Morgunblaðið - 25.01.2020, Síða 18

BAKSVIÐ
Sigtryggur Sigtryggsson
sisi@mbl.is
Allt kapp er lagt á að bjóða breikk-
un Vesturlandsvegar á Kjalarnesi
út í sumar, eða um leið og hönn-
unarvinna, samningar við landeig-
endur, umhverfismat og fram-
kvæmdaleyfi eru í höfn.
Þetta kemur fram í tölvubréfi
Önnu Elínar Jóhannsdóttur, verk-
fræðings á framkvæmdadeild
Vegagerðarinnar, í kjölfar fyrir-
spurnar Sigrún-
ar Jóhanns-
dóttur, formanns
íbúaráðs Kjal-
arness, um fram-
vindu verkefn-
isins. „Í
samgönguáætlun
var gert ráð fyrir
að árið 2019 færu
200 milljónir í
verkefnið en
engar sýnilegar framkvæmdir urðu
á svæðinu á þeim tíma,“ segir Sig-
rún í fyrirspurninni.
Lengi hefur verið kallað eftir
breikkun Vesturlandsvegar enda
hafa orðið þarna mörg alvarleg
slys. Nú síðast gerðist það fyrr í
þessum mánuði þegar stór rusla-
gámur losnaði aftan úr vöruflutn-
ingabifreið og lenti á vörubíl og lít-
illi fólksflutningabifreið. Tveir
slösuðust alvarlega. Íbúar á Kjal-
arnesi og sveitarstjórnarmenn á
Vesturlandi hafa margoft ályktað
um nauðsyn tvöföldunar vegarins.
Um er að ræða breikkun vegar-
ins á um níu kílómetra kafla milli
Varmhóla og vegamóta Hvalfjarð-
arvegar.
Verkfræðistofan Verkís vinnur
ásamt Vegagerðinni að forhönnun
vegarins. Þegar henni lýkur tekur
við verkhönnun sem áætlað er að
klárist í júní.
Anna Elín segir í tölvubréfinu að
í hönnunarferlinu hafi komið í ljós
að hagkvæmara sé á jarðtæknilega
erfiðum svæðum að aðskilja þver-
snið vegarins í stað þess að breikka
hann.
Spurð nánar um þetta atriði seg-
ir Anna Elín að Vegagerðin hafi í
forhönnunarferlinu látið skoða
fleiri valkosti en að breikka veginn.
Þ.e.a.s. endurskoðuð voru þversnið
vegarins frá því sem lýst er í deili-
skipulagi. Helstu ástæður endur-
skoðunar þversniða séu sigvanda-
mál sem geti skaðað núverandi
hringveg með tilheyrandi óhagræði
á framkvæmdartíma sem og aukn-
um kostnaði.
Fyrirséð sé að jarðvegssig verði
mikið og umfang ferginga í verkinu
því töluvert. Þetta valdi því að ekki
sé hægt að breikka núverandi
hringveg án þess að valda skemmd-
um á löngum köflum á veginum
sem fyrir er.
Áhrifum á núverandi hringveg
verði haldið í lágmarki með því að
leggja nýjan veg hæfilega langt frá
núverandi vegi til að hann verði
ekki fyrir skemmdum vegna sigs.
Umferð á verktíma verði um núver-
andi hringveg sem gefur mögu-
leikann á að spara uppbyggingu
hluta hliðarvega þar sem ekki er
þörf á að nýta hliðarvegi sem hjá-
leiðir á verktíma.
Mikill kostnaður sparast með
breyttri legu vegarins
Aðrir kostir við að akrein verði
aðskilin frá núverandi hringvegi
eru helst þeir að ekki þarf að færa
lagnir, strengi og dreifistöðvar í og
við núverandi Esjuveg, minna rask
verður fyrir bæina Ljárdal og Sjáv-
arhóla, einfaldara verður síðar að
klára fullan 2+2 veg og mun meira
hagræði verður fyrir verktaka.
Mikill samfélagslegur kostnaður
sparast þar sem kostnaður Veitna
lækkar mikið.
Markmið framkvæmdarinnar er
að bæta samgöngur og auka um-
ferðaröryggi vegfarenda. Á
stærstum hluta verður veginum
breytt í 2+1 veg. Jafnframt verða
gerð þrjú hringtorg, vegteng-
ingum fækkað og lagðir hliðar-
vegir.
