Morgunblaðið - 03.04.2020, Blaðsíða 20

20 MINNINGAR
MORGUNBLAÐIÐ FÖSTUDAGUR 3. APRÍL 2020
✝ Júlía LaufeyGuðlaugsdótt-
ir fæddist 2. októ-
ber 1959 í Reykja-
vík. Hún lést 29.
febrúar 2020 á
Heilbrigðisstofnun
Suðurlands eftir
stutt veikindi.
Foreldrar henn-
ar eru þau Aðal-
heiður Katrín Haf-
liðadóttir, f. 1940
d. 2020, og Guðlaugur Helgi
Helgason rafvirkjameistari, f.
1939. Systkini hennar eru:
Viðar, f. 1960, Ólöf Hafdís, f.
1963, Aldís Katrín, f. 1969, d.
2015, og Guðlaug Helga, f.
1977.
Júlía giftist 2. október 1982
Hirti Hoffmann, f. 21. október
1959. Börn þeirra eru: 1) Guð-
laugur Heiðar, f. 1981, sam-
býliskona hans er Maríanna
Skúladóttir og eiga þau þrjú
börn. 2) Ísold Aðalheiður, gift
Kristni Lýð Vigfússyni og eiga
þau tvö börn. 3) Sunneva Ísis
Hoffmann, f. 16 mars 1991.
Júlía bjó sín uppvaxtarár í
Reykjavík. Júlía
og Hjörtur kynnt-
ust snemma á lífs-
leiðinni eða þegar
þau voru 13 ára í
Austurbæjarskóla.
Þau felldu hugi
saman 14 ára og
hófu búskap 17
ára. 1987 fluttu
þau til Svíþjóðar
þar sem Hjörtur
hugði á nám í
tæknifræði. Í Svíþjóð fæddust
báðar dætur þeirra. Með upp-
eldi barna stundaði Júlía einn-
ig nám í menntaskóla. Í Sví-
þjóð bjuggu þau í átta ár og
komu heim 1995.
Júlía lauk námi í Viðskipta-
og tölvuskólanum 1998.
Stærstan hluta starfsævinnar
eða í um 20 ár vann Júlía hjá
Tónlistarskóla FÍH og því
starfi gegndi hún til loka. Eft-
ir heimkomuna frá Svíþjóð bjó
fjölskyldan í Tindaseli 1d en
2016 létu Júlía og Hjörtur
draum sinn rætast að kaupa
hús á Eyrarbakka.
Útförin hefur farið fram.
Í raun þarf ég ekki að segja
neitt, þú þekktir mig betur en
ég sjálfur og vissir minn hug.
Þú hélst í hefðir og er þetta ein
af þeim hefðum sem þú hefðir
viljað að ég héldi. Þetta eru
erfið orð að setja á blað, erf-
iðari en ég get tjáð mig um og
söknuður verður meiri með
hverri mínútu. Samvera okkar
spannar 47 ár og man ég þá
stund er ég sá þig fyrst, hvern-
ig þú varst klædd, hvernig þú
hreyfðir þig og bros þitt. Ég
mun muna þá stund þegar þú
kvaddir, síðasta andardrátt og
síðasta handtak. Ég mun muna
allt þar á milli, hvernig þú
gerðir mig að betri manni og
stóðst með mér gegnum súrt og
sætt. Oft hefur það verið erfitt
fyrir þig en aldrei hef ég efast
um þig né þína væntumþykju.
Takk fyrir líf okkar saman
og ást. Takk fyrir börnin okkar
og barnabörn. Í hjarta þínu var
nóg ást til okkar allra. Læt
fylgja með orð Platóns sem
voru undir mynd sem ég gaf
þér og er ein af fáum gjöfum
sem þú skilaðir ekki:
Ó ef ég væri himinninn og
hefði öll hans augu til að horfa
á þig.
Tíminn líður hratt, sjáumst
fljótlega.
Góða nótt ástin mín.
Hjörtur.
Ég er búinn að setja niður á
blað svo margar hugsanir og
sögur, sumar fallegar, aðrar
fyndnar en ekkert er nógu gott,
sem kannski lýsir því best hve
margar minningar ég á. Ég hef
lesið svo margt fallegt en ekk-
ert lýsir fegurð þinni að innan
sem utan. Ég einfaldlega trúi
ekki að ég sé kominn á þann
stað þar sem ég sit hugsi yfir
því hvernig ég á að koma orð-
um að því hve stór og mikill
hluti þú ert af hjarta mínu.
