Fréttablaðið - 29.08.2020, Blaðsíða 34

Arnaldur Gauti Johnson, framkvæmdastjóri, lýsir starfsemi fyrirtækisins á
eftirfarandi vegu: „Við erum að
þróa tækni sem er að bjarga menn-
ingarlegum verðmætum og koma
þeim á sama tíma í hendurnar á
almenningi.“
Árangursríkur hugbúnaður
Fyrirtækið njóti mikillar sérstöðu
á heimsvísu. „Við erum eina fyrir-
tækið í Evrópu sem er að gera þetta
sem við erum að gera. Það er eitt
annað fyrirtæki í Bandaríkjunum
sem er að gera álíka. Við erum að
selja upprunalegu ljósmyndirnar
úr myndasöfnum dagblaðanna.“
Arnaldur segir árangurinn hafa
verið ótrúlegan. „Við erum að þróa
gervigreind sem minnkar tímann
og kostnaðinn við að flokka og
setja svona myndir á stafrænt
form. Þegar við byrjuðum vorum
við með 14 mínútur með hverja
mynd, en við erum búin að ná að
minnka það niður í um það bil
þrjár mínútur og stefnum á að
ná þessu niður í svona mínútu að
meðaltali á mynd, sem er gríðarleg
lækkun. Þarna er verið að skrá-
setja alveg gífurlega mikið af upp-
lýsingum. Við erum búin að þjálfa
vitvélar (e. machine learning) í að
ná texta sjálfvirkt af myndunum,
greina textann, finna ártöl og snúa
myndunum eftir skönnun.“
Fyrirtækið hefur notið mikillar
alþjóðlegrar velgengni. „Við erum
búin að gera samninga við mörg
stór útgáfufélög eins og til dæmis
Daily Telegraph og Independant
í Bretlandi erum búin að fá allt
myndasafnið þeirra og skanna
það. Svo erum við búin að gera
samninga við tvö af stærstu
útgáfufélögum Þýskalands, sem
eru meðal annars með Bild. Þá
Bjarga menningarverðmætum
Fyrirtækið IMS Vintage Photos hefur unnið hörðum höndum að því að þróa hugbúnað sem
tryggir varðveislu á þeim mikilvægu menningarverðmætum sem felast í ljósmyndabönkum.
Arnaldur Gauti
Johnson, fram-
kvæmdarstjóri
IMS Vintage
Photos.
FRÉTTABLAÐIÐ/
SIGTRYGGUR ARI
erum við einnig með stærsta
útgáfufyrirtæki Svíþjóðar, TT,
annað stærsta og elsta í Belgíu, og
vorum að gera samning við það
stærsta í Möltu.“
„Við erum búin að tryggja okkur
núna 25 milljónir ljósmynda sem
við munum setja á stafrænt form
og selja, og erum búin að skanna í
kringum 2,5 milljón mynda í dag.
Þannig að við erum búin að tryggja
okkur tífalt það sem við höfum
gert nú þegar.“
Hálfgerð tilviljun
Blaðamaður spyr hvernig þetta
hófst allt saman. „Það var eigin-
lega bara fyrir tilviljun. Við vorum
hefðbundinn ljósmyndabanki,
með Nordic Photos, og seldum
þar stafrænar ljósmyndir. Svo
keyptum við gamalt sænskt félag,
stofnað 1946, sem hét IMS og í
kringum 2012 förum við að velta
fyrir okkur, því það fylgdi með
mikið af upprunalegum papp-
írsmyndum sem voru í raun bara
fyrir okkur, því við vorum 100%
stafrænt fyrirtæki,“ útskýrir hann.
