Fréttablaðið - 25.11.2020, Blaðsíða 14

GOLF „Það er ekki hægt að lengja
golfvelli endalaust. Það eru færri
hlutar leiksins sem skipta máli
þessa dagana. Áður fyrr þurfti
meira að hugsa út í leikskipulag en
öll tölfræði sýnir að ef þér tekst að
slá nógu langt og halda þér þokka-
lega í leik muntu hafa forskot á and-
stæðingana sem slá styttra,“ segir
Úlfar Jónsson, sexfaldur Íslands-
meistari í höggleik, fyrrverandi
landsliðsþjálfari og PGA-kennari,
aðspurður út í breytinguna sem
hefur átt sér stað í högglengd kylf-
inga undanfarna áratugi.
Um síðustu helgi tókst lítt þekkt-
um heimamanni að slá rúmlega 400
metra högg á Evrópumótaröðinni
í Suður-Afríku og eru kylfingar nú
til dags að gera lítið úr sögufrægum
völlum með högglengd sinni. Fara
þarf aftur til ársins 1997 þegar John
Daly tókst fyrstum að slá yfir þrjú
hundruð jarda að meðaltali með
driver af teig í upphafshöggum.
Það var fyrsta ár Tiger Woods á
mótaröðinni og vakti Woods strax
athygli fyrir högglengd sína sem
var tæplega 300 jardar að meðal-
tali. Í dag eru 110 kylfingar á PGA
mótaröðinni sem eru að slá 300
jarda eða lengra að meðaltali með
driver af teig og er Bryson DeCham-
beau högglengstur með 337,8 jarda
að meðaltali. Meðaltalið á móta-
röðinni er rétt undir 300 jördum og
er Tiger í 204. sæti yfir högglengstu
kylfingana með driver með meðal-
tal upp á 290 jarda.
Það sama á við um LPGA-móta-
röðina, sterkustu mótaröð heims
í kvennaf lokki. Þegar fyrst var
haldið utan um tölfræði um högg-
lengd kylfinga á LPGA-mótaröð-
inni voru högglengstu kylfingarnir
að slá að meðaltali um 265 jarda
í upphafshöggunum með driver.
Bianca Pagdanganan er högglengsti
kylfingurinn á LPGA-mótaröðinni
þessa dagana með tæplega 290 jarda
í upphafshöggunum. Faðir Pagd-
anganan hefur lýst því yfir að hún
verði fyrsti kylfingurinn til að kom-
ast yfir þrjú hundruð jarda meðal-
talið en lengsta upphafshöggið í
sögu mótaraðarinnar er 349 jarda
högg Lexi Thompson árið 2018.
„Þetta er í rauninni bara áfram-
hald af því sem gerðist fyrir alda-
mót þegar Tiger Woods kom fyrst
inn á mótaröðina. Tiger var að slá
mun lengra en allir keppinautarnir
á þeim tíma og fram að því þurftu
kylfingar ekkert endilega að vera
högglangir. Eftir að Tiger byrjaði
að slá miklu lengra en aðrir fóru
mótshaldarar að lengja vellina til
að gera þá meira „Tiger proof“ ef svo
má segja, svo að hann væri ekki að
slá upp að flötinni á öllum holum. “
Eftir erfiða baráttu við meiðsli
hefur Tiger tekist að vinna þrjú mót
á tveimur árum, þar af einn risatitil,
en hann er ekki lengur í sama sér-
flokki þegar kemur að högglengd á
mótaröðinni.
„Tiger hafði rosaleg áhrif á
þessa kynslóð sem kom í kjölfarið
á honum og eru bestu kylfingar
heimsins í dag. Þessir kylfingar
sem eru f lestir á bilinu 20-30 ára
eru allir í hörkuformi og með allt
aðra tæknilega þjálfun en þeir sem
eru eldri. Sem dæmi var á mínum
unglingsárum þegar ég var að æfa
og keppa aldrei minnst á högglengd.
Þjálfarar töluðu lítið sem ekkert um
um að slá langt heldur einblíndu á
að slá beint og ná upp stöðugleika.
Í dag er fyrst og fremst lögð áhersla
á högglengd og hitt lærist með tím-
anum hjá metnaðargjörnum kylf-
ingum,“ segir Úlfar, sem er sjálfur
golfkennari.
„Ef þú ætlar að ná langt, hvort
sem það yrði í áhuga- eða atvinnu-
mennsku, þá verðurðu að geta
slegið langt. Það eu fá dæmi um
velgengni til lengri tíma hjá högg-
styttri kylfingum þessa dagana.
Þeir bestu eru högglangir og vell-
irnir eru að lengjast til að auka erf-
iðleikastigið,“ segir Úlfar og tekur
einn frægasta völl heims sem dæmi.
„Það er ekki hægt að lengja gamla
völlinn á St. Andrews mikið lengur.
Ég held að það hafi verið Gary
Player sem sagði að stærstur hluti
mótaraðarinnar myndi slá inn á úr
upphafshögginu á annarri hverri
holu ef veðrið er í lagi. Fyrir vikið
verður völlurinn ekki sama áskor-
unin lengur. “
Það er sjaldgæft að kylfingar séu
að móta eigin sveif lu þessa dagana
líkt og Daly gerði á sínum tíma en
þó eru dæmi um það.
„Það er sjaldgæfara en það eru
enn dæmi um að kylfingar fari
óhefðbundnari leiðir. Matthew
Wolff er með mjög sérstaka sveif lu
sem leggur áherslu á mjaðma-
hnykk. Hann er sérstaklega þjálf-
aður til að vera með mikinn kraft
og er með högglengri mönnum
mótaraðarinnar.“
Aðspurður hvort það gæti komið
til þess að mótaraðirnar setji
strangara regluverk þegar kæmi
að boltum sagðist Úlfar ekki viss
hvaða aðgerða væri hægt að grípa
til.
„Það er erfitt að segja, golfið er
ein af fáum íþróttum sem er ekki
með sérstaka keppnisbolta. Þetta
er viðkvæmt mál því framleiðend-
urnir eru ekkert endilega tilbúnir
til þess.“
kristinnpall@frettabladid.is
Högglengd skiptir öllu í dag
Úlfar Jónsson, sexfaldur Íslandsmeistari í golfi og PGA-kennari segir að áherslubreyting í tækniþjálfun
skili aukinni högglengd á sterkustu mótaröðum heims. Ekki sé endalaust hægt að lengja brautirnar.
Bianca Pagdanganan er nýliði á LPGA-mótaröðinni. Þessi 23 ára gamli kylfingur er högglengsti kylfingur mótarað-
arinnar og er hún strax farin að gera sig líklega á stærstu mótunum á sterkustu mótaröð heims. FRÉTTABLAÐIÐ/GETTY
Vöðvafjallið Bryson DeChambeu hefur vakið athygli fyrir breytingar á
líkama sínum sem hefur aukið högglengdina. FRÉTTABLAÐIÐ/GETTY
FIMLEIKAR Þegar fimm ár eru í að
leigusamningi Fylkis við Reykjavík-
urborg um afnot af húsnæði í Norð-
lingaholti undir starf félagsins, eru
viðræður hafnar um hvert næsta
skref verður. Á fundi borgarráðs
fyrir helgi kom fram að fimleika-
hús Fylkis væri eitt þeirra verkefna
sem raðaðist hæst í forgangsröðun
íþróttamannvirkja í Reykjavíkur-
borg. Meðal þess sem rætt var, var
möguleikinn á því að húsnæðið í
Norðlingaholti yrði stækkað til að
auka rýmið og leigusamningurinn
framlengdur en Reykjavíkurborg
myndi eignast húsið við lok leigu-
tímans. Þá verður möguleikinn
skoðaður á því að reisa nýtt fim-
leikahús á starfssvæði Fylkis í
Lautinni í takt við framtíðarsýn
félagsins.
Aðspurð segir Guðrún Ósk Jak-
obsdóttir, formaður stjórnar fim-
leikadeildar Fylkis, vera komið
upp ákveðið aðstöðuleysi í Norð-
lingaholti. „Í upphafi var okkur
seld hugmyndin um að við hefðum
báðar hæðirnar fyrir okkur, en það
eru komnar fleiri deildir inn í húsið.
