Morgunblaðið - 25.01.2020, Page 36

Sími 5 @utfarir.is · www.utfarir.is· 67 9110 · utfarir
Rúnar Geirmundsson
Sigurður Rúnarsson
Þorbergur Þórðarson
Elís Rúnarsson
Stofnað 1990
Traust fjölskyldufyrirtæki í áratugi
36 MINNINGAR
MORGUNBLAÐIÐ LAUGARDAGUR 25. JANÚAR 2020
✝ Pétur Jónssonfæddist á Þor-
valdsstöðum í
Breiðdal 9. apríl
1929. Pétur lést á
sjúkrahúsinu í Nes-
kaupstað 7. janúar
2020.
Foreldrar Pét-
urs voru hjónin á
Þorvaldsstöðum,
Jón Björgólfsson,
fæddur í Snæ-
hvammi í Breiðdal 5. mars 1881,
d. 10. maí 1960, og Guðný Jón-
asdóttir frá Hóli í Breiðdal,
fædd 30. október 1891, d. 7. jan-
úar 1956.
Pétur var einn þrettán systk-
ina frá Þorvaldsstöðum: Sig-
urður, f. 1916, d. 1986, Kristín
Björg, f. 1917, d. 1993, Árni
Björn, f. 1918, d. 2010, Björg-
ólfur, f. 1919, d. 2001, Helga
Björg, f. 1920, d. 2010, Einar
Björgvin, f. 1922, d. 2006,
Oddný Aðalbjörg, f. 1923, d.
2005, Hlíf Þórbjörg, f. 1924, d.
2009, Jónas, f. 1926, d. 1980,
Guðmundur Þ., f. 1930, Óskar
Sigurjón, f. 1932 og Þórey, f.
1936, d. 2011.
Tungufell út úr Þorvalds-
stöðum. Á Þorvaldsstöðum hef-
ur ávallt verið öflugt sauðfjárbú
og þrátt fyrir að bærinn sé
innsti bær í Norðurdal og því
ekki í alfaraleið hefur ávallt
verið gestkvæmt á Þorvalds-
stöðum.
Pétur sinnti ýmsum störfum
samhliða búskap, svo sem við
síldarbræðslu, í frystihúsi eða
afgreiðslu á kjöti. Jafnframt
starfaði hann við sláturhúsið á
Breiðdalsvík um langt árabil, og
alveg fram á síðustu sláturtíð í
Breiðdal haustið 2002. Pétur
var einnig um árabil skólabíl-
stjóri fyrir Staðarborgarskóla í
Breiðdal og áfram eftir að
skólastarf færðist út á Breið-
dalsvík. Pétur var virkur í starfi
Veiðifélagi Breiðdæla og var
veiðivörður á vatnasvæði félags-
ins um árabil.
Pétur var einn af upphafs-
mönnum þess að árleg þorrablót
væru haldin í Breiðdal um 1955
og var einn af forsvarsmönnum
þeirra fyrstu árin og hefur svo
mætt á þau öll síðan.
Pétur verður jarðsunginn frá
Eydalakirkju í Breiðdal í dag,
25. janúar 2020, og hefst athöfn-
in kl. 14. Jarðsett verður í
heimagrafreitnum á Þorvalds-
stöðum.
Pétur giftist 17.
september 1960
Mörthu Maríu Að-
alsteinsdóttur, f. í
Reykjavík 5. októ-
ber 1935, d. 2. maí
2010. Synir Péturs
og Mörthu eru: 1)
Bjarki, f. 21. janúar
1959, börn hans eru
Aðalsteinn Pétur,
Svanbjört Brynja,
Hjalti Bergsteinn
og Berglind Björk og 12 barna-
börn. 2) Viðar, f. 10. maí 1960,
synir hans eru Pétur og Sig-
urður Már og barnabörnin tvö.
3) Björgvin Hlíðar, f. 9. mars
1964.
Pétur ólst upp í foreldra-
húsum á Þorvaldsstöðum við al-
menn sveitastörf og gekk í far-
skóla í Breiðdal. Hann tók
virkan þátt í starfi Ungmenna-
félagsins Hrafnkels Freysgoða
og var liðtækur í fótbolta eins
og Norðdælinga er siður.
Árið 1951 tók Pétur ásamt
Guðmundi bróður sínum við búi
foreldra sinna á Þorvalds-
stöðum og árið 1956 byggði
Björgólfur bróðir hans nýbýlið
„Ríkasti þátturinn í skapgerð
þinni er djúp ást og órofa tryggð
við vini þína og vandamenn. Þú
ert starfsfús og ástundunarsam-
ur, sjálfstæður og sjálfbjarga og
mjög hagsýnn í verkum og við-
skiptum. Vinir þínir sækja oft
ráð til þín, oftast til hagsbóta, sé
þeim trúlega fylgt.“
Þessi lýsing stendur í afmælis-
dagabók við afmælisdag Péturs.
Bókina fékk ég í afmælisgjöf frá
Bjarka og Viðari árið 1962. Ekki
gæti ég lýst honum betur, en þó
bætt mörgu við.