Vesturlandsvegur brátt í útboð
 Verkís vinnur ásamt Vegagerðinni að forhönnun vegarins  Komið hefur í ljós að hagkvæmara
er á jarðtæknilega erfiðum svæðum að aðskilja þversnið vegarins í stað þess að breikka hann
Morgunblaðið/Eggert
Kollafjörður Lögreglan lokaði Vesturlandsvegi 10. janúar sl. þegar enn eitt alvarlega umferðarslysið varð þar.
Anna Elín
Jóhannsdóttir
18 FRÉTTIRInnlent
MORGUNBLAÐIÐ LAUGARDAGUR 25. JANÚAR 2020
ÚTSALA
%
RELAXSHOEGÖTUSKÓRM.HÆL
9597KR. .
VERÐ ÁÐUR 15.995
RELAXSHOESCARPADONNA
7.797 KR.
VERÐ ÁÐUR 12.995
40
ARA ÖKKLASKÓR
14.997KR.
VERÐ ÁÐUR 24.995
Verkfræðistofan Efla hefur unnið frummatsskýrslu um
umhverfisáhrif fyrir Vegagerðina og var henni skilað
inn til Skipulagsstofnunar sl. þriðjudag, 21. janúar.
Álitsgerð Skipulagsstofnunar og lok mats á umhverf-
isáhrifum ætti samkvæmt áætlun að klárast í maí
2020 og framkvæmdaleyfið að fást í júní/júlí ef allt
gengur að óskum, segir Anna Elín í svarinu til íbúa
Kjalarness.
Ferlið vegna framkvæmdarinnar er nokkuð um-
fangsmikið og því lýsir Anna Elín þannig:
„Þegar skýrslunni hefur verið skilað inn til Skipu-
lagsstofnunar hefur stofnunin tvær vikur til að taka
hana til athugunar. Í kjölfarið fá umsagnaraðilar þrjár
vikur og almenningur sex vikur til að skila inn umsögn-
um og athugasemdum. Þegar athugasemdir og um-
sagnir hafa borist við frummatsskýrslu er þeim svar-
að. Svörin eru skrifuð inn í lokaskýrslu, svokallaða
matsskýrslu, sem svo er send til Skipulagsstofnunar.
Skipulagsstofnun veitir svo álit sitt á mati á umhverf-
isáhrifum byggt á matsskýrslu. Sveitarstjórnum ber
að taka rökstudda afstöðu til álits Skipulagsstofnunar
við útgáfu framkvæmdaleyfa. Að því loknu er fram-
kvæmdaleyfið auglýst og er þá í einn mánuð hægt að
kæra framkvæmdaleyfið.“
Frummatsskýrsla send Skipulagsstofnun
FRAMKVÆMDALEYFI ÆTTI AÐ FÁST Í JÚNÍ/JÚLÍ EF ALLT GENGUR AÐ ÓSKUM
Veðurstofa Íslands tók í vikunni við
flugveðurþjónustu á flugvellinum í
Vogum í Færeyjum. Fram að þessu
hefur Veðurstofan séð um að vara við
ókyrrð og ísingu yfir Færeyjum, en
danska veðurstofan, DMI, séð um
spár fyrir flugvöllinn sjálfan. Veð-
urþjónustan fyrir flugvöllinn í Vogum
er því nú á einni hendi, en það er
danska veðurstofan sem greiðir fyrir
þessa þjónustu sem Veðurstofa Ís-
lands mun veita.
Á sama tíma hefur veðurfræð-
ingum á vakt á morgnana verið fjölg-
að úr tveimur í þrjá, sem er mikill
áfangi fyrir Veðurstofuna, segir í
frétt á heimasíðu hennar. Aldrei áður
hafa verið þrír veðurfræðingar á vakt
ef frá eru talin eldgos síðustu ára.
Með því að taka við flugveðurþjón-
ustu á flugvellinum í Vogum fær Veð-
urstofan aðgang að háupplausnalí-
könum af Færeyjum og hafinu þar í
kring. Það mun gera Veðurstofunni
kleift að bæta sjóveðurspár á því spá-
svæði þegar fram í sækir. Spásvæði
flugveðursþjónustu Veðurstofunnar
er gríðarstórt og nær upp að pólnum
og er stærsta spásvæði fyrir flugveð-
urþjónustu í heiminum. sisi@mbl.is
Ljósmynd/Veðurstofan
Spásalur Þrír veðurfræðingar eru nú á vakt á morgnana á Veðurstofunni.
Veðurstofan þjónar
flugvelli Færeyinga