Fréttablaðið - 25.11.2020, Blaðsíða 16

Innilegar þakkir fyrir auðsýnda samúð
og hlýhug við andlát og útför ástkærs
eiginmanns míns, föður okkar,
tengdaföður, afa og langafa,
Örlygs Hálfdanarsonar
bókaútgefanda,
Jaðarleiti 4, Reykjavík.
Sérstakar þakkir færum við starfsfólki
hjúkrunarheimilisins Sóltúns og starfsfólki Landspítala í
Fossvogi og Grensás fyrir hlýhug og góða umönnun.
Þóra Þorgeirsdóttir
Þorgeir Örlygsson Iðunn Reykdal
Hálfdan Örlygsson Guðbjörg Geirsdóttir
Arnþór Örlygsson
barnabörn og barnabarnabörn.
Elsku mamma okkar, tengdamamma,
amma og langamma,
Viktoría Karlsdóttir
Áshamri 3f,
Vestmannaeyjum,
lést 31. október.
Útförin fer fram frá Landakirkju í
Vestmannaeyjum mánudaginn 30. nóvember kl. 14.
Í ljósi aðstæðna verða aðeins nánustu aðstandendur
viðstaddir athöfnina. Athöfninni verður streymt frá vef
Landakirkju, www.landakirkja.is
Jónas Ragnar Gíslason Erika Ruiz
Stella Gísladóttir
Guðmundur Gíslason Guðný Jensdóttir
Viktoría Gísladóttir
Fanney Gísladóttir Oddur Magnús Oddsson
Bryndís Gísladóttir
barnabörn og barnabarnabörn.
Ástkær móðir okkar, tengdamamma,
amma, langamma og langalangamma,
Unnur Hjartardóttir
lést á Dvalarheimilinu Brákarhlíð,
Borgarnesi, 9. nóvember sl.
Útför hennar fer fram frá Fossvogskirkju
föstudaginn 27. nóvember kl. 15.
Vegna aðstæðna í þjóðfélaginu munu einungis nánustu
aðstandendur verða viðstaddir.
Útförinni verður streymt á sonik.is/unnur
Sérstakar þakkir færum við starfsfólki Dvalarheimilisins
Brákarhlíðar fyrir kærleiksríka umönnun.
Dídí Jóhannsdóttir
Ólöf Jóhannsdóttir
Hjörtur Jóhannsson Matthildur Guðnadóttir
barnabörn, barnabarnabörn og barnabarnabarnabörn.
Okkar ástkæra og elskulega eiginkona,
móðir, tengdamóðir, amma
og langamma,
Steinunn Bjarnadóttir
Skipalóni 7, Hafnarfirði,
lést í faðmi fjölskyldunnar aðfaranótt
laugardagsins 21. nóvember á
hjúkrunarheimilinu Sólvangi í Hafnarfirði.
Útför auglýst síðar.
Gunnlaugur Fjólar Gunnlaugsson
Bjarni Þór Gunnlaugsson Sigríður Sigurðardóttir
Kristín Fjóla Gunnlaugsdóttir
Silja Rún Gunnlaugsdóttir Friðrik Guðjón Sturluson
barnabörn og barnabarnabörn.
Ástkær móðir okkar, tengdamóðir,
amma og systir,
Guðfinna Thorlacius
hjúkrunarkennari,
Háagerði 4, Akureyri,
lést á Sjúkrahúsinu á Akureyri
22.nóvember. Útför fer fram frá
Akureyrarkirkju föstudaginn 27. nóvember kl. 10.30.
Þeim sem vilja minnast hennar er bent á Hollvinasamtök
Sjúkrahússins á Akureyri. Vegna fjöldatakmarkana verða
aðeins nánustu aðstandendur viðstaddir athöfnina.
Streymt verður frá athöfninni af síðu Akureyrarkirkju.
Kristjana Aðalgeirsdóttir Jari Turunen
Guðfinna Th. Aðalgeirsdóttir
Margrét Th. Aðalgeirsdóttir Ari Gunnar Óskarsson
Petra, Breki, Gunnar Aðalgeir og Inga Rakel
Margrét G.Thorlacius Ólafur Þór Thorlacius
Ástkær eiginmaður minn, faðir okkar,
tengdafaðir, afi og langafi,
Valur Pálsson
viðskiptafræðingur og
leiðsögumaður,
lést á Landspítalanum 23. nóvember.
Útförin verður auglýst síðar.
Erna Maríusdóttir
Páll Valsson Nanna Hlíf Ingvadóttir
Karl Steinar Valsson Erla Dögg Guðmundsdóttir
Hermann Valsson Þóra Magnea Magnúsdóttir
Sigurður Valur Valsson
barnabörn og barnabarnabörn.
Elskulegur eiginmaður minn, faðir,
tengdafaðir, afi og langafi,
Sixten Elof Holmberg
málmsmiður,
til heimilis að Dalbraut 16,
lést 24. nóvember á Landspítalanum.
Jarðarförin fer fram í kyrrþey
að ósk hins látna.
