Morgunblaðið - 06.02.2020, Síða 32

32 FRÉTTIRInnlent
MORGUNBLAÐIÐ FIMMTUDAGUR 6. FEBRÚAR 2020
Við brimsorfna kletta
bárurnar skvetta
hvítfextum öldum
á húmdökkum kvöldum,
sjómanninn laða og seiða.
Þannig orti Loftur Guðmundsson
ljóð við vinsæla sjómannavalsinn
Vertu sæl mey eftir Ása í Bæ.
Textinn átti ágætlega við brimið
sem lék við brimsorfnu klettana ut-
ast á Reykjanesskaganum fyrr í
þessum mánuði. Ragnar Axelsson
ljósmyndari fór að leita að brimi og
fann það. Efsta myndin og sú í miðið
voru teknar skammt frá Reykjanes-
vita. Sú neðsta var tekin nálægt
Höfnum.
Flestir fyllast lotningu þegar
brimskaflarnir æða að landi og
skella svo á klöppum og klettum sem
hafa staðið af sér ágang Ægis öldum
saman. Sjófuglarnir svífa yfir og láta
vökul augun leika um brimrótið því
það er ekki útilokað að eitthvað æti-
legt komi úr hafdjúpunum við þessar
aðstæður. Sumir fuglanna, eins og
t.d. fýllinn, eru snillingar í að nýta
sér sterkan vindinn og láta berast
með honum.
Brimið við ströndina er ekki bara
mikið sjónarspil heldur getur það
verið mjög háskalegt. Sjóslysasaga
Íslendinga geymir margar sögur af
bátum og mönnum sem brimið tók.
gudni@mbl.is
Morgunblaðið/RAX
Brimið barði á
Reykjanesskaga