„Svo förum við að skoða þetta
betur og komumst að því að það
voru engir samningar um rétt-
indi á þeim, þannig að við gátum
ekki selt þær í þessu módeli sem
við vorum að gera, sem var að
selja notkunarréttinn á þeim. En
eftir úttekt komumst við að því
að við eigum pappírsmyndirnar,
raunverulegu myndirnar sjálfar,
og þá fórum við að prófa okkur
áfram með að skanna þær og selja
á netinu á Ebay og Amazon.“
Hófst þá tækniþróun og
atburðarás, sem enn sér ekki fyrir
endann á. „Þá byrjaði boltinn að
rúlla og þegar við kláruðum það
safn, það voru um 250.000 myndir,
fórum við að tala við önnur söfn
og bjóða þeim að taka og skanna
inn þeirra myndasöfn. Þau fá þá öll
stafrænu eintökin, en við fáum að
eiga pappírseintökin og selja þau
og svona byrjaði þetta. Við erum
búin að gera held ég tólf samninga,
það eru allir mjög ánægðir með
þetta og svo höfum við þróað
sífellt betri tækni til að gera þetta á
meiri hraða og stærri skala.“
Tveir hópar viðskiptavina
Arnaldur segir viðskiptavini fyrir-
tækisins tvenns konar. „Viðskipta-
vinir okkar eru tvíþættir, annars
vegar erum við búin að búa til kerfi
sem þjónustar dagblöð úti í heimi
sem eiga gömul myndasöfn og
erum að setja allt á stafrænt form
fyrir þá, f lokka og skipuleggja. Í
staðinn fáum við að eiga uppruna-
legu pappírseintökin. Svo erum
við búin að búa til öflugt sölukerfi.
Þar erum við selja til einstaklinga
pappíreinstökin af ljósmynd-
unum. Það er okkar viðskipta-
módel sem gerir þetta kleift, að
setja gömlu myndirnar á stafrænt
form og verða þannig aðgengilegar
almenningi.“
„Viðskiptavinir okkar eru ýmist
að safna verðmætum myndum eða
gefa þýðingarmiklar gjafir. Safnar-
anir finna eitthvað á myndunum
sem þeir hafa áhuga á. Aðrir finna
til dæmis myndir af sjálfu sér eða
einhverjum tengdum, ömmum
þeirra eða öfum sem birtist í dag-
blöðum eins og Telegraph eða
Independant sem þeir hafa jafnvel
aldrei séð. Síðan er það fólk sem er
að kaupa eitthvað einstakt og gefa,
kannski er einhver sem elskar ein-
hvern tiltekinn boxara eða hefur
áhuga á stangveiði.“
Fjárfesting af þessu tagi er
algjörlega einstök. „Menn eru að
finna flottar upprunalegar myndir
og verður því gjöfin afar sérstök
og getur höfðað á einstakan hátt
til viðkomandi. Myndir sem
eru jafnvel 60 ára gamlar með
stimplum aftan á eða nóteringar
frá blaðamanninum á sínum tíma.
Við prentum þær ekki út stafrænt.
Þegar við seljum mynd þá er hún
bara seld og enginn önnur til sölu.“
Hvaða mynd hefur komið mest á
óvart? „ Það voru myndir sem voru
úr einkasafni Mussolini, það var
bréf með í umslaginu sem hers-
höfðingi úr breska hernum stal af
skrifstofum Mussolini. Svo voru
allir frægustu ljósmyndarar heims
á einhverjum tímapunkti blaða-
ljósmyndarar.“
Sandra Guðrún
Guðmundsdóttir
sandragudrun@frettabladid.is
Nýsköpunarvikan er haldin í fyrsta skipti núna í haust, en þar verða ýmsar uppákomur
tengdar nýsköpun, þvert á allar
atvinnugreinar.
Einn skipuleggjenda hátíðar-
innar, Edda Konráðsdóttir, segir
að markmið hátíðarinnar sé
að auka aðgengi og sýnileika
nýsköpunar á Íslandi, varpa ljósi á
nýsköpun innan rótgróinna fyrir-
tækja og veita frumkvöðlafyrir-
tækjum tækifæri til að kynna eigin
nýsköpun og deila þekkingu með
nýsköpunarsamfélaginu.
„Hátíðin er fyrir alla. Líkt
og Hönnunarmars var gerður
aðgengilegur almenningi og hefur
þannig gert hönnun aðgengilega,
viljum við gera nýsköpun aðgengi-
lega. Ætlunin er að koma af stað
samtali milli nýsköpunarfyrir-
tækja, frumkvöðla og almenn-
ings, og markaðssetja íslenska
nýsköpun utan landsteinanna til
þess að laða að erlenda frumkvöðla
og fjárfesta,“ segir Edda.
