Fréttablaðið - 24.09.2020, Page 16

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Kolbrún
Bergþórsdóttir
kolbrunb@frettabladid.is

Það verður
þó ekki af
Degi haft að
hann er
yfirleitt
velviljaður og
réttsýnn.

Við þurfum
að gera enn
betur og
vitum að
góðar
rannsóknir
eru forsenda
framfara.
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
Flestir hafa einhvern tíma verið í návist einstaklings sem hefur unun af að tuða. Þar sem tuðarinn telur sig eiga brýnt erindi og ætlast til að aðrir taki mark á honum breiðir hann úr sér á alla kanta meðan yfirþyrmandi þreytutilfinning hellist
yfir hlustandann. Hann vill umfram allt forða sér
en finnur ekki útgönguleið því tuðarinn hefur læst
klóm sínum í hann og lætur nöldrið dynja á honum og
ætlast til samþykkis.
Á dögunum birtist í Morgunblaðinu flennistór aug-
lýsing sem virðist samin af dæmigerðum tuðara, sem
þarna tókst að koma á prent öllu því sem hann hefur
svo lengi haft unun af að tuða yfir. Borgarstjórann
burt! var yfirskriftin og hún hefur örugglega fallið
í kramið hjá áskrifendum og lesendum Morgun-
blaðsins – það er að segja þeim sem eftir eru af áður
stórum hópi. Í nítján atriðum voru rekin það sem
áttu að vera stórfelld embættisafglöp borgarstjórans,
Dags B. Eggertssonar, en í neðanmálsgrein var fullyrt
að hann væri versti borgarstjóri Reykjavíkur frá
upphafi. Nokkru seinna birtist þessi sama auglýsing
í víðlesnasta blaði landsins, Fréttablaðinu, sennilega
hefur þannig átt að tryggja að hún færi ekki fram hjá
landsmönnum.
Hér er ekki pláss til að telja upp þær nítján syndir
borgarstjórans sem flaggað var í auglýsingunni, en
hann á meðal annars að bera ábyrgð á því að borgar-
búar er fastir í umferðarteppum alla daga, kvölds og
morgna. Vöxtur illgresis er einnig skrifaður á hann,
sem og rottugangur í borginni og losun plastagna.
Undir þessa auglýsingu skrifar Bolli Kristinsson
kaupmaður. Hér skal ekki látið eins og hann sé einn á
báti. Það er Bolli alls ekki, hann á sér einhverja fylgj-
endur.
Borgarstjórinn, Dagur B. Eggertsson, er vissulega
ekki hafinn yfir gagnrýni og á löngum stjórnmála-
ferli hefur hann örugglega gert sín mistök. Það verður
þó ekki af Degi haft að hann er yfirleitt velviljaður
og réttsýnn. Þetta eru góðir eiginleikar í lífinu sjálfu
en í pólitíkinni eru þeir ekki mikils metnir. Pólitík
byggir að of stórum hluta á útúrsnúningum, upp-
hrópunum, illvilja og alls kyns gjammi. Dagur er ekki
þannig stjórnmálamaður, ólíkt sumum í minnihluta
borgarstjórnar sem virðast beinlínis hafa unun af að
opinbera dónaskap sinn sem allra oftast.
Borgarstjórinn svaraði Bolla á þann kurteisa hátt
sem hans var von og vísa. Hann benti á að Bolli býr á
Spáni. Nú getur íbúi á Spáni vissulega haft skoðun á
málefnum Reykjavíkurborgar, en þá er betra að hann
hafi gengið um götur borgarinnar, ekki bara einu
sinni heldur margoft. Þá hefði hann til dæmis séð að
miðbærinn hefur breyst til hins betra og að Lauga-
vegurinn er ekki draugagata eins og haldið er fram í
auglýsingunni.
Vissulega hafa COVID og harkalegar aðgerðir
stjórnvalda lamað miðborgina síðustu mánuði. Þegar
þessi leiðindapest – sem ekki verður skrifuð á ábyrgð
borgarstjóra – er frá þá hefst eðlilegt líf að nýju og mið-
bærinn mun blómstra. Það er til nokkurs að hlakka.
Nítján syndir
Hubble
Egypska fjölskyldan sem til
stóð að vísa úr landi fyrir