Áfallið og söknuðurinn er of
mikill. Ég leitaði alltaf til þín
með allt og þetta væri einmitt
tilfelli þar sem ég myndi
hringja í mömmu mína. Mér er
það ljóst að það sem þú myndir
segja væri svo einfalt, fallegt,
stutt og myndi segja allt sem
segja þyrfti. Ég veit að ég mun
alltaf hafa þig í huga og hjarta.
Ég mun alltaf tala við þig og fá
tilsögn. Skarðið og mótin sem
þú skilur eftir munu endast um
aldur og ævi, vægt til orða tek-
ið. Ég mun halda minningu
þinni stoltur á lofti sem leið-
arljósi og fyrirmynd fyrir mig
og mína. Ég gæti setið hér og
minnst á göngutúrana á Silf-
urteig þar sem við ræddum um
að pabbi væri að koma í land og
hve mikið þú hlakkaðir til eða
þegar þú hélst á mér þar sem
ég var með stórt gat á hausn-
um og þú lést mér líða eins og
ekkert væri að, enda yfirveguð
og alltaf hlý. Þannig gæti ég
haldið áfram endalaust en ég
ætla ekki að gera það hér held-
ur geyma það hjá mér enda
hefur mér alltaf liðið vel með
þér og mun halda því áfram svo
lengi sem ég lifi. Fyrir mér
ertu ekki farin heldur aðeins
utan þjónustusvæðis. Eitt sem
ég veit og þykir vænt um er að
ég og allir sem þú snertir munu
geyma minninguna um þig og
miðla öllu sem þið pabbi stand-
ið fyrir. Þetta gríðarlega sér-
staka samband milli ykkar, sem
þér tókst að skapa innan okkar
fjölskyldu, verður alltaf fyllt af
væntumþykju og virðingu.
Þinn elskandi sonur,
Guðlaugur Hoffmann.
Elsku mamma mín, elsku
vinkona mín. Ég ætlaði mér
ekki að vera að skrifa minning-
argrein, ekki hér, ekki núna og
ekki um þig. Þú átt ekki að
vera farin og ég get ekki byrjað
á því að hugsa hvernig ég á að
halda áfram án þín, fjarvera
þín er svo sár og svo ofsalega
þung.
Ég finn ekki orðin eða hvað
það er sem ég á að skrifa. Eng-
in orð eru nógu stór, nógu fal-
leg eða nógu sterk til að segja
hver þú ert fyrir mér. Það er
svo margt sem mig langar að
segja en svo fátt sem ég kem
frá mér, ekkert passar og ekk-
ert er nægt.
Flestir geta orðið foreldri
eða öllu heldur móðir en að
vera mamma er ekki eitthvað
sem manni er gefið. Það þarf
að vinna sér það inn, gera eitt-
hvað rétt, gera það með stolti,
og þar ert þú ásamt svo mörgu
öðru kletturinn minn og fyr-
irmynd. Ég er ævinlega þakk-
lát fyrir að hafa fengið að eiga
þig og
fyrir að Írena og Hafþór
fengu að eiga þig að sem
ömmu.
Elsku mamma mín. Fallega
stórkostlega kona. Ég mun alla
tíð hafa þig hjá mér og lifa eftir
því sem þú kenndir mér.
Elska þig endalaust og að ei-
lífu.
Þín dóttir, þín vinkona,
Ísold Aðalheiður.
Elsku mamma og besta vin-
kona mín. Takk fyrir að þola
mig og mínar ákvarðanir sem
voru ekki alltaf þær bestu, en
sama hvað þá studdir þú mig í
öllu og reyndir að koma öllu í
lag.
Það er ekkert sem þú hefðir
ekki gert fyrir mig. Ég á eftir
að sakna þín svo mikið elsku
mamma mín. Ég er búin að
sitja við tölvuna og reyna að
skrifa eitthvað niður en minn-
ingar sem koma upp eru óbæri-
legar, einnig þær góðu eru
sárar. Það er svo margt sem
mig langar að segja þér en orð-
in vilja ekki koma. Þú verður
alltaf í huga mínum og hjarta.
Ég held áfram að tala við þig
og fá styrk.
Takk fyrir allt.
Góða ferð mamma mín og
guð varðveiti þig. Ég elska þig.
Þín dóttir,
Sunneva.
Aftur kveðjum við dóttur
okkar. Elsku Júlía okkar hefur
kvatt þennan heim allt of fljótt
eftir stutt en erfið veikindi.
Við minnumst hennar með
þakklæti fyrir allar góðu stund-
irnar og munum geyma þær í
hjarta okkar.
Eina huggun okkar á þessum
erfiða tíma er að vita af ykkur
systrum saman á ný og að þið
passið hvor upp á aðra.
Þótt sólin nú skíni á grænni grundu
er hjarta mitt þungt sem blý.
Því burt varst þú kölluð á örskammri
stundu,
í huganum hrannast upp sorgarský.
Megi algóður Guð þína sálu nú
geyma,
gæta að sorgmæddum, græða djúp
sár.
Þó komin sért yfir í aðra heima
mun minning þín lifa um ókomin ár.
(Höf. óþekktur)
Mamma og pabbi.
Elsku Júlla systir.
Ég trúi því ekki ennþá að þú
sért dáin. Það var bara eitt ár á
milli okkar og við gerðum svo
margt skemmtilegt saman. Við
fórum saman í sveit, þó svo að
það væri ekki þín ósk en þú
lést þig hafa það. Fluttum sam-
an til Svíþjóðar ásamt fjöl-
skyldum okkar og margt fleira.
Þessar minningar eru svo dýr-
mætar núna.
Fyrir fimm árum misstum
við Aldísi systur okkar og ég er
viss um að þið eruð búnar að
hittast og það hafa orðið fagn-
aðarfundir.
Elsku Hjörtur, Laugi, Alla,
Sunneva og fjölskyldur, megi
guð styrkja ykkur í þessari
miklu sorg.
Minninguna um þig, elsku
Júlla mín, mun ég alltaf geyma,
þú fórst alltof fljótt.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni.
(Bubbi Morthens)
Þinn bróðir,
Viðar (Viddi).
Kæra stóra systir. Þetta eru
búnir að vera erfiðir dagar,
ekki grunaði mig að þú myndir
tapa þessari stuttu en erfiðu
baráttu, þú sem varst svo mikill
baráttujaxl.
Ég leit svo upp til þín sem
unglingur enda varstu stóra
systir, alltaf svo töff. Man þeg-
ar pabbi lánaði okkur Pontiac-
inn og við tókum Laugaveginn
og Hallærisplanið, það var svo
gaman – aðalskvísurnar í bæn-
um.
Og þegar þið Hjörtur keypt-
uð ykkar fyrstu íbúð á Silf-
urteignum og maður mætti eft-
ir vinnu í nokkrar vikur að
pússa, sparsla og mála, þetta
voru skemmtilegir tímar, alltaf
svo gott að vinna með þér Júlla
mín.
Þið mamma voruð hjá mér
þegar ég átti Tinnu af því að
Ingi var úti á sjó, ég var svo
fegin að þú varst þarna, vissir
alveg hvað átti að gera næst.
Það verður skrítið að geta ekki
hringt í þig og slúðrað og feng-
ið góð ráð hjá þér kæra stóra
systir.
Núna eruð þið Aldís saman á
góðum stað og passið hvor aðra
og takið svo á móti okkur þegar
kallið kemur.
Elsku Hjörtur, Laugi, Alla
og Sunna og aðrir aðstandend-
ur, góður Guð gefi ykkur styrk
í sorginni.
Ólöf Hafdís Guðlaugsdóttir.
Kveðja frá MÍT,
Menntaskóla í tónlist.
Júlía Laufey Guðlaugsdóttir
hefur kvatt þessa jarðvist eftir
stutta en snarpa viðureign við
krabbamein, langt um aldur
fram. Þegar vágesturinn knúði
dyra var hún staðráðin í að
berjast til þrautar og hafa sig-
ur.
Því miður fór það á annan
veg. Júlía starfaði um langt
árabil sem skólaritari við Tón-
listarskóla FÍH og þegar MÍT
tók til starfa haustið 2017
sinnti hún einnig að hluta rit-
arastörfum fyrir þann skóla.
Júlía var sérstaklega hæfur
starfskraftur. Hún leysti öll
þau verkefni sem henni voru
falin af stakri alúð og sam-
viskusemi.
Hún var skjót til verka og
gott var að geta leitað til henn-
ar við lausn margvíslegra mála.
Júlía hafði hlýja og góða nær-
veru. Hún var tilfinningarík en
hörð af sér. Það bjó glettni í
augnaráðinu og oft var stutt í
hláturinn. Vinnustaðurinn hef-
ur misst mikið og litum mann-
lífsflórunnar þar fækkað til
muna. Skarð hennar verður
vandfyllt, en mestur er þó
missir eiginmanns og nánustu
fjölskyldu. Um leið og ég þakka
Júlíu samfylgdina sendi ég öll-
um aðstandendum hennar mín-
ar innilegustu samúðarkveðjur.