„Nýsköpun er núna orðið svo
mikið tískuorð. Margir eru að tala
um nýsköpun, en það eru ekki allir
sem gera sér endilega grein fyrir
því hvað nýsköpun er. Nýsköpun
er ekki bara ein atvinnugrein
heldur nær hún þvert á allar
atvinnugreinar. Það er nýsköpun
í sjávarútvegi, nýsköpun í tækni-
geiranum, í heilbrigðistækni,
ferðaþjónustu og svo framvegis.“
Gestum Nýsköpunarvikunnar
býðst að sækja ótal skemmtilega
og fræðandi viðburði sér að kostn-
aðarlausu og gefst þannig kostur
á að kynnast nýsköpunar- og
frumkvöðlastarfsemi innan fyrir-
tækja í atvinnulífinu, en líka þeirri
fjölbreyttu flóru sem einkennir
íslenska frumkvöðla og sprota-
fyrirtæki.
Sem dæmi um ólíka viðburði í
vikunni er Opnunarhóf í samstarfi
við Marel og Grósku, Lausnarmót
Nýsköpunarvikunnar sem inni-
heldur Fjártæknihakkaþon og
Vilja gera nýsköpun aðgengilega
Nýsköpunarvikan er hátíð sem verður haldin dagana 30. september til 7. október 2020 og er
samsett af spennandi viðburðum, fyrirlestrum og uppákomum tengdum nýsköpun.
Þau Freyr Hólm
Ketilsson og
Edda Kon-
ráðsdóttir eru
skipuleggjend-
ur Nýsköpunar-
vikunnar, ásamt
Melkorku
Sigríði Magnús-
dóttur. FRÉTTA-
BLAÐIÐ/ANTON
BRINK
Heilsuhakkaþon í samstarfi við
Háskólann í Reykjavík, Fjártækni-
klasann, Arion banka og Land-
lækni, Samnorræn málstofa um
nýsköpun í heilbrigðismálum í
samstarfi við Nordic Innovation,
Háskóli Íslands verður með ýmsa
streymisviðburði um nýsköpun
og hinir ýmsu aðilar á borð við
Nýsköpunarsjóð atvinnulífs-
ins, FKA, Verkís, CCP, Advania,
Hugverkastofu, Fjármálaráðu-
neytið, Icelandic Startups, Rannís,
Íslenska ferðaklasann og fleiri,
munu halda viðburði tengda
nýsköpun.
„Lausnarmót er íslenska orðið
yfir hakkaþon. Þetta er ekki endi-
lega forritun, svo orðið hakkaþon
getur verið svolítið villandi. Þess
vegna köllum við þetta lausnar-
mót. Lausnarmótið er í raun og
veru leið til að kalla eftir lausnum
við ákveðnu vandamáli,“ útskýrir
Edda.
„Samstarfsaðilar okkar, eins og
til dæmis Arion banki eða Land-
læknir leggja til ákveðin gögn.
Ákveðin vandamál sem þarf að
leysa. Fólk getur svo komið og
prófað að búa til lausnir. Þetta
þurfa ekki endilega að vera tækni-
lausnir heldur geta lausnirnar
verið af ýmsum toga.“
Auk Eddu standa þau Freyr
Hólm Ketilsson og Melkorka
Sigr íður Magnúsdóttir að Nýsköp-
unarvikunni. Þau hafa áralanga
reynslu af vinnu innan nýsköp-
unarsamfélagsins, bæði innan
rótgróinna fyrirtækja og frum-
kvöðlaheimsins.
Upplýsingar eru aðgengilegar á
vefsíðu hátíðarinnar nyskopunar-
vikan.is.
4 KYNNINGARBLAÐ 2 9 . ÁG Ú S T 2 0 2 0 L AU G A R DAG U RNÝSKÖPUN Á ÍSLANDI