Fréttablaðið - 25.11.2020, Blaðsíða 6
SKIPULAGSMÁL Strætó- og stofn-
leiðir eru í forgangi þegar saltað og
sandað er í Garðabæ, Reykjavík,
Hafnarfirði og Mosfellsbæ. Þetta
kemur fram í svari við fyrirspurn
Fréttablaðsins til sveitarfélaga á
höfuðborgarsvæðinu. Ekki barst
svar frá Seltjarnarnesbæ og Kópa-
vogi.
Líkt og Fréttablaðið greindi frá
í gær var mikið um hálkuslys um
liðna helgi þegar um 30 manns leit-
uðu til bráðamóttöku vegna slíkra
slysa. Þá barst blaðinu fjöldi ábend-
inga um að misvel væri staðið að
söltun og söndun í sveitarfélögum
höfuðborgarsvæðisins.
Í Reykjavík „er alltaf saltað og
sandað á öllum aðalleiðum en tekur
lengri tíma að fara yfir allar gang-
stéttir og göngustíga“. Um liðna
helgi voru stofnleiðir settar í for-
gang en ekki var saltað í húsagötum.
Í Hafnarfirði var unnið lengur
en vanalega vegna mikillar hálku
í bænum og aðfaranótt mánudags
hófst vinna við hálkuvarnir klukk-
an 04.30 og var alla helgina lögð
áhersla á varasama staði, aðalgötur
og tengingar milli bæjarhluta. Í
Mosfellsbæ voru strætóleiðir, stofn-
götur og tengigötur saltaðar, „ásamt
samgöngu- og öðrum tengistígum
innan þéttbýlis Mosfellsbæjar“.
Þá var í Garðabæ saltað á öllum
strætóleiðum, aðalgötum og brekk-
um í húsagötum, bæði á laugardag
og sunnudag. „Markmiðið er að
stofnbrautir, strætisvagnaleiðir,
fjölfarnar safngötur, bílaplön við
stofnanir, stofnanalóðir og aðkoma
að skólum og leikskólum sé orðin
greiðfær fyrir kl. 7.30 að morgni. Í
framhaldi er oft farið í húsagötur.“
Kostnaður borgarinnar við snjó-
hreinsun og hálkueyðingu eftir
veturinn 2018-2019 nam tæpum 694
milljörðum króna en kostnaðurinn
er breytilegur milli ára og fer að
mestu eftir veðurfari. – bdj
Strætó- og stofnleiðir settar í forgang
Byrjað verður á því að salta strætó- og stofnleiðir. FRÉTTABLAÐIÐ/VALLI
Aðalfundur
Golfklúbbsins Odds 2020
Aðalfundur Golfklúbbsins Odds verður haldinn í golfskálanum
í Urriðavatnsdölum fimmtudaginn 3. desember kl. 20:00*.
Dagskrá:
• Skýrsla stjórnar um störf og framkvæmdir á liðnu starfsári.
• Kynning á endurskoðuðum ársreikningi félagsins.
• Umræður um skýrslu stjórnar og ársreikning sem síðan skal borinn upp til
samþykktar.
• Umræður og atkvæðagreiðsla framkominna tillagna skv. 19. gr. ef ein-
hverjar eru.
• Afgreiðsla tillagna til lagabreytinga.
• Ákveðið árgjald og önnur gjöld fyrir næsta starfsár. Fjárhagsáætlun
næsta árs kynnt.
• Kosning stjórnar og varamanna í stjórn.
• Kosning tveggja skoðunarmanna reikninga og eins til vara.
• Kosning þriggja manna í kjörnefnd.
• Önnur málefni ef einhver eru.
Stjórn Golfklúbbsins Odds.
*Tekið verður tillit til þeirra samkomutakmarkana sem í gildi verða þann
3. desember. Við gerum ráð fyrir að fundurinn verði rafrænn og kosning fari fram
rafrænt. Til að taka þátt í kosningu þarf að skrá sig á fundinn og allar upplýsingar
um hvernig það fer fram verða sendar út í tölvupósti á félagsmenn og einnig verða
þær aðgengilegar á heimasíðu GO, oddur.is.
Ný tvöföld virkni sem
veitir hraða og langvarandi
vörn gegn tannkuli.
HEILBRIGÐISMÁL Svandís Svavars-
dóttir heilbrigðisráðherra segir að
skerðing þjónustu við sjúklinga
á Landspítalanum komi ekki til
greina sem hluti af hagræðingar-
aðgerðum.
Willum Þór Þórsson, formaður
fjárlaganefndar, sagði í samtali við
blaðið í gær að á næsta ári verði 4,1
milljarði bætt við rekstur spítalans,
aðhaldskrafan sé 400 millljónir
króna. Það sé verkefni forstjóra
spítalans og ráðherra að finna út
úr því hvernig takast eigi á við upp-
safnaðan halla.
Samkvæmt upplýsingum frá
Landspítalanum stendur spítalinn
frammi fyrir 4,3 milljarða króna
hagræðingarkröfu þegar tekið sé
mið af uppsöfnuðum halla síðustu
ára. Fresta hafi þurft hluta hagræð-
ingaraðgerða í ár vegna COVID-19
faraldursins, en með því að fá lengri
tíma til að vinna upp hallann verði
hallinn 1,4 milljarðar á næsta ári.
Samkvæmt heilbrigðisráðuneyt-
inu mun Landspítalinn fá á móti 1,3
milljarða til samræmis við öldrun
þjóðarinnar, auk viðbótarf jár-
magns vegna launa- og verðlags-
breytinga.