Pétur var einstakt ljúfmenni
og mjög barngóður. Ef lítil börn
voru nálægt honum var hann
fljótur að ná til þeirra og taka á
hnéð. Hann var snöggur í hreyf-
ingum. Sem barni, þegar ég sá
hann spila fótboltaleik, fannst
mér hann hlaupa hraðast af öll-
um. Pétur vék aldrei styggð-
aryrði að mér, en hrósaði oft.
Ég var í sveit að Þorvaldsstöð-
um þrjú sumur við barnapössun
og innanhússstörf. Á þessum ár-
um kom pósturinn einu sinni í
viku með dagblöð, bréf og fleira.
Í minningunni mátti enginn
mæla á meðan Tíminn var lesinn
í tætlur. Held ég hafi fyrst heyrt
af Framsókn í sveitinni.
Það var oft fjölmennt í bæn-
um, enda gott að koma og góðar
veitingar hjá Mörthu. Pétur
hafði gaman af að spjalla. Hann
fór víða og þekkti marga. Martha
eiginkona hans lést í maí 2010,
sem var honum mikill missir.
Það hallaði á heilsu Péturs
seinni árin, en hann sýndi engan
bilbug þó hann þyrfti að sækja
læknisþjónustu í aðra lands-
hluta.
Á síðasta ári fór hann á hjúkr-
unarheimili á Fáskrúðsfirði.
Hugur hans leitaði heim, en hann
sagði mér að hann væri umvafinn
góðu fólki og gæti ekki kvartað.
Nú hefur hann kvatt þetta jarð-
líf. Ég minnist Péturs með hlýju
og þakklæti.
Við Hjörtur sendum sonum
hans og fjölskyldunni allri sam-
úðarkveðjur.
Erna Björnsdóttir.
Þegar ég kveð vin minn Pétur
Jónsson á Þorvaldsstöðum leitar
hugurinn meira en 40 ár aftur í
tímann, þegar ég hitti þennan
öðling í fyrsta skipti. Ég var í
dýralæknisvitjun á næsta bæ við
Þorvaldsstaði og þá kom Land
Rover-jeppi í hlaðið og út steig
reffilegur lágvaxinn maður á
besta aldri. Frá honum stafaði
góð nærvera og hann heilsaði
glaðlega og við tókum upp létt
spjall ásamt heimilisfólki á bæn-
um þar sem veika kýrin var.
Strax þarna urðum við Pétur
vinir og á þá vináttu bar aldrei
skugga alla tíð síðan. Ég átti eftir
að koma reglulega í Þorvalds-
staði, þar var alltaf gott að koma
og gestrisni og gleði voru í önd-
vegi. Þau Pétur og Martha kona
hans voru höfðingjar heim að
sækja og á Þorvaldsstöðum var
alla tíð mikill gestagangur.
Martha féll frá fyrir 10 árum
og syrgði Pétur Mörtu sína alla
tíð en lagði sig fram um að halda
heimilinu á Þorvaldsstöðum í
sömu skorðum og áður. Pétur
var sagnamaður góður, fyrir kom
að hann kryddaði sögur sínar
eins og góðra sagnamanna er
háttur en slíkt gerði sögurnar
bara eftirminnilegri. Foreldrar
Péturs voru bæði vel hagmælt og
sumar systra hans einnig. Til eru
margar vísur eftir þau sem birst
hafa opinberlega. Pétur var
bóndi af gamla skólanum í þess
orðs bestu merkingu, en vann
lengst af með bústörfum, í slát-
urhúsi á haustin og annaðist
skólaakstur á árum áður.
Til þess var tekið hvað hann
var öruggur ökumaður og nær-
gætin við börnin sem hann
keyrði til og frá skóla. Pétur var
samvinnumaður og fylgdi Fram-
sóknarflokknum að málum alla
tíð. Hann sat oft kjördæmisþing
og var þar góður og sanngjarn
fulltrúi, sem lagði alltaf gott til
mála.
Ég kveð kæran vin og mun
sakna hans og alls þess góða sem
fylgdi honum alla tíð.
Hákon Hansson.
Pétur Jónsson
Royal-kara-
mellubúðingur, al-
vöru sódastream,
spilabunki og
handavinna er meðal þess sem
kemur upp í hugann þegar ég
hugsa um yndislegu ömmu
mína, Pálínu.
Við vorum svo heppin að búa
í kjallaranum hjá ömmu og afa
í hálft ár þegar verið var að
byggja húsið okkar í Smáran-
um. Í stað þess að fara í frí-
Pálína Pálsdóttir
✝ Pálína Páls-dóttir fæddist
15. september
1927. Hún lést 28.
desember 2019.
Útför Pálínu fór
fram 24. janúar
2020.
stund þá gátum við
Einar Bragi labbað
heim eftir skóla og
átt ljúfa stund með
ömmu og afa.
Alltaf var hún
jafn glöð að sjá
okkur.
Hjartahlý, bros-
mild og einstaklega
mjúk knús.
