Fréttablaðið - 25.11.2020, Blaðsíða 32

Þórunn Ólafsdóttir hefur gegnt starf i yf irlög-fræðings Fossa mark-aða síðan í desember á síðasta ári. Hún hefur komið sterk inn á golf-
völlinn á undanförnum misserum.
Fram undan er fæðingarorlof, en
Þórunn og sambýlismaður hennar
Ómar Örn eiga vona á sínu fyrsta
barni á næstunni.
Hver eru þín helstu áhugamál?
Eins og svo mörgum þá finnst mér
fátt skemmtilegra en að ferðast um
og skoða heiminn en af hversdags-
legri hlutum finnst mér yndislegt
að fara í sund, einkum á köldum
vetrarkvöldum. Auk þess þykir
mér mjög gaman að vesenast eitt-
hvað í eldhúsinu og prófa eitthvað
nýtt fyrir mér þar með misgóðum
árangri, sérstaklega ef einhver
annar kaupir inn og gengur frá.
Undanfarið hef ég svo verið að
koma sterk inn í golfinu og stefni á
að ná enn betri tökum á því sporti.
Hvernig er morgunrútínan þín?
Ég vildi að ég gæti sagt að rút-
ínan væri jóga og grænn drykkur
en staðreyndin er sú að ég opna
yfirleitt fjölmiðla og tölvupóstinn
upp í rúmi yfir fyrsta kaffibollanum
áður en ég kem mér í sturtu. Fyrir
COVID var líkamsrækt partur af
þessari rútínu allavega þrjá morgna
í viku. Stefni á að koma því aftur inn
sem fyrst.
Nærðu að halda jafnvægi milli
vinnu og fjölskyldulífs?
Það verður að viðurkennast að
vinnan hefur tekið stóran part af
mínum hversdagsleika hingað til
en það er nú fyrst og fremst vegna
þess að ég hef gaman af því sem ég
er að gera. Það verður sannarlega
áskorun að aðlagast breyttum veru-
leika með tilkomu frumburðarins
og finna þetta jafnvægi.
Hver hafa verið mest krefjandi
verkefnin á undanförnum miss-
erum?
Áskoranirnar hjá lögfræðingi hjá
fjármálafyrirtæki eru fjölmargar og
snúast að miklu leyti um að halda
yfirsýn yfir það mikla og síbreyti-
lega regluverk sem fylgir rekstri
slíkra fyrirtækja, halda starfsfólki
upplýstu og ferlum í samræmi við
lög og reglur. Skemmtilegri verkefni
snúa svo að því að finna lausnir á
lagalegum álitaefnum í tengslum
við breytingar og nýjungar innan
fyrirtækisins. Það er ótrúlega
skemmtilegt og um leið krefjandi
að starfa með færu fólki í því að
láta nýjar hugmyndir verða að veru-
leika.
Hver er helstu verkefnin fram
undan?
Fram undan hjá mér er fæðingar-
orlof sem ég ætla að reyna að njóta
til hins ýtrasta. Planið var að nýta
þann tíma meðal annars í ferðalög
ef aðstæður leyfa. Að orlofinu loknu
hlakka ég til að hverfa aftur til
starfa og takast á við þau fjölmörgu
og fjölbreyttu verkefni sem munu
bíða mín hjá Fossum mörkuðum.
Ef þú þyrftir að velja annan starfs-
frama, hvað yrði fyrir valinu?
Ég er mjög ánægð í þessu fagi og
á erfitt með að sjá mig fyrir mér á
öðrum vettvangi, en ef eitthvað þá
hugsanlega í einhverjum rekstri.
Hvar sérðu þig eftir tíu ár?
Þessari spurningu á ég mjög erfitt
með að svara. Hingað til hef ég svo-
lítið látið hlutina ráðast og mín plön
ná yfirleitt ekki lengra en nokkra
daga eða vikur fram í tímann. Ég
vona þó að ég eigi eftir að eiga góða
vinkonu í tíu ára dóttur minni þá og
verði ánægð í leik og starfi.
Hvers hlakkarðu mest til þessa
dagana?
Þessi er aftur á móti mjög auð-
veld! Settur dagur nálgast og biðin
er afar löng svona á síðustu metr-
unum og tilhlökkunin er gríðarleg.
Jólaspenningurinn kemst ekki einu
sinni að.
Efnilegur kylfingur
og liðtækur kokkur
Svipmynd
ÞÓRUNN ÓLAFSDÓTTIR
Nám:
Meistarapróf í lögfræði frá Háskól-
anum í Reykjavík árið 2015. Mál-
flutningsréttindi fyrir héraðsdómi.
Störf:
Yfirlögfræðingur verðbréfafyrir-
tækisins Fossa markaða hf. Ég tók
við því starfi í desember 2019 eftir
að hafa starfað sem lögmaður með
áherslu á skatta- og félagarétt.
Fjölskylduhagir:
Í sambúð með Ómari Erni Bjarn-
þórssyni. Saman eigum við von á
dóttur nú á allra næstu dögum.
Það verður að
viðurkennast að
vinnan hefur tekið stóran
part af mínum hversdags-
leika hingað til en það er nú
fyrst og fremst vegna þess að
ég hef gaman af því sem ég er
að gera.
Þórunni finnst skemmtilegt að prufa nýjungar í eldhúsinu, svo fremi að annar kaupi inn og gangi frá. MYND/AÐSEND
Afternoon Tea 3.990 kr. á mann
Með glasi af Prosecco freyðivíni 4.890 kr. á mann
Með glasi af Möet kampavíni 5.890 kr. á mann
Hafnarstræti 1–3 > fjallkona.is
FJALLKONAN FAGNAR ÞÉR!
Bláberjaskonsur
Þeytt íslenskt smjör og tvær tegundir af sultu
Confit önd á vestfirskri hveitköku
Andaconfit rillet, karamelluseruð epli, Maltsósa, appelsínusósa
Bleikja & lummur
Kjúklingabaunalummur, léttgrafin bleikja, piparrótarsósa,
hrogn, stökkar linsubaunir, yuzu-ylliblómadressing
Nauta carpaccio á stökku brauði
Trufflu og sveppa duxelle, parmesanflögur
Jólasamloka
Hamborgarahryggur, gulróta- og grænbaunamæjó
SÆTT
Eton Mess skyr ostakaka
Hvítsúkkulaði-skyrmús, marengs, hindber, hindberjasósa
Þrista-súkkulaðiterta
Súkkulaði, Þristur, vanilluís, þeyttur rjómi
Bollakökur
Red Velvet
Súkkulaðifudge
Sörur
Makkarónur
JÓLA
AFTERNOON
TEA
ALLA DAGA 14.30–17.00
2 5 . N Ó V E M B E R 2 0 2 0 M I Ð V I K U D A G U R14 MARKAÐURINN