Í svari við fyrirspurnum þing-
manna Samfylkingarinnar, Við-
reisnar og Pírata á Alþingi í gær,
sagði Svandís að Landspítalinn
hefði verið meðvitaður um hall-
ann. Þá sé aðhaldskrafan, 0,5 pró-
sent, lögð þvert á allar heilbrigðis-
stofnanir landsins. Það hafi legið
fyrir frá upphafi faraldursins að
allur sá viðbótarkostnaður yrði
bættur. Hyggst hún funda með for-
svarsmönnum spítalans á næstu
dögum. – ab
Skerðing þjónustu ekki í
farvatninu á Landspítala
Svandís ætlar ekki að skerða þjónustu við sjúklinga. FRÉTTABLAÐIÐ/ANTON
LANDHELGISGÆSLAN „Þessi staða er
auðvitað grafalvarleg,“ segir Ásgeir
Erlendsson, upplýsingafulltrúi
Landhelgisgæslu Íslands, um þá
stöðu að frá miðnætti í kvöld verður
engin björgunarþyrla Landhelgis-
gæslunnar til reiðu í að minnsta
kosti tvo sólarhringa.
Flugvirkjar hjá Landhelgisgæsl-
unni hafa verið í verkfalli frá 5.
nóvember. Svokallaðir spilmenn í
áhöfnum björgunarþyrla Gæslunn-
ar sem eru f lugvirkjar eru þó ekki
í verkfalli og hafa þeir getað haldið
í notkun einu f lughæfu þyrlunni,
TF-GRÓ. Nú er hins vegar komið að
reglubundnu viðhaldi á þyrlunni.
Það geta spilmennirnir annast en
það tekur minnst tvo sólarhinga að
ljúka því.
„Undanfarnar vikur höfum við
haft eina þyrlu til taks, TF-GRÓ.
Við höfum lagt allt kapp á það að
hún sé útkallshæf og fær til þess að
sinna neyðarþjónustu. En nú liggur
fyrir að á miðnætti þarf hún að fara
í reglubundna skoðun sem tekur að
lágmarki tvo daga. Þar af leiðandi
verður engin þyrla til taks á meðan,“
útskýrir Ásgeir.
Tvær aðrar þyrlur Gæslunnar
eru úr leik. TF-EIR er í viðhaldi og
hin 34 ára gamla TF-LÍF hefur verið
sett á sölu og verður ekki notuð af
Gæslunni framar.
„Þegar verkfallið skall á þá var TF-
EIR í viðhaldi og þessar tæpu þrjár
vikur sem verkfallið hefur staðið
yfir hefur engin viðhalds vinna
getað farið fram á TF-EIR. Upphaf-
lega áætlunin var sú að TF-EIR hefði
átt að vera tilbúin þegar TF-GRÓ
færi í þessa viðhaldsskoðun sem
hún er að fara í,“ segir Ásgeir.
Ýmislegt getur komið upp á við
skoðunina og hún tekið lengri tíma
en tvo daga, sem Ásgeir kveðst auð-
vitað vonast til að verði ekki.
„Auðvitað er það ekki kjörstaða
að hafa aðeins eina björgunarþyrlu
til taks en það er grafalvarleg staða
að hafa enga þyrlu til taks. Og það
er sömuleiðis alvarlegt að þessi
viðhaldsþörf eykst með hverjum
degi og vandamálið stækkar þar af
leiðandi,“ segir Ásgeir.
Í yfirlýsingu Landssambands
slökkviliðs- og sjúkraf lutninga-
manna er skorað á samninganefnd
„að leita allra leiða til að ná samn-
ingum við f lugvirkja Landhelgis-
gæslunnar og koma í veg fyrir graf-
alvarlegt ástand sem skapast þegar
keðja neyðarþjónustu er rofin“.
Áslaug Arna Sigurbjörnsdóttir
dómsmálaráðherra tekur undir
þessar áhyggjur. „Flugvirkjum
standa auðvitað til boða sömu
launahækkanir og aðrir opinberir
starfsmenn hafa fengið og það er
miður að ekki hafi náðst að semja,“
segir hún.
Áslaug segir valkosti í stöðunni
hafa verið rædda í ríkisstjórn í gær.
Lög á verkfallið væru ein af leið-
unum. Hún átti einnig fund með
Georg Lárussyni, forstjóra Land-
helgisgæslunnar. „Hann ætlar að
skila mér ítarlegri greiningu á lang-
tímaaf leiðingum ef þetta stendur
lengur yfir,“ segir ráðherrann.
Ekki er að vænta aðstoðar á
næstu dögum frá Dönum sem hafa
lánað Landhelgisgæslunni þyrlur
af varðskipum sínum. „Landhelgis-
gæslan er með samning við Dani og
þyrlur dönsku varðskipanna hafa
gjarnan verið til taks fyrir Land-
helgisgæsluna ef eftir því hefur
verið leitað, en sá möguleiki er ekki
fyrir hendi nú þar sem danskt varð-
skip er ekki í nágrenni við Ísland,“
segir Ásgeir Erlendsson.
gar@frettabladid.is
einarthor@frettabladid.is
Björgunarþyrluleysi er
nú sagt óumflýjanlegt
Engin björgunarþyrla verður til taks á Íslandi í minnst tvo daga jafnvel þótt
ríkið næði samningi við flugvirkja hjá Landhelgisgæslunni. Dönsk varðskip
eru ekki við Ísland og ekki í boði að nýta þyrlusamning Gæslunnar við Dani.
TF-GRÓ er eina björgunarþyrlan sem er til taks fyrir Gæsluna en hún fer í viðhald í kvöld. FRÉTTABLAÐIÐ/ANTON BRINK
Flugvirkjum standa
auðvitað til boða
sömu launahækkanir og
aðrir opinberir starfsmenn
hafa fengið.
Áslaug Arna
Sigurbjörns
dóttir dómsmála
ráðherra
2 5 . N Ó V E M B E R 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð