Skessuhorn - 22.04.2020, Page 23

MIÐVIKUDAGUR 22. ApRíl 2020 23
Su
do
ku
í Facebook hópnum „Syngjum
veiruna burt – öllum frjálst að
vera með“ eru meðlimir orðnir
tæplega 20 þúsund talsins. Þar
inni hefur fólk deilt myndbönd-
um af sér syngja ýmis lög til að
vekja gleði og samhug á meðan
faraldur kórónuveirunnar stend-
ur yfir. „Það veit það hver heil-
vita maður að við náum ekki að
losa okkur við þessa veiru með
að syngja, en það léttir vissulega
lundina að gera það og það er
tilgangurinn með þessari síðu,“
segir Jónína Björg Magnúsdótt-
ir Skagakona sem er ein af þeim
sem hefur deilt myndböndum í
hópnum. „Þarna er fólk að setja
inn alls konar myndbönd, bæði
eitthvað sem hefur verið tek-
ið upp í stúdíói eða bara á síma
og allt þar á milli,“ segir Jónína
og bætir við að söngvararnir séu
líka allir mjög ólíkir. „Þetta er
ekki spurning um gæði heldur
sönggleði,“ segir hún.
Söngkór í gegnum
Facebook
Eins og eflaust hefur ekki far-
ið fram hjá íslendingum tóku
ýmsir þekktir tónlistarmenn sig
saman og sungu saman nýja út-
gáfu af laginu „Góða ferð“ með
texta sem snýst um að ferðast
innanhúss. „Það hefur verið tal-
að um þennan hóp sem lands-
lið tónlistarfólks á íslandi en ég
þoli illa svoleiðis tal því lands-
liðið okkar er í raun svo mik-
ið stærra. Við eigum ótrúlega
flotta og góða söngvara sem eru
kannski ekkert þekktir,“ seg-
ir Jónína og heldur áfram. „Það
sést vel í þessum hópi á Facebo-
ok, þar eru svo margir virkilega
flottir söngvarar. Stjórnendur
hópsins ákváðu því að gera sam-
bærilegt myndband og þetta sem
fræga fólkið gerði og fá til liðs
við sig nokkra söngvara úr hópn-
um. Þau völdu lagið „Eye of the
tiger“ og sömdu nýjan texta við
lagið,“ segir Jónína en hún er
einmitt ein þeirra sem syngur
í laginu. „Ég sendi inn mynd-
band af mér en ég kunni ekki
alveg enda lagsins svo ég söng
bara eitthvað bull sem var not-
að í endann, ægilega gaman,“
segir hún og hlær. En lagið má
finna á Youtube undir nafninu
„Kórónukórinn – Syngjum veir-
una burt“. Hitti þetta lag heldur
betur í mark og ákvað Jónína því
að þýða textann yfir á ensku og
hefur nú einnig verið birt útgáfa
með enskum texta.
Styrkja Kvennaat-
hvarfið
Jónína segir þennan Facebook
hóp hafa gefið sér mikið á þess-
um tíma þar sem tónlistin sé
það sem sameini fólk hvað best.
„Tónlistin er út um allt í lífinu,
hvort sem það er við gleðivið-
burði, sorgarviðburði eða jafnvel
bara til að koma okkur í gang til
að þrífa heima hjá okkur. Tón-
listin er eitthvað sem samein-
ar okkur öll,“ segir Jónína og
hvetur alla til að gerast meðlim-
ir í þessum hópi og fylgjast þar
með fólki um allt land, og jafnvel
úti í heimi, syngja. „Sumir hafa
meira að segja tekið upp inni á
baðherbergjum hjá sér til að fá
frið til að syngja og sumir eru
jafnvel með börnin sín hoppandi
í kringum sig á myndböndunum
eða þá að þau taki þátt og syngi
með,“ segir hún og bætir því við
að til að gera enn betur ákváðu
stjórnendur hópsins að ganga til
liðs við pabbaspjall.is og Familj
Store með söfnun fyrir Kvenna-
athvarfið. „Efst í hópnum getur
fólk séð innlegg þar sem hægt er
að panta boli til styrktar Kvenna-
athvarfsins,“ segir Jónína.
arg
Jónína Björg Magnúsdóttir.
Söngurinn léttir lundina
Skjáskot af myndbandinu á Youtube.
Gleðilegt sumar
DALBRAUT 16, AKRANESI | www.smaprent.is
Sendum um allt Vesturland
Nýjar vörur á
leidinni