Guð blessi minningu Júlíu
Laufeyjar Guðlaugsdóttur.
Kjartan Óskarsson,
skólameistari MÍT.
Á litlum vinnustað þar sem
allir ganga í sömu verkin er
óhjákvæmilegt að starfsmenn
verði nánir. Menn eiga þó mis-
jafnlega saman og vinnunánd
er í sumum tilvikum er ekki
alltaf þægileg.
Við tilraun til að lýsa eig-
inleikum Júlíu sem vinnufélaga
kemur ýmislegt upp í hugann:
Hún var orkumikil og fjörug,
samviskusöm, sýndi einstöku
sinnum að hún gat skipt skapi,
skörp, sanngjörn, skemmtileg
og heiðarleg.
Af þessari lýsingu má sjá
hvað Júlía var vel til þess fallin
að vera góður vinnufélagi en
við þetta má bæta að hún gerði
okkur öll að persónulegum vin-
um sínum á áreynslulausan og
góðan hátt.
Það er því ekki ofsagt að
okkur á skrifstofunni, kennur-
um og nemendum tónlistarskól-
ans finnst við hafa misst ein-
staka manneskju og erum öll
sammála að það „verður engin
eins og Júlía“.
Í samtölum við ástvini Júlíu
kemur fram að vinnan skipti
hana máli og að hún ræddi
hana heilmikið við þá.
Á móti getum við vitnað um
hversu vel kom fram að Júlía
bjó við mikið ástríki og hversu
hamingjusöm og ánægð hún
var með sitt fólk.
Við vottum fjölskyldunni
dýpstu samúð og þökkum fyrir
að Júlía var sterkur þáttur í
okkar lífi.
F.h. samstarfsfélaga í skrif-
stofu FÍH og í Tónlistarskóla
FÍH.
Gunnar Hrafnsson.
Júlía Laufey
Guðlaugsdóttir
✝ AðalheiðurKatrín Hafliða-
dóttir fæddist á
Lindargötu 41 í
Reykjavík 28. apríl
1940. Hún lést á
Landspítalanum
við Hringbraut 21.
mars 2020.
Foreldrar henn-
ar voru hjónin Haf-
liði S. Hafliðason
vörubílstjóri, f. 4.9.
1904, d. 11.8. 1958, og Ólöf Guð-
jónsdóttir húsmóðir, f. 21.10.
1906, d. 26.11. 1974. Systkini
Aðalheiðar voru Aldís Hafliða-
dóttir, f. 17.1. 1929, d. 15.4.
2001, og Guðjón Hafliðason, f.
25.5. 1931, d. 13.2. 2008.
Þann 26. mars 1959 giftist
Aðalheiður (Alla) Guðlaugi
Helga Helgasyni rafvirkjameist-
ara, f. 19. nóvember 1939. For-
eldrar hans voru Helgi Þor-
björnsson verkstjóri, f. 10.1.
1913, d. 11.1. 1985, og Júlía
Júlíusdóttir húsmóðir, f. 3.11.
1913, d. 6.1. 1986.
Alla og Laugi eignuðust fimm
börn. Þau eru 1) Júlía Laufey, f.
1959, d. 2020, maki Hjörtur
Hoffmann, f. 1959, börn þeirra
eru Guðlaugur Heiðar, Aðal-
heiður Ísold og Sunneva Isis. 2)
Viðar, f. 1960, maki
Bryndís Kristjáns-
dóttir, f. 1964. Syn-
ir hans eru Árni
Már, Egill og Gauti.
Dóttir hennar er
Hrund. 3) Ólöf Haf-
dís, f. 1963, unnusti
Hjálmtýr Sigurðs-
son, f. 1957, barns-
faðir hennar er
Jakob Ingi Stur-
laugsson, þau slitu
samvistum. Börn þeirra eru
Ragnhildur Tinna, Júlía Helga
og Jón Bergmann. 4) Aldís Katr-
ín, f. 1969, d. 2015, maki Ívar
Örn Ómarsson, f. 1964, synir
þeirra eru Anton Örn og Hlynur
Viðar. 5) Guðlaug Helga, f.
1977. Maki Hörður Ómarsson, f.
1971, barn þeirra eru Andrea
Braga, Guðlaug á dóttirna Al-
dísi Sif og Hörður á dæturnar
Kolbrúni Ýr og Kötlu.
