Fjölrit RALA - 20.03.1980, Blaðsíða 109
105
Tilraunirnar, sem hér eru til umræöu, ná yfir samtals 146 tilrauna-
ár og að baki liggja 130 heildarathuganir. Lengd tilrauna er talin frá
upphafi til (og með) síðasta athugunarárs. Gróðurgreining hefur fallið
niður af ýmsum orsökum stöku ár og því eru heildarathuganir færri en til-
raunaárin.
í fyrri hluta ritsins er tilraununum raðað niður eftir gróðurfari.
Þeirri röð verður haldið. Her á eftir fylgir tafla um gróðurfar á hverjum
stað og meðaláburðarskammt (Tafla l.J Þá er átt við þann áburðarskammt,
sem notaður var tvö fyrstu árin og síðan annað hvert ár. Árleg áburðar-
gjöf var alltaf 100 kg N og 44 kg P á hektara. Gróðurfars þeirra reita er
ekki getið nema frá þriðja ári, en reyndar er þá ekki að finna nema í til-
raunaflokki II og III.
Hér á eftir fylgja nokkrar töflur um hlut einstakra gróðurflokka í
þekju og breytingar á henni við mismunandi meðferð á tilraunatímanum.
Samskonar töflur eru settar upp til að sýna fjölda ríkjandi og víkjandi
tegunda.
Meðalþekja í áburðarlausum reitum fyrstu tvö árin sýnir gróðurfar
landsins við upphaf tilraunar á hverjijm stað. Meðalþekja í áburöarlausum
reitum frá þriðja ári til loka gefur hugmynd um áhrif friðunar á hvern
tegundaflokk og einkunn þó samanburður þessara dálka.
Þekja hverrar tegundar fyrstu tvö ár áburðargjafar er meðaltal úr
öllum áburðarreitum öðrum en þeim, sem ætlaðir voru til árlegrar áburðar-
gjafar framvegis. Þessir dálkar sýna fyrstu viðbrögðin við áburðargjöf og
hvort hún er fljótvirk til breytinga á þekju tegundarinnar á hverjum stað
eða ekki. Af fáeinum stöðum vantar gróðurgreiningu annað þessara tveggja
ára.
Næstu tveir dálkar sýna þekju tegundarinnnar að meðaltali allra
athugana frá þriðja ári til loka tilraunarinnar, þegar gróðurfar ætti að
hafa lagað sig að reglulegri áburðargjöf. Meðaláburðarskammtur, þar sem
borið var á annað hvert ár,var minni en á reiti árlegrar áburðargjafar,
eins og áður segir. Auk þess eru langfæstar athuganir á bak við miðdálk-
inn. Eftirverkunardálkurinn sýnir varla nógu glögglega afturhvarf gróður-
fars til fyrra horfs í og með vegna þess, að sumsstaðar breyttist áburð-
arlausa landið líka á tilraunatímanum vegna friðunar. Til að gefa hugmynd
um frávik þessara reita frá áburðarlausu reitunum er síðasta dálkinum
bætt við. Þar má lesa mismun hlutfallslegrar þekju tegundarinnar í eftir-
verkunarreitum og áburöarlausu reitunum síðasta ár tilraunarinnar. Þessa
tölu verður að taka með varúð, því bak við hana stendur aöeins eitt ár.
ÞÓ má hafa hana til hliðsjónar við mat á endingu áburðaráhrifanna.