Skessuhorn - 22.04.2020, Blaðsíða 22

MIÐVIKUDAGUR 22. ApRíl 202022
Afborganir náms-
lána verða
lækkaðar
LANDIÐ: Tekjutengd afborg-
un námslána lækkar þegar bæði
vextir og endurgreiðsluhlutfall
á eldri námslánum líN verða
lækkuð á næstunni. Ábyrgðar-
menn á um 30.000 lánum verða
felldir brott til að tryggja jafn-
ræði og uppgreiðsluafsláttur
hækkaður upp í allt að 15% þeg-
ar tillögur um að bæta stuðning
við greiðendur námslána verða
innleiddar. Ríkisstjórnin hefur
ákveðið að hrinda í framkvæmd
tillögum starfshóps sem forsæt-
isráðherra skipaði árið 2019 um
endurskoðun á reglum vegna
endurgreiðslna námslána. Hóp-
urinn var skipaður í tengslum
við kjaraviðræður á opinberum
markaði. Vextir námslána munu
lækka úr 1% niður í 0,4%. End-
urgreiðsluhlutfall lána lækkar til
samræmis sem lækkar afborg-
anir og afsláttur vegna upp-
greiðslu námslána verður allt
að 15% framvegis. Ábyrgðar-
menn á lánum í skilum sem tek-
in voru fyrir 2009 falla brott og
jafnræði þannig tryggt. Starfs-
hópurinn mat núvirtan kostn-
að aðgerðanna um 14 milljarða
króna fyrir ríkissjóð. Hann fell-
ur til yfir lengri tíma og unnt
er að láta greiðendur námslána
njóta góðs af sterkri fjárhags-
stöðu lánasjóðsins sem fjár-
magnar aðgerðirnar, segir í til-
kynningu. -mm
Aflatölur fyrir
Vesturland
11.-17. apríl
Tölur (í kílóum)
frá Fiskistofu:
Akranes: 2 bátar.
Heildarlöndun: 6.529 kg.
Mestur afli: Eskey ÓF: 4.488
kg í einum róðri.
Arnarstapi: 1 bátur.
Heildarlöndun: 6.539 kg.
Mestur afli: Óli G GK: 6.539
kg í einum róðri.
Grundarfjörður: 2 bátar.
Heildarlöndun: 264.004 kg.
Mestur afli: Málmey SK:
211.623 kg í einni löndun.
Ólafsvík: 9 bátar.
Heildarlöndun: 63.166 kg.
Mestur afli: Óli G GK: 15.590
kg í tveimur róðrum.
Rif: 5 bátar.
Heildarlöndun: 65.154 kg.
Mestur afli: Magnús SH:
31.919 kg í tveimur löndunum.
Stykkishólmur: 2 bátar.
Heildarlöndun: 6.974 kg.
Mestur afli: Sjöfn SH: 4.084
kg í tveimur róðrum.
Topp fimm landanir
á tímabilinu:
1. Málmey SK - GRU: 211.623
kg. 14. apríl.
2. Hringur SH - GRU: 52.381
kg. 15. apríl.
3. Saxhamar SH - RIF: 20.633
kg. 16. apríl.
4. Magnús SH - RIF: 17.282
kg. 15. apríl.
5. Magnús SH - RIF: 14.637
kg. 16. apríl.
-kgk
„Ég hef verið að mála bara allt mitt
líf,“ segir listakonan Darja lane
þegar Skessuhorn heyrði í henni
hljóðið. Darja er fædd í Rússlandi
en flutti með fjölskyldunni í Borg-
arnes þegar hún var sex ára, þar
sem hún gekk í grunnskóla fyrstu
árin, en flutti þá á Akranes þar sem
hún lauk grunnskólagöngunni.
