Fjölrit RALA - 20.03.1980, Blaðsíða 37
33
MOSAÞEMBA MEÐ GRÖSUM Á HÁLENDI.
(Gæshólar á Hjarðarfellsdal, Hnapp.)
Tilraunin stóð árin 1968-1973 eða í sex ár. Uppskera var mæld öll
árin og gróðurfar metið hvert ár nema það síðasta. Tilraunaskipulag var
samkvæmt flokki I (sjá bls. 12).
Tilraunin var á fremur grunnum (10-30 cm) smáþýfðum móa í rúmlega
300 m hæð. Mosi og grös einkenna gróðurfarið (mosi 42%, grös 35%, og
stinnastör 13%) (sjá nánar bls. 9 ).
Uppskera var að jafnaði 1.5 hestburðir á hektara á óáborna landinu,
mest 2.3, minnst 0.7.
Hlutdeild grasa jókst í um 50% við áburðinn. Uppskera jókst sára-
lítið fyrstu árin, en var að smáaukast síðust þrjú ár tilraunarinnar. í
reitum, sem borið var á fyrstu tvö árin og síðan annað hvert ár (85N-29P),
var uppskeruaukinn að jafnaði 4 hestburðir þau sex ár, sem uppskera var
mæld.
Ekki var unnt að greina mun á uppskeru og gróðurfari milli mismun-
andi áburðarliða, en breytileiki er mjög mikill í uppskerutölum.
Eftirverkun tveggja ára áburðargjafar (85N-29P) var lítil og að fullu
horfin á öðru ári, en það eru óvenju skammvinn áhrif.
Niðurstaða tilraunarinnar verður því sú, að það sé lítill ávinningur
að bera á gróðurlendi þessarar gerðar hátt yfir sjó.
Áhrif mismunandi áburðarliða á uppskeru i tilrauninni eru sýnd í töflu
5 bls. 20.
Á næstu síðum eru línurit, sem sýna uppskeru og gróðurfar. Línurnar,
sem sýna áhrif áburðargjafar annað hvert ár og eftirverkun tveggja ára
áburðargjafar, eru byggðar á meðaltali allra áburðarliða. Meðaláburðar-
skammtur var 85N-29P á hektara.