Dagblaðið Vísir - DV - 15.01.2021, Síða 34

Fatamistök
stjarnanna
Það er óhjákvæmilegt að gera
stundum mistök þegar kemur
að klæðnaði, það hjálpar ekki
að vera ávallt undir vökulu auga
fjölmiðla sem festa það á filmu.
Þegar horft er til frægustu fata-
mistaka stjarnanna koma tvær
geirvörtur við sögu en það hefur
þótt gríðarlega mikið mál ef kven-
kyns geirvarta slysast til að sjást.
34 FÓKUS
HÁRIÐ Í VIFTUNNI
Söngkonan og gyðjan Beyoncé lenti í óheppilegu atviki
á tónleikum árið 2013. Hún var að syngja lagið Halo og
beygði sig niður fremst á sviðinu til að nálgast aðdá-
endur. Hún fór of nálægt viftu sem var á bak við hana
og festist hárið á henni í viftunni.
Hún missti þó ekki úr nótu í laginu og söng á meðan
öryggisverðir hjálpuðu henni að losa hárið úr viftunni.
Hún hélt svo áfram að syngja og negldi það sem eftir
var af laginu.
GAT HLEGIÐ AÐ ÞESSU
Fyrirsætan Chrissy Teigen vakti mikla athygli á rauða
dreglinum fyrir AMA-verðlaunahátíðina árið 2016. Hún
var í svörtum kjól eftir hönnuðinn Yousef Akbar.
Það var aðeins ein næla sem hélt saman kjól hennar og
kom í veg fyrir að hún beraði sig alla, bæði að framan
og aftan. Chrissy reyndi að halda kjólnum eins mikið í
skorðum og hún gat, en hún endaði með að sýna meira
en hún ætlaði sér.
Chrissy hafði gaman af atvikinu og gerði grín að því á
Instagram daginn eftir. Hún þakkaði hárgreiðslukonu
sinni fyrir, förðunarfræðingnum og svo að sjálfsögðu
snyrtifræðingi sínum sem fjarlægði öll skapahár.
Chrissy baðst þó afsökunar á þessu og svaraði gagn-
rýnendum á skemmtilegan máta. Maður einn spurði
hana á Twitter hvað hefði orðið um að vera „dama“.
Chrissy svaraði: „Ég er nokkuð viss um að það hafi
greinilega sést að ég sé dama.“
KJÓLLINN BRÁST HENNI
Eitt frægasta „nipple slip“ allra
tíma er örugglega þegar kjóll Töru
Reid brást henni svo allsvakalega
á rauða dreglinum fyrir afmæli
Diddy árið 2004.
Þó að Tara væri þegar þekkt
fyrir leik sinn í American Pie
varð hún heimsfræg á einni nóttu
eftir þetta atvik. Tara var á rauða
dreglinum að stilla sér upp fyrir
ljósmyndara þegar kjóllinn rann
til og beraði allt vinstra brjóst
hennar. Hún tók ekki eftir því og
það liðu heilar tíu sekúndur þar til
fjölmiðlafulltrúi gerði henni við-
vart.
HNEPPTI VITLAUST
Boris Johnson, forsætisráðherra
Bretlands, var hafður að háði
og spotti í október síðastliðnum
þegar glöggir netverjar tóku eftir
því að hann hafi hneppt skyrtu-
ermi vitlaust.
Myndir af mistökunum fóru eins
og eldur í sinu um netheima. Stíl-
isti stjarnanna, Lucas Armitage,
sagði við MailOnline að þetta
væri áhyggjuefni. „Við treystum
forsætisráðherranum til að stýra
þjóðinni svo maður vonast nú til
að hann geti leyst einföld verkefni
sem við leyfum börnum að gera,“
sagði hann.
GEIRVARTA OFURSKÁLARINNAR
Þann 1. febrúar 2004 voru tónlistarmennirnir Janet
Jackson og Justin Timberlake að skemmta í hálfleik
á Ofurskálinni (e. Super Bowl). Þar átti sér stað at-
vik sem er örugglega eitt frægasta og alræmdasta
augnablik í langri sögu hálfleikjaskemmtunar Ofur-
skálarinnar.
Undir lok lagsins Rock Your Body átti Justin að fjar-
lægja brjóstahaldara Janet öðrum megin og geirvarta
Janet, sem var skreytt einhvers konar skartgrip, var á
sjónvarpsskjáum um 150 milljóna manna í rúma hálfa
sekúndu.
Bandaríkjamenn voru hneykslaðir yfir atvikinu og
sögðu Justin og Janet að þetta hefði ekki átt að fara
svona, hann hefði óvart fjarlægt meira af brjósta-