Aðalheiður var heimavinn-
andi húsmóðir en vann ýmis
störf með heimilsstörfum,
lengst af sem húsvörður í Selás-
skóla.
Alla og Laugi bjuggu lengst í
Skipholti 20. Hún var listfeng,
saumaði út myndir og málaði.
Jarðarförin fer fram í kyrr-
þey að ósk hinnar látnu.
Elsku mamma mín mikið er
það skrýtið að þú sért farin frá
mér.
Ég var „mömmustrákur“ eða
svo sögðu systur mínar, ætli ég
hafi ekki verið það. Þú dekraðir
soldið við mig enda eini sonurinn.
Þú varst fljót að smyrja ofan í
mig en systrum mínum fannst
þær ekki fá sömu þjónustu enda
sagðir þú að ég myndi bara sóða
allt út. Alltaf gátum við spjallað
saman og á unglingsárunum mín-
um þá gat ég alltaf leitað til þín
með alla hluti.
Ég hef oft hugsað til þessa
tíma og í dag eru þeir mér svo
dýrmætir. Síðustu tvö árin hafði
heilsu þinni hrakað og það var
mikið áfall fyrir þig þegar Júlla
systir fór aðeins þrem vikum á
undan þér. Ég trúi því að þér líði
betur núna og þú sért búin að
hitta Júllu og Aldísi systur .
Mikið verður skrýtið að fara í
Laufrimann og að þú sitjir ekki
við eldhúsborðið með okkur. Við
Bryndís eigum eftir að sakna
þess en yljum okkur við góðar
minningar.
Að hryggjast og gleðjast
hér um fáa daga,
að heilsast og kveðjast.
Það er lífsins saga.
(Páll J. Árdal)
Hvíldu í friði elsku mamma
mín.
Þinn sonur
Viðar.
Elsku fallega mamma mín er
farin.
Það er skrítið að hugsa til þess
að maður fari ekki upp í Lauf-
rima eftir vinnu og brasi eitthvað
gott handa þér mamma mín, eða
lagi símann sem þú varst mjög
dugleg að nota á samfélagsmiðl-
um og varst svo komin í eitthvað
vesen með.
Það var svo gott að koma niður
á morgnana í gamla daga áður
enn maður fór í skólann, útvarpið
á fullu, ilmandi kaffi og rista-
brauðslykt og þú alltaf í góðu
skapi, maður fór alltaf glaður inn
í daginn í kringum þig mamma
mín.
Það var alltaf líf og fjör í Skip-
holtinu, hálfgerð miðstöð fyrir
okkur og vini okkar, allir vel-
komnir, og ef einhver var ein-
mana á jólunum þá var sá hinn
sami velkominn til okkar og spil-
að var fram eftir nóttu.
Það var ósjaldan sem við fór-
um að versla saman, þú varst al-
veg með á hreinu hvað var í tísku
og alltaf varstu smart mamma
mín og fórst ekki út úr húsi nema
vel til höfð.
Það voru ófáar ferðirnar sem
maður fór upp í Skorradal til
ykkar, æðislegur staður, ömmu-
börnin skemmtu sér konunglega,
fóru að veiða á bátnum og í fjöru-
ferðir. Þetta voru skemmtilegir
tímar og góðar minningar úr
Heiðarseli.
Hún var frábær ferðin sem við
fórum í til Gullu systur til Noregs
þegar hún varð 50 ára, við drösl-
uðumst í lestinni, fórum í bæjar-
ferð í borgina og að sjálfsögðu
var verslað o.fl. skemmtilegt, frá-
bær ferð með þér og pabba.
Elsku mamma mín, ég gæti
skrifað endalaust um þig og okk-
ar góðu minningar saman en ég
ætla að geyma þær hjá mér og
ömmubörnunum þínum.
Við söknum þín svakalega
elsku mamma mín, guð geymi
þig, vonandi ertu núna hjá Aldísi
og Júllu og líður betur.
Minning þín lifir
Þín
Ólöf.
Aðalheiður Katrín
Hafliðadóttir
Elskulegur eiginmaður, faðir,
tengdafaðir og afi,
ÞORSTEINN PÉTURSSON
tryggingasölumaður,
varð bráðkvaddur á heimili sínu
þriðjudaginn 31. mars.
Sveinfríður Ólafsdóttir
Björn Þór Þorsteinsson Arna Pétursdóttir
Páll Jökull Þorsteinsson G. Agata Jakobsdóttir
Pétur Ómar Þorsteinsson
Mikael Þór Björnsson