Fréttablaðið - 29.08.2020, Page 74

Frumkvöðlakeppnin Gulleggið hóf göngu sína vorið 2008 og er eitt rótgrónasta verkefni
Icelandic Startups. Keppnin er
vettvangur fyrir unga frumkvöðla
og hugmyndasmiði sem vilja koma
hugmyndum sínum á framfæri og
gera úr þeim markvissar áætlanir
sem miða að stofnun fyrirtækis,
segir Edit Ómarsdóttir, verkefna-
stjóri hjá Icelandic Startups, sem
nú heldur keppnina í þrettánda
sinn. „Skráningarfrestur er til og
með fimmtudags 3. september, en
skráningin tekur einungis nokkrar
sekúndur og það geta allir tekið
þátt. Hægt er sækja um með eða án
hugmyndar, ef sótt er um þátttöku
án hugmyndar fá einstaklingar
tækifæri á að bjóða fram þekkingu
sína og reynslu til annarra teyma.“
Tíu hugmyndir valdar áfram
Þátttakendum keppninnar býðst
að sækja þrjár vinnusmiðjur á
netinu sem haldnar eru á laugar-
dögum. „Þar er farið yfir ýmsa
nytsamlega hluti sem þarf að hafa
í huga þegar viðskiptahugmynd
er mótuð og fyrirtæki stofnað,
svo sem áætlanagerð, hönnun og
markaðsmál. Teymin fá einnig
aðstoð við að undirbúa sig fyrir
lyftukvöld Gulleggsins, en það
er vísan í það að þú eigir að geta
sagt skýrt og skilmerkilega frá
hugmynd þinni í einni lyftuferð.
Að lokum skila þátttakendur við-
skiptaáætlun á einu A4-blaði.“
Rýnihópur, sem skipaður er
breiðum hópi bakhjarla og sam-
starfsaðila Gulleggsins, fer yfir
viðskiptaáætlanirnar og velur
þar úr tíu bestu hugmyndirnar,
sem komast svo áfram í keppnina
sjálfa. „Teymin hefja þá strax
að undirbúa sig fyrir lokadag
Gulleggsins, þar sem þau kynna
hugmyndir sínar fyrir dóm-
nefnd. Vinningsteymið hlýtur að
launum 1.000.000 kr.“
Alið af sér verðmæti og störf
Gulleggið hefur alið af sér
fjöldann allan af sprotafyrir-
tækjum og eru mörg þeirra orðin
að stórum fyrirtækjum á heims-
mælikvarða, segir Edit. „Hug-
myndirnar eru jafn fjölbreyttar
og þær eru margar og hafa
skilað sér margfalt til baka út í
samfélagið í formi atvinnu- og
verðmætasköpunar. Sem dæmi
má nefna fjártæknifyrirtækið
Meniga, sem tók þátt í Gullegginu
árið 2009 en í dag starfa hjá þeim
um 160 starfsmenn í sjö löndum.
Leikjafyrirtækið Solid Clouds tók
einnig þátt í Gullegginu sem og
fyrirtækið Róró sem framleiðir
dúkkuna LullaDoll. Hátækni-
fyrirtækið Videntifier hóf einnig
sín fyrstu skref í Gullegginu, en
það sér meðal annars alþjóðalög-
reglunni Interpol fyrir mynd-
greiningartækni.“
Breytt skipulag í ár
Gulleggið verður með breyttu
sniði í ár vegna COVID-19 en Ice-
landic Startups snaraði keppninni
yfir á vefform og munu því allar
vinnusmiðjur Gulleggsins fara
fram á netinu. „Þetta fyrirkomu-
lag gefur fólki á landsbyggðinni
og víðar tækifæri á að taka þátt í
Gullegginu í fyrsta sinn, án þess að
þurfa að mæta á fýsískan stað, sem
eru virkilega jákvæðar fréttir og
skref í rétta átt þar sem nýsköpun
spyr hvorki um stað né stund.“
Edit segir að þegar staðið er
frammi fyrir stórum áskorunum,
t.d. heimsfaraldri, kreppum eða
loftslagsbreytingum, myndist
gjarnan ný tækifæri. „Á slíkum
tímum fer fólk að leita lausna á
þeim vandamálum sem koma upp
og í þannig aðstæðum blómstrar
nýsköpun. Meniga var t.d. stofnað
í kjölfar kreppunnar til að aðstoða
fólk við að halda utan um fjármál
heimilisins. Um þessar mundir
sjáum við nýjar lausnir í heil-
brigðis- og menntamálum sem og
spennandi lausnir í umhverfis- og
loftslagsmálum, líkt og staðgengil
einnota plasts, rafdrifin farartæki
og margt f leira. Hugmyndaflugið
er það eina sem stoppar. Ég vil því
hvetja alla sem ganga með hug-
mynd í maganum að sækja um í
Gullegginu fyrir miðnætti þann 3.
september.“
Nánari upplýsingar um keppnina
má finna á www.gulleggid.is.
Nýsköpun
spyr hvorki
um stað
né stund
Frumkvöðlakeppnin Gulleggið, verk-
efni Icelandic Startups, er nú haldin
13. árið í röð. Vegna COVID-19 fara
allar vinnusmiðjur fram á netinu.
Edit Ómarsdóttir er verkefnastjóri hjá Icelandic Startups. FRÉTTABLAÐIÐ/ANTON
/ONLINE
OPIÐ FYRIR
SKRÁNINGAR
03.09.20
TIL
www.gulleggid.is
Kynntu þér málið
16 KYNNINGARBLAÐ 2 9 . ÁG Ú S T 2 0 2 0 L AU G A R DAG U RNÝSKÖPUN Á ÍSLANDI