Morgunblaðið - 25.01.2020, Qupperneq 2

Telur umsóknir landsréttar-
dómara ekki vera lögmætar
Ástráður Haraldsson, héraðsdómari
og einn fjögurra umsækjenda um
laust embætti landsréttardómara,
hefur ritað Áslaugu Örnu Sigur-
björnsdóttur dómsmálaráðherra
bréf þar sem fram kemur að hann
áskilji sér allan rétt til þess að láta
reyna á lögmæti umsókna tveggja
þeirra sem sækjast eftir embætti
landsréttardómara, á þeim grunni að
landsréttardómarar, sem skipaðir
hafi verið ótímabundið í embættið,
geti ekki sótt um sama embætti og
þeir gegna nú þegar.
Hann segir í bréfinu að hann telji
að „þessi niðurstaða sé svo augljós af
eðlisrökum að varla ætti að vefjast
fyrir nokkrum manni“, en bæði þau
Ragnheiður Bragadóttir og Ás-
mundur Helgason, dómarar við
Landsrétt, sóttu um embættið, sam-
kvæmt tilkynningu dómsmálaráðu-
neytisins í gær, auk Ástráðs og
Söndru Baldvinsdóttur héraðsdóm-
ara. Þau Ragnheiður og Ásmundur
hafa verið í leyfi frá störfum að und-
anförnu, Ásmundur síðan í júlí og
Ragnheiður frá því í september, en
dómararnir hafa ekki dæmt í málum
við Landsrétt frá því í mars, þegar
Mannréttindadómstóll Evrópu
komst að þeirri niðurstöðu að þeir
hefðu verið ólöglega skipaðir.
 Héraðsdómari áskilur sér rétt til að láta reyna á málið
2 FRÉTTIRInnlent
MORGUNBLAÐIÐ LAUGARDAGUR 25. JANÚAR 2020
Sr. Þórhallur Heimisson kynnir
ferðir umáhugaverðar slóðir hjáVITA í
Skógarhlíð 12 þriðjudaginn 28. janúar kl. 17.30
• Landið helga – Tel Aviv, Jerúsalemog Eilat
7.–17. sept.
• Jerúsalemog sigling umMiðjarðarhafið
5.–20. okt.
• Ævintýri í Himalaya –Nepal og Bútan
22. okt.–5. nóv.
Bókaðu draumaferðina þína á vita.is
Þrjárspennandi
haustferðir
Njóttu þess að hlakka til
Hlökkum til að taka á móti þér!
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Svangir menn tóku hraustlega til matar síns í Múla-
kaffi í Reykjavík, þar sem súrmeti og fleira gott var á
borðum eins og hæfir á fyrsta degi þorra. Stemningin
fyrir því að borða þorramat er að sögn kunnugra aldrei
meiri enda verða þjóðleg þorrablót víða í byggðum
landsins á næstunni. Á höfuðborgarsvæðinu er hefðin
orðin sterk rétt eins og á Austurlandi, þar sem alls 16
blót verða á næstu vikum.
Morgunblaðið/Kristinn Magnússon
Þjóðlegt í upphafi þorrans
Stefán E. Stefánsson
ses@mbl.is
Hópur skuldabréfaeigenda, sem þátt
tóku í skuldabréfaútboði WOW air í
september 2018, hefur sent stjórn og
forstjóra hins fallna félags kröfu-
bréf. Þar er þess krafist að þau bæti
þeim það tjón sem þeir urðu fyrir
þegar WOW air varð gjaldþrota 28.
mars 2019. Við gjaldþrotið urðu
skuldabréfin með öllu verðlaus.
Með bréfinu, sem sent var undir
lok síðasta árs, krefst hópurinn þess
að stjórnendurnir gangi til samninga
um greiðslu bótanna en áskilur sér
að öðrum kosti rétt til þess að sækja
rétt sinn fyrir dómstólum.
Kröfu sína byggja skuldabréfa-
eigendurnir á þeirri skoðun að upp-
lýsingagjöf í tengslum við skulda-
bréfaútboðið hafi gefið villandi
upplýsingar um raunverulega stöðu
félagsins og með hvaða hætti fjár-
munum þeim sem safnað var í útboð-
inu yrði ráðstafað.
