreyjaði þá í vaskinn og jú,
jú, löngu útrunnið kremið og sjó-
veikigrænt á lit,“ Rifjar Friðrika Kr.
Stefánsdóttir upp, og það er stutt í
hláturinn.
Háglans glimmerbrjóst
„Ég greip einu sinni Dove Body lo-
tion út í búð án þess að lesa mikið
utan á túpuna. Var að fara út um
kvöldið og makaði hressilega á mig
og extra vel á barminn, þar sem
ég ætlaði að vera í flegnum kjól.
Um kvöldið fór svo vinkona mín að
benda mér á að það væri eitthvað
skrýtið í gangi hjá mér og af hverju
ég væri með glimmer á brjóstunum.
Ég hafði þá óvart keypt eitthvað
krem með brúnkuefni OG glimmeri.
Þannig að ég var með mjög mislit,
háglansandi glimmer brjóst þetta
kvöld,“ segir Úlfhildur Örnólfsdóttir,
aðspurð um hennar helsta brúnku-
kremsslys.
Týndi tvíburi Trumps
„Fyrsta brúnkukremið sem ég próf-
aði var frá Herbalife fyrir 22 árum
síðan. Hefði ég vitað hver Donald
Trump var á þeim tíma, þá hefði ég
farið fram á DNA-próf. Vægast sagt
hræðilegt,“ segir Jónína Guðrún
Thorarensen.
Óvænt sjón
„Ætli mit t slys hafi ekki verið í
kringum árið 2005. Ég var að fara í
mitt fyrsta brúðkaup og mig langaði
til að vera skvísa (15 ára gömul). Ég
hafði heyrt um svokallaða brúnku-
klúta og keypti nokkra pakka. Brúð-
kaupið var á laugardagskvöldi og ég
ákvað að bera á mig eftir hádegi á
laugardegi. Ég hélt að brúnkan ætti
að koma á innan við klukkutíma en
ekkert gerðist og ég prófaði annan
klút. Enn var ekkert að gerast og ég
þurfti að fara hafa mig til og hugsaði
að þetta væri nú bara peningasóun.
Ákvað þá að setja á mig gott meik
og skvísa mig upp. Þegar veislan var
í fullum gír þá skellti ég mér á kló-
settið og guð minn almáttugur það
sem blasti við mér í spegl inum,“
segir Margrét Smáradóttir.
Snarflekkótt en hösslaði
tilvonandi eiginmann
Dagný Hulda Valbergsdót tir á
skrautlega sögu af brúnkukremi.
„Fyrir 10 árum var ég að jafna mig
eftir að hafa verið veik með streptó-
kokka. Ég hafði ekki haft orku í að
gera neitt í marga daga og orðin
vel leið á rólegheitunum. Síðasta
daginn í veikindafríi fann ég nokkra
brúnkuklúta sem ég hafði keypt
mér í tilraunaskyni en hafði aldrei
þorað að prófa. Ég sló til. Seinna
um kvöldið hringdi vinkona mín og
sagði að það væri neyðarástand.
Það var karlakvöld í framhaldsskól-
anum okkar og hún í miðasölunni
og vantaði hjálp. Ég, orðin þreytt á
inniverunni, sagðist koma. Þegar ég
sat þarna í afgreiðslunni, berleggj-
uð í pilsi og hlýrabol, sá ég húðina
og höndum og fótum mér dökkna
hægt og rólega. Svona á nokkrum
stöðum allavega. Ekki skánaði það
þegar einn kom til mín og sagði að
stelpurnar sem áttu að mæta hefðu
flestar beilað og nú vantaði stelpu
til að bera pizzu fram til strákanna.
Ég fór því fram, flekkótt eins og
gíraffi, og eyddi þarna heilu kvöldi
frammi með strákunum. Ég endaði
svo á því að dansa uppi á sviði og
einhver strákur var að reyna við
mig en var þó nógu kurteis til að
minnast ekki á brúnkuflekkina. Við
erum svo gift í dag. Svo ég vil meina
að þetta gíraffa-lúkk hafi verið mitt
helsta gæfuspor í lífinu.“
HAFMEYJA
Linda Steinarsdóttir átti ekki sitt besta augnablik í lífinu á þessari
mynd. Að nota gamalt brúnkukrem er ekki gott plan - ekki nema
að grænt sé á uppleið.
SLEFRÁKIN
Sandra Björk Steinarsdóttir bar
á sig brúnkukrem og fór svo
að sofa. Hún á það til að slefa
í svefni og endaði með þennan
líka settlega slefblett í andlitinu.
ANDLITSGRÍMA
„Mér fannst bara allt eðlilegt
við að hafa BARA andlitið á mér
svona. Sjáið litamuninn á mér
og bróður mínum. Þarna er ég
svona 18/19 ára,“ segir Hrafn-
hildur Blómkvist.
SJÁLFBRÚN RÚMFÖT
Emelía Sif Sævarsdóttir smellti á sig brúnku og lagðist
svo til svefns, í engum náttfötum.
ÞURFTI AÐ LÚKKA FYRIR LÆKNANA
Helga Brynja Árnadóttir ætlaði ekki kríthvít í hálskirtlatöku. Vandinn var
bara sá að hún náði ekki alveg að halda slefinu uppi í sér.
Ég gáði ekki að mér og þegar ég
opnaði augun var ég mosagræn
á lit. Spreyjaði þá í vaskinn og
jú, jú, löngu útrunnið kremið og
sjóveikigrænt á lit.