Fréttablaðið - 25.11.2020, Page 12

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is

Við erum
enn drepnar
inni á
heimilum
okkar og
erum sjálfar
dæmdar
fyrir ofbeld-
isbrotin
gegn okkur.

Horfast
verður í augu
við þá stað-
reynd að
nýting á
strætisvögn-
um er of lítil
og því verður
að breyta.
Aðalheiður
Ámundadóttir
adalheidur @frettabladid.is
Í allri umræðu um nýjar lausnir í samgöngum megum við alls ekki missa sjónar á því markmiði að efla og bæta strætó. Hann er það almennings-
samgöngukerfi sem er til staðar og flestir eru sam-
mála um að bæta megi þjónustu strætó til muna. Í
sáttmála vinstrimeirihlutans í borgarstjórn segir
m.a. um strætó orðrétt: „Við ætlum að bæta strætó.
Við viljum að börn 12 ára og yngri fái frítt í strætó
í fylgd með fullorðnum. Tíðni á helstu stofnleiðum
verður aukin í 7,5 mín. á háannatímum… “
Nú þegar langt er liðið á kjörtímabilið er rétt að
skoða hvernig þetta hefur gengið. Í dag þurfa börn
að greiða 9.100 krónur fyrir afsláttarkort. Tólf ára
börn þurfa að greiða 23.300 krónur þrátt fyrir fögur
fyrirheit í sáttmála vinstrimeirihlutans. Það er því
ljóst að þetta loforð hefur ekki verið efnt. Aukin
tíðni ferða er svo hitt loforðið, en flestir eru á því
að aukin tíðni á helstu leiðum strætó sé lykilatriði í
að fleiri sjái sér fært að nota kerfið. Borgarstjórnar-
meirihlutinn má þó eiga það að hann lagði fram
formlega tillögu í borgarstjórn 2. október 2018 um
að strætó færi á 7,5 mínútna fresti á helstu leiðum
frá ársbyrjun 2020. Sú tillaga var samþykkt með 22
atkvæðum Samfylkingar, Pírata, Viðreisnar, VG,
Sjálfstæðisflokks, Miðflokks og Sósíalista. Skýrara
verður umboðið varla.
En hvað gerist svo?
Ekki neitt. Ekkert gerist í því að auka tíðni strætós
á helstu leiðum þrátt fyrir skýrt umboð frá borgar-
stjórn, því miður. Ekkert bólar á að strætó gangi á
7,5 mínútna fresti. Þvert á móti hefur það gagnstæða
gerst en í sumum tilfellum hefur ferðum verið fækk-
að. Eðli málsins samkvæmt er rétt að spyrja sig hvort
ekkert sé að marka samþykktir borgarstjórnar. Var
þetta aðeins sýndarmennska? Voru þetta kannski
atkvæðaveiðar? Það er okkar skoðun í Sjálfstæðis-
flokknum að stuðla eigi að bættri nýtingu með því
að auka tíðni á vinsælum leiðum. Horfast verður í
augu við þá staðreynd að nýting á strætisvögnum er
of lítil og því verður að breyta.
Að missa af strætó
Eyþór Arnalds
oddviti Sjálf-
stæðisflokksins
í Reykjavík
Jói frændi á jólunum 
Staða faraldursins um jólin er
farin að minna á aðdraganda
Eurovision, við vitum öll að við
munum tapa en það er alltaf smá
séns að þetta bjargist. Til að allt
gangi upp þurfa allir ættingjar
sem koma að utan að halda jól
í sóttkví. Jói frændi sem lenti
21. desember þarf að dúsa inni
í gestaherbergi á aðfangadags-
kvöld. Forspáir ættingjar voru
búnir að koma fyrir malti og
appelsíni undir rúminu. Þunnri
skinkusneið verður lætt undir
hurðina, grænmetið verður
smátt skorið og kartöflugratínið
kemur ósamsett. Enn á eftir að
finna leið til að koma Waldorf-
salatinu og sósunni í gegnum um
hurðina. Rósakálinu má alltaf
kasta inn um gluggann.
Pappa-Brynjar
Það skal enginn segja að Sjálf-
stæðismenn hampi sínum manni
Brynjari Níelssyni. Hann settist
á þing með drauma um dóms-
málaráðuneytið. Þess í stað var
hann settur í stjórnskipunar- og
eftirlitsnefnd til að hlusta á
keiluspil Samfylkingar og Pírata.
Hefur hann óskað eftir því að
flokkurinn finni annað fórnar-
lamb til að kveljast. Enginn hönd
hefur sést á lofti í þingflokknum.
Hefur flokkurinn því látið útbúa
pappakall, sem ungliðar munu
sjá um að koma fyrir á nefndar-
fundum. Á bak við Pappa-Brynj-
ar verður svo segulband sem
dæsir reglulega og kvartar undan
þöggun á heila tímanum.
Á síðustu tuttugu árum hafa tólf konur verið drepnar á Íslandi af eiginmönn-um sínum, sambýlismönnum eða karl-mönnum sem þær vildu ekki hlýða.Flestar voru kyrktar, sem bendir til að gerendurnir hafi alls ekki getað hamið
heift heimilisofbeldisins án þess endilega að hafa morð
á stefnuskránni. Ein var barin til bana með kúbeini,
önnur með slökkvitæki. Morðingja hinnar síðar-
nefndu mislíkaði að hún sængaði hjá hörundsdökkum
mönnum. Ung kona var stungin 28 sinnum með hnífi,
áður en hún komst til að vitna gegn morðingja sínum
í nauðgunarmáli vinkonu sinnar. Rúmlega tvítugri
stúlku var kastað fram af svölum á tíundu hæð af því
hún neitaði gerandanum um samfarir.
Tvær þessara tólf kvenna voru drepnar árið 2000,
tvær létust í mars síðastliðnum. Karlmenn þeim
nákomnir hafa verið ákærðir fyrir manndrápin.
Fjöldi kvenna hefur einnig hlotið fangelsisdóm á
Íslandi fyrir ofbeldi sem þær hafa verið beittar. Árið
2013 var spænsk kona dæmd í árs fangelsi fyrir inn-
flutning á fíkniefnum sem troðið var inn í leggöng
hennar með valdi af ofbeldismönnum á Spáni. Hún var
handtekin við komuna til landsins og dæmd í fangelsi.
Dómarinn lét þess getið í dómi að frásögn hennar um
neyð og ofbeldi væri trúverðug. Hún var samt sakfelld
og fékk tólf mánaða dóm. Hún er ein af fjölmörgum.
Líkt og í baráttunni gegn morðum og misþyrm-
ingum í nánum samböndum hefur okkur lítið orðið
ágengt í baráttu við mansalið sem svokölluð burðardýr
verða fyrir. Aldrei berast fréttir af því að manselj-
endur þessara kvenna hafi verið eltir uppi, ákærðir og
dæmdir. Þessi brotastarfsemi virðist því halda áfram
óáreitt, með minniháttar afföllum af efnum og fórnar-
lömbum. Í síðustu viku voru þýskar mæðgur dæmdar
í fangelsi fyrir að flytja annarra manna fíkniefni til
landsins í líkama sínum. Engum sögum fer af kvöl-
urum þeirra.
Þótt konur geti vissulega fagnað mörgum góðum
sigrum í jafnréttisbaráttunni á undanförnum ára-
tugum er staðreyndin sú að við erum enn drepnar
inni á heimilum okkar og erum sjálfar dæmdar fyrir
ofbeldisbrot gegn okkur.
Tilkynningum um heimilisofbeldi fjölgar líka á milli
ára. Kannski á #metoo-hreyfingin einhvern þátt í því
að konur tilkynni frekar ofbeldi sem þær verða fyrir,
en það er líka ástæða til að hafa áhyggjur af því að þær
konur sem verða fyrir alvarlegasta ofbeldinu kyns síns
vegna hafa lítið sem ekkert tekið þátt í fyrrnefndri
byltingu millistéttarkvenna. Það er of hættulegt fyrir
þær að stíga fram.
Í dag er alþjóðlegur baráttudagur gegn ofbeldi gagn-
vart konum. Dagurinn er gott tilefni til að minnast
þeirra kvenna sem kynsystur þeirra gleyma of oft í
aktívisma sínum. Kvenna sem hafa dáið af völdum
heimilis ofbeldis án þess að hafa fundið tækifæri eða
leiðir til að óska eftir hjálp, kvenna sem sitja í fang-
elsi fyrir ofbeldið sem þær hafa orðið fyrir, kvenna
sem hafa ekkert tengslanet í landinu okkar annað en
ofbeldismenn, hvort heldur er á heimilum sínum, í
undirheimum eða í forstjórastólum.
Heimilismorð
2 5 . N Ó V E M B E R 2 0 2 0 M I Ð V I K U D A G U R12 S K O Ð U N ∙ F R É T T A B L A Ð I Ð
SKOÐUN