Við sátum oft
tímunum saman og
spiluðum manna og ég gat
einnig, tímunum saman, skoðað
myndirnar á veggjunum í borð-
stofunni og minjagripi frá
Spánarferðunum í hillunum.
Þegar ég var að alast upp
var oft minnst á hversu lík ég
væri henni ömmu minni. Ég
man að mér fannst það hallær-
islegt sem táningur að vera líkt
við einhvern með mun fleiri
hrukkur en ég.
En mér þykir svo ósköp
vænt um það í dag að vera líkt
við þessa fallegu og góðhjört-
uðu konu sem passaði ávallt vel
upp á sína.
Ég er viss um að það eru
ekki bara brúnu augun mín
sem koma frá henni, en hún var
einnig skapandi, nýtin og sam-
kvæm sjálfri sér sem eru eig-
inleikar sem ég hef reynt að
temja mér.
Amma Pálína dó á fæðing-
ardegi afa.
Það eru bara alvöru ástar-
sögur sem enda eins og hennar
og afa. Prinsinn sækir prinsess-
una sína.
Þín er sárt saknað, elsku
amma, en fallegar minningarn-
ar um þig lifa áfram og ég
minnist þín með bros á vör.
Eva María Árnadóttir.
Ungur maður,
bjartur yfirlitum og
kátur, hlýr í við-
móti og með glimt í
auga. Þannig lifir myndin af
Jóni Birni Hjálmarssyni – eða
Jómba – í huga mér frá því að
ég kynntist honum fyrst. Við
störfuðum saman í Alþýðu-
bandalaginu í Hafnarfirði á ní-
unda áratug síðustu aldar;
seinna þegar hann stofnaði eigið
bílaverkstæði varð hann auðvit-
að bifvélavirkinn minn. Það var
sama í hvaða samhengi maður
var með Jómba, alltaf var jafn-
gott að vera með honum. Rétt-
lætiskennd hans varð ekki hnik-
að, hvaða stjórnvöld sem áttu í
hlut, og húmorinn og kátínan
sem yfirleitt voru hans megin-
einkenni viku fyrir alvöru þegar
hlaðið var undir eignamenn á
kostnað þeirra sem sköpuðu
eignirnar.
Jómbi var líka einstaklega
barngóður. Í minni fjölskyldu er
varðveitt minning um samskipti
hans við eitt barnabarna minna,
Maríu Christinu. Hún kom til
landsins á fjórða ári, alin upp
fram að því í Danmörku.
Skömmu seinna þurftum við að
fara með bílinn á verkstæði og
sögðum Maju að hún yrði að
koma með okkur til Jómba. Hún
misheyrði og hélt við hefðum
Jón Björn
Hjálmarsson
✝ Jón BjörnHjálmarsson
fæddist 13. janúar
1956. Hann lést 9.
janúar 2020.
Útför Jóns
Björns fór fram 20.
janúar 2020.
sagt Júmbó svo að
við stríddum henni
á leiðinni. Senni-
lega hefur hún tek-
ið það nærri sér,
óörugg í nýju um-
hverfi. Að minnsta
kosti gekk hún rak-
leitt til Jómba þeg-
ar við komum til
hans og spurði:
„Má ég kalla þig
Júmbó?“ Hann
svaraði, án þess að bregða svip:
„Að sjálfsögðu, ef ég má kalla
þig Dúmbó.“ Þetta var slíkur
sigur fyrir barnið að nokkrum
mánuðum seinna kom það hróð-
ugt heim af leikskólanum með
plöntu í potti og sagðist hafa
ræktað blóm handa Jómba (það
var reyndar kryddjurt). Þá var
haldið af stað til að afhenda
gjöfina. Það er ógleymanlegt
hvernig Jómbi tók á móti lítilli
telpu sem færði honum stolt
blómið sitt. Ég held ég hafi ekki
verið við öllu hátíðlegri athöfn
um dagana. Hann var grafalvar-
legur þegar hún afhenti jurtina
og sagði: „Þetta er merkisdagur
María. Þú ert fyrsta konan á
ævi minni sem gefur mér blóm.“
Ég hef grun um að Jómbi hafi
með framgöngu sinni létt Maju
ansi mikið lífið fyrstu mánuðina
á Íslandi.
Sjálf þakka ég honum langa
samfylgd – og hversu oft hann
bjargaði dögunum með dásemd-
arathugasemdum um lífið og til-
veruna. Brynju, Birgi, Kolbeini
og barnabörnunum sendum við
öll okkar hlýjustu kveðjur.
Bergljót Soffía
Kristjánsdóttir.
Við önnumst alla þætti undirbúnings og fram-
kvæmd útfarar ásamt vinnu við dánarbússkiptin.
Við þjónum með virðingu og umhyggju að
leiðarljósi og af faglegum metnaði.
Magnús Sævar Magnússon,
umsjón útfara
Við erum til staðar
þegar þú þarft á
okkur að halda
Útfararþjónusta
& lögfræðiþjónusta
Vesturhlíð 2, Fossvogi | Sími 551 1266 | útför.is
Með kærleik og virðingu
Útfararstofa Kirkjugarðanna