Víkurfréttir - 18.06.2020, Síða 17

Grunnnámskeið vinnuvéla
kennt í fyrsta sinn hjá Keili
Vinnuverndarskóli Íslands mun á næstu miss-
erum hefja kennslu á grunnnámskeiði vinnu-
véla. Það veitir réttindi á allar stærðir og gerðir
vinnuvéla sem eru réttindaskyldar auk brúkrana
sem ekki eru réttindaskyldir.
Fyrirkomulag námsins
Opnað verður fyrir námskeiðið þann 23. júní
næstkomandi. Hægt er að skrá sig í námið strax
í dag og hefja nám hvenær sem er frá þeim degi.
Þátttakendur geta lagt stund á námið á sínum
hraða og þannig hentar námskeiðið vel með vinnu.
Ljúka þarf námskeiðinu innan tveggja mánaða
eftir að skráning hefur borist en reikna má með í
það minnsta tíu til tólf dögum að lágmarki.
Námskeiðið er aðgengilegt öllum sem náð hafa
sextán ára aldri en til þess að geta fengið full-
gild vinnuvélaréttindi verður viðkomandi að vera
orðinn sautján ára og hafa bílpróf.
Öll námskeið Vinnuverndarskólans eru kennd í
vendinámi og mun námið því vera að mestu leyti
gagnvirkt. Nemandi horfir á fyrirlestra, les ítar-
efni, horfir á myndbönd og leysir verkefni. Hægt
er að horfa á hvern hluta eins oft og hver ein-
staklingur þarf eða vill. Til þess að komast áfram
í námskeiðinu þurfa nemendur reglulega að stan-
dast krossapróf en því lýkur með upprifjun og
krossaprófi sem fer fram í kennslustofu á vegum
Vinnuverndarskóla Íslands. Námskeiðið fylgir
námsskrá Vinnueftirlitsins.
Þátttakendur geta hafið verklegt nám á allar
gerðir réttindaskyldra vinnuvéla undir leiðsögn
leiðbeinanda sem hefur kennsluréttindi að nám-
skeiði loknu. Þegar verklegri þjálfun er lokið er
óskað eftir prófdómara fram Vinnueftirlitinu
en öll verkleg þjálfun og próf fara fram á vinnu-
stöðum nemenda.
Smelltu hér fyrir nánari upplýsingar um námið
Alltaf ferskt og fjölbreitt úrval
... svo tökum við á móti ykkur með bros á vör
Fiskbúð Reykjaness
þar sem ferðalag bragðlaukanna hefst
Brekkustíg 40 // Þjónustum fyrirtæki og mötuneyti – pöntunarsími 783-9821 // Opið virka daga frá 10 til 19
Fimmtudagur 18. júní 2020 // 25. tbl. // 41. árg.
VíKuRFRÉttiR á SuÐuRnESjum í 40 áR // 17