Það átti meðal annars að vera auð-
velt aðgengi að stúkum en í dag
erum við í raun bara með æfinga-
húsnæði. Við erum með mjög góða
æfingaaðstöðu en við getum ekki
haldið mót eða jafnstórar sýningar
og við hefðum óskað okkur. Það
er búið að þrengja að okkur að því
leyti að það er varla nein aðstaða
fyrir þjálfara eða geymsla.“
Fimleikadeild Fylkis taldi mögu-
leikann um aðstöðu í Lautinni ekki
standa til boða fyrr en nýlega.
„Samkvæmt umhverfismati var
búið að segja að það yrði ekki raun-
sætt að byggja fimleikahús í Laut-
inni. Það væri ekki hægt að bæta
umferðinni við þetta svæði, en svo
var bakkað með þær fullyrðingar og
þá kom Lautin aftur inn í myndina,“
sagði Guðrún, þegar hún var spurð
út í möguleikann á flutningum nær
félagsheimili Fylkis.
„Það var búið að vinna margar
þarfagreiningar og þar sást að það
myndi henta okkur best að komast
að í Lautinni. Með því gætum við
samræmt betur starf okkar við starf
félagsins þó að við séum auðvitað í
ákveðnu hlutverki að reyna að þjón-
usta Norðlingaholtið vel.“ – kpt
Skoða möguleikann á nýju fimleikahúsi í Árbæ
Úr sal Fylkis í Árbæ. MYND/AÐSEND
NFL Forráðamenn NFL-deildar-
innar í amerískum ruðningi til-
kynntu í gær hertar aðgerðir til að
reyna að hefta frekari útbreiðslu
kórónaveirunnar. Nú verður leik-
mönnum skylt að bera grímu þegar
þeir eru ekki inni á vellinum, en
áður þurftu þeir ekki að hafa grím-
una uppi þegar þeir voru á hliðarlín-
unni. Reglurnar taka gildi á morgun
þegar hinir árlegu leikir á þakkar-
gjörðarhátíðinni fara fram.
Alls greindust 108 leikmenn og
þjálfarar með kórónaveirusmit í
síðustu tveimur skimunum innan
deildarinnar eftir að 146 smit
greindust í ellefu skimunum þar
áður. Það verða því hertar reglur
um hversu margir leikmenn ferðast
með liðinu í hvern leik og hversu
margir starfsmenn fá aðgengi að
liðinu.
Fyrr á þessu ári voru þjálfarar
sem brutu reglur um grímunotkun
sektaðir um hundrað þúsund doll-
ara af deildinni, en í nýjustu sótt-
varnareglum NFL eru boðaðar
hertar refsingar. – kpt.
Grímuskylda á
hliðarlínunni
FÓTBOLTI Titilvörn Söru Bjarkar
Gunnarsdóttur og liðsfélaga í Lyon
hefst gegn Juventus í 32 liða úrslit-
um Meistaradeildar Evrópu. Dregið
var í útsláttarkeppnina í gær og fara
leikirnir fram um miðjan desember.
Sara skoraði þriðja mark Lyon
og innsiglaði um leið sigur franska
félagsins í úrslitum Meistaradeildar
Evrópu fyrr á árinu. Með því varð
hún fyrsta íslenska konan til að
vinna Meistaradeildina og fyrsti
Íslendingurinn til að skora í úrslita-
leiknum.
Áhugaverð viðureig n bíður
Rosengård með Glódísi Perlu Vig-
gósdóttur og stöllur gegn Lanchk-
huti frá Georgíu og þá mætast hin
norsk-íslenska María Þórisdóttir
og Cloé Lacassé sem fékk í fyrra
íslenskan ríkisborgararétt í viður-
eign Chelsea og Benfica. – kpt.
Titilvörn Söru
hefst á Ítalíu
Sara Björk og samherjar hennar eiga
titil að verja. FRÉTTABLAÐIÐ/GETTY
2 5 . N Ó V E M B E R 2 0 2 0 M I Ð V I K U D A G U R14 S P O R T ∙ F R É T T A B L A Ð I Ð
SPORT