Heimildir Morgunblaðsins herma
að þeir stjórnendur sem kröfurnar
beinist að séu Skúli Mogensen, for-
stjóri, stjórnarmaður og eigandi fé-
lagsins, Liv Bergþórsdóttir, sem var
stjórnarformaður félagsins þegar
það féll og á árunum fyrir fall þess,
Helga Hlín Hákonardóttir lögmaður
og Davíð Másson, flugrekandi og
fjárfestir.
Stjórn WOW air var með svokall-
aða stjórnendatryggingu sem tekin
var til að mæta mögulegum kröfum
vegna tjóns sem hún kynni að valda
með störfum sínum. Sú trygging var
tekin í gegnum áhættustýringar-
fyrirtækið Willis Towers Watson en
að baki tryggingunni voru tvö erlend
tryggingafélög. Ekki hefur verið
upplýst fyrir hversu hárri fjárhæð
stjórnin var tryggð en heimildir
Morgunblaðsins herma að sú fjár-
hæð sé mun lægri en sem nemur
fjárhæð skuldabréfaútboðsins. Upp-
haflega var stefnt að því að safna allt
að 12 milljörðum króna í skulda-
bréfaútboði sem WOW air réðst í um
mitt ár 2018. Afar treglega gekk að
safna fjármagni með útboðinu en að
lokum var tilkynnt 18. september
fyrrnefnt ár að tekist hefði að loka
því.
Þegar upp var staðið höfðu safnast
50,15 milljónir evra, jafnvirði 6,8
milljarða króna (m.v. gengi evru
135,6 gagnvart krónu). Þar af söfn-
uðust 25,8 milljónir evra hjá fyrir-
tækjum og einstaklingum sem
tengdust WOW air og eiganda þess
nánum böndum. Stærsti einstaki
þátttakandinn í útboðinu var banda-
ríska fjárfestingarfélagið Eaton
Vance sem skráði sig fyrir tíu millj-
ónum evra en þá var Skúli Mogensen
sjálfur með og skráði sig fyrir 5,5
milljónum evra.
Ekki var upplýst um þátttöku
sjálfs eiganda félagsins í útboðinu
fyrr en löngu síðar, en það var gert
þegar Skúli biðlaði til skuldabréfa-
eigenda í desember 2018, nokkrum
vikum eftir að útboðinu lauk, að þeir
gæfu eftir talsverðan hluta eigna
sinna í bréfum sem þeir höfðu keypt.
Krefja stjórnendur WOW
um milljarða skaðabætur
 Þátttakendur í skuldabréfaútboði telja sig blekkta  Stjórnin klofin í vörn sinni
Morgunblaðið/Hari
WOW Félagið varð gjaldþrota 28. mars 2019 í kjölfar rekstrarerfiðleika.
Liv
Bergþórsdóttir
Skúli
Mogensen
Helga Hlín
Hákonardóttir
Davíð
Másson
Leki er kominn upp í Fossvogs-
skóla í Reykjavík, við þakglugga
sem endurnýjaðir voru nú í haust.
Nokkrar skemmdir hafa orðið en
viðgerðir gengið erfiðlega vegna
tíðarfars að undanförnu. Kannað
verður á næstunni hverju hafi ver-
ið ábótavant við framkvæmdirnar,
segir í frétt frá Reykjavíkurborg.
Vegna rakaskemmda innanhúss
voru gerðar miklar endurbætur í
Fossvogsskóla í sumar. Veggir
voru málaðir, ný efni lögð á gólf,
led-lýsingar settar í loft og svo
mætti áfram telja. Unnið var að
endurbótum vegna rakaskemmda
eftir forskrift frá verkfræðistof-
unni Verkís og Náttúrufræðistofn-
un Íslands. Samhliða því gekk
hluti framkvæmda út á að bæta
innivist og hljóðvist. Þá var loft-
ræstibúnaður endurnýjaður, nýr
pappi lagður á þök og raflagnir
endurnýjaðar svo eitthvað sé
nefnt.
Fossvogs-
skóli lekur
 Viðgerðir áfram
Morgunblaðið/Eggert
Fossvogsskóli Margt þarf að laga.