löngu er enn ófundin. Kapp-
hlaup er hafið meðal grínista
þjóðarinnar um hver getur sent
fáránlegustu tilkynninguna á
stoðdeild lögreglu. Örugglega
eru einhver viðurlög við slíkri
háttsemi en enginn lögfræð-
ingur hefur þorað að blanda sér
í umræðuna til að segja neitt í
þá veruna. Lögreglan þarf hins
vegar ekki á neinum heimsku-
legum ábendingum að halda.
Hefur hún nú fengið NASA til að
beina Hubble-sjónaukanum að
Íslandi og er strax búið er að úti-
loka að þau séu á Kolbeinsey.
Ballestin
Fréttablaðið sagði frá því nýlega
að Seðlabankinn hefði tekið á
leigu húsnæði á efstu hæð við
Hafnartorg. Fram kom að eitt af
því sem réð valinu hefði verið
að samnýta mætti mötuneytið
í Seðlabankahúsinu. Þeir sem
færast á Hafnartorg gætu mætt í
hádegismat í Seðlabankahúsið
við Kalkofnsveg hinum megin
við götuna. Það er augljóst að sá
sem tók þessa ákvörðun hefur
ekki reynt á eigin skinni að
ferðast fótgangandi um Kalk-
ofnsveginn þegar vindurinn
blæs hvað mest. Það er eins gott
að maturinn í Seðló sé góður svo
farbankamennirnir fjúki ekki í
norðanrokinu. Það er ekki gott
að verða fyrir f ljúgandi banka-
mönnum.
Í dag á alþjóðlegum degi krabbameinsrannsókna er vakin athygli á mikilvægi krabbameinsrannsókna til framfara.
Krabbameinsfélagið hefur staðið að krabbameins-
rannsóknum í hartnær 70 ár. Að stundaðar séu krabba-
meinsrannsóknir hér á landi skiptir máli. Bæði vegna
þess að hér á landi eigum við afar færa vísindamenn
sem leggja sitt af mörkum til að ná enn betri árangri
í baráttunni gegn krabbameinum og til að rannsaka
stöðuna hér á landi, til dæmis aðbúnað og reynslu fólks.
Eftir tilkomu Vísindasjóðs félagsins árið 2015 hefur 30
íslenskum rannsóknum verið úthlutað 227 milljónum.
Styrkir Vísindasjóðsins hafa blásið nýju lífi í krabba-
meinsrannsóknir á Íslandi.
Á málþingi í hádeginu í dag, sem streymt verður á
krabb.is, verða kynntar fyrstu niðurstöður úr Áttavit-
anum, yfirstandandi rannsókn Krabbameinsfélagsins.
Yfir 1.100 manns hafa þegar tekið þátt í rannsókninni
og svarað ítarlegum spurningum um reynslu af
greiningu og meðferð. Með niðurstöðunum fást mikil-
vægar upplýsingar sem félagið mun nýta til að vinna
að málefnum sjúklinga. Einnig verða á málþinginu
kynntar þrjár af þeim þrjátíu rannsóknum sem hlotið
hafa styrki úr Vísindasjóði Krabbameinsfélagsins.
Stór skref hafa verið stigin varðandi gæðamat á
greiningum og meðferð krabbameina með samstarfi
Krabbameinsfélagsins, Landspítala og Sjúkrahúss-
ins á Akureyri sem verður kynnt á málþinginu. Með
staðlaðri skráningu fæst yfirsýn yfir árangur og gæði
sem verður hægt að bera saman við önnur lönd. Slíkt
nýtist á margan hátt í þágu sjúklinga.
Krabbameinsrannsóknir eru undirstaða þess góða
árangurs sem náðst hefur varðandi krabbamein. Hér á
landi hafa lífslíkur kvenna tvöfaldast á síðustu 50 árum
og dánartíðni kvenna af völdum krabbameina hefur
lækkað um 35%. Það er hins vegar ekki nærri nóg því
hér greinist einn af hverjum þremur landsmönnum með
krabbamein á lífsleiðinni. Við þurfum að gera enn betur
og vitum að góðar rannsóknir eru forsenda framfara.
Ágóði af sölu Bleiku slaufunnar 2020 mun renna til
krabbameinsrannsókna.
Rannsóknir til framfara
Halla
Þorvaldsdóttir
framkvæmda-
stjóri Krabba-
meinsfélagsins
2 4 . S E P T E M B E R 2 0 2 0 F I M M T U D A G U R16 S K O Ð U N ∙ F R É T T A B L A Ð I Ð
SKOÐUN