Næst flutti Darja aftur í Borgarnes
þar sem hún gekk í Menntaskóla
Borgarfjarðar áður en hún hóf nám
í Kvikmyndaskóla íslands á tækni-
braut. „Ég hef mikinn áhuga á upp-
tökum og að gera myndbönd,“ seg-
ir Darja sem hefur verið að vinna
við upptökur og ljósmyndun und-
anfarið, auk þess sem hún hefur
tekið að sér að teikna myndir fyr-
ir fólk. Ég hef verið að teikna port-
ret myndir og myndir af sumarhús-
um og byggingum eftir pöntunum
frá fólki. Ég hef líka verið að taka
myndir fyrir auglýsingar og slíkt,
til dæmis myndir af sumarhús-
um sem verið er að leigja út hér í
Borgarfirði,“ segir Darja og bæt-
ir við að nýverið hafi hún verið að
aðstoða við upptöku á þáttum sem
ríkissjónvarpið í Rússlandi var að
taka upp hér á landi. „Það er svona
stærsta verkefnið mitt hingað til,“
segir hún ánægð.
Fór yfir í olíumálningu
Fyrir um ári ákvað Darja að prófa
að mála myndir til að selja og fór
þá úr blýantinum yfir í pensilinn
og olíumálninguna. „Ég er mest að
mála myndir af dýrum og landslagi
en hef ekki alveg treyst mér til að
gera portret myndir með málningu
alveg strax. Ég er ekki að mála eft-
ir pöntunum heldur mála ég bara
það sem ég vil mála og vona að fólk
hafi áhuga á að kaupa það,“ segir
hún en meðal þess sem hún hefur
verið að mála eru myndir af lunda,
sel, síamsketti og fleiru. Fyrr í þess-
um mánuði ákvað hún að setja upp
heldur óhefðbundna myndlistar-
sýningu þar sem hún setti myndirn-
ar sínar upp úti í glugga heima hjá
sér. „Ég fékk hugmyndina þegar ég
sá fólk setja bangsana út í glugga.
Ég ætlaði að hafa sýningu í Borgar-
nesi í febrúar en var sagt að ég gæti
það ekki því ég er með svo margar
ólíkar myndir. Það er víst ekki hægt
að hafa sýningu með myndum sem
eru í mismunandi stíl en þannig eru
mínar myndir. Ég ákvað bara í stað
þess að ergja mig yfir því að halda
eigin sýningu og gerði það bara
svona,“ segir hún og hlær.
Fikrar sig áfram í flúri
Myndlistarsýninguna auglýsti
Darja á Facebook í hópi fyrir íbúa
í Borgarnesi og segir hún íbúa hafa
tekið vel í þetta. „Fólk gat kom-
ið og kíkt bara á gluggann hjá mér
og það gekk bara ágætlega. Ég varð
svo að taka myndirnar niður þeg-
ar sólin var komin hærra á loft því
hún fer svo illa með málninguna.“
Auk þess að mála hefur Darja verið
að prófa sig áfram í tattoo listinni.
„Ég hef ekki flúrað neinn ennþá og
ég æfi mig með að flúra á appels-
ínur og silicone húð,“ segir hún.
Darja hefur gert tvær tattoo teikn-
ingar eftir pöntun en ekki fengið að
flúra þær sjálf. „Ég vona að ég muni
annað hvort fá að vinna bráðum á
tattoo stofu, þegar ég verð betri í
að flúra,“ segir hún og bætir við að
það gætu jafnvel komið til greina að
opna eigin tattoo stofu í Borgarnesi
einn daginn.
Til að fylgjast með Darju og
hennar list er hægt að skoða Instag-
ram síður hennar undir nöfnunum
darja.lane og darjaak.art auk þess
sem hægt er að finna hana á Fa-
cebook eða Etsy undir nafinu Dar-
jaKArt.
arg/ Ljósm. aðsendar.
Setti upp sýningu í glugganum
Darja Lane er ung listakona í Borgarnesi.
Þennan síamskött málaði Darja.
Fallegt og öðruvísi málverk af hrúti.
Lundi.
Selur að kíkja upp úr sjónum.
Skemmtileg landslagsmynd.
Snæfellsjökull.
Tígur.
Borgarneskirkja.