Heiður S. Sæmundsdóttir
Edda Svanhildur Holmberg Jón Birgir Gunnarsson
Heiðar Holmberg Jónsson
María Lind Jónsdóttir Benjamín Páll Gíslason
Jón Trausti Benjamínsson
Bækurnar mínar eru fyrst og fremst hugsaðar til að upp-lýsa  börn um sitt nánasta umhverfi, í bland við dálít-inn skáldskap og ævintýri,“ segir Hallbera Jóhannes-
dóttir, kennari á Akranesi, sem var að
gefa út barnabók númer tvö. Báðar
eru þær myndskreyttar af Bjarna Þór
Bjarnasyni myndlistarmanni. Sú fyrri,
Á ferð og flugi með ömmu, kom út árið
2012 og í henni fór amma með hinn sex
ára Frey um Akranes og fræddi hann í
leiðinni.
Nýja bókin heitir Á ferð og flugi með
ömmu í Akrafjalli og núna er það Smári,
átta ára, sem fer með ömmu á  bæjar-
fjallið sjálft,  sem Hallbera segir  vera
aðgengilegt. Svo er það líka fallegt eins
og flestir vita. „Bókin skiptist í tvo meg-
inkafla. Í þeim fyrri fara þau amma og
Smári að Guðfinnuþúfu og þeim seinni á
Háahnjúk og lenda í ýmsum ævintýrum,
bjarga bæði slösuðum hjólreiðamanni
og fótbrotnu lambi, auk þess sem Smári
fræðist um örnefni og Arnes útilegu-
mann og Jón Hreggviðsson, svo eitthvað
sé nefnt,“ lýsir höfundurinn.
Það skiptir máli að bæði börn og full-
orðnir þekki sína heimabyggð, að mati
Hallberu. „Ég er sjálf alin upp í þeim
anda,“ segir hún.  „Móðir mín, Bjarn-
fríður Leósdóttir, var mikill náttúru-
unnandi og fræðari. Hún var alltaf að
segja  okkur krökkunum  sögur sem
tengdust staðháttum ef við vorum ein-
hvers staðar utan heimilis og kenndi
okkur að þekkja örnefnin.“
Les, gengur og prjónar
Hallbera starfaði sem
umsjónarkennari á Skag-
anum  í þrettán ár og
sem bókasafnskennari  í
nítján  ár, en er nú komin
á eftirlaun. „Ég hélt áfram
tengslum við skólann minn,
mætti tvo morgna í viku í
sjálf boðavinnu í einn og hálf-
an tíma og lét krakka í 1. og 2.
bekk lesa. Svo kom COVID-19
og síðan hef ég ekki farið inn í
skólann, enda utanaðkomandi
skiljanlega ekki æskilegir þar. Vonandi
get ég tekið þráðinn upp aftur næsta
haust,“ segir hún.
Ekki situr Hallbera þó aðgerðarlaus
alla daga, heldur kveðst hafa nóg við
að vera. „Ég á sjö barnabörn og fimm
þeirra búa hér á Akranesi. Það eru
algjör forréttindi og ég hef haft þann
sið til margra ára að bjóða öllum í mat
á sunnudögum. Svo þarf ég stundum
að passa litlu krílin mín og það gefur
lífinu svo sannarlega lit.“ Hún kveðst
líka ganga, hjóla eða synda á hverjum
degi og segir fátt betra fyrir líkama og
sál. „Þá hef ég alltaf lesið mikið, aðallega
skáldsögur og ljóð og svo er ég auðvitað
í kór. Ekki má gleyma prjónunum, fátt
er notalegra en að hlusta á útvarp eða
geisladiska og prjóna.“
Allir velkomnir
Ekki er allt upptalið. Hall-
bera er líka í hópi kvenna
sem kalla sig Kellingarnar
og hafa síðustu sex ár
staðið fyrir sögu- eða
bókmenntagöngum á
Akranesi. Hún segir
þátttöku að jafnaði
góða. Einu sinni hafi
hundrað manns mætt!
Skyldi hún sjálf fara
oft upp í Akrafjall?
„Já, þetta er fjallið
okkar og við erum
heppin með hvernig
það snýr og breiðir faðm
sinn á móti okkur íbúunum. En það
eru líka allir velkomnir á Akranes og í
göngu á Akrafjallið.“
Hún segir bækur sínar eiga að hvetja
fólk til að fara með börnum sínum í
göngu - og hjólaferðir. Þær séu á góðu
máli, þessi nýja sé þó ekki fyrir smá-
börn. „Þetta er svona átthagafræði, enda
er ég kennari. Það gefur góðum göngu-
túr með krökkum alltaf gildi að segja
þeim eitthvað á leiðinni.“
gun@frettabladid.is
 Í ævintýrum á Akrafjalli
Hallbera Jóhannesdóttir kennari hvetur fullorðið fólk til að fara með börnum í göngur
og fræða þau í leiðinni. Hún var að gefa út bókina Á ferð og flugi með ömmu í Akrafjalli.
Þetta er fjallið okkar og við erum heppin með hvernig það snýr og breiðir faðm sinn á móti okkur, segir Hallbera. MYND/GÍSLI GÍSLASON
Ég hef haft þann sið til margra
ára að bjóða öllum í mat á
sunnudögum. Svo þarf ég
stundum að passa litlu krílin
mín og það gefur lífinu svo
sannarlega lit.
2 5 . N Ó V E M B E R 2 0 2 0 M I Ð V I K U D A G U R16 T Í M A M Ó T ∙ F R É T T A B L A Ð I Ð
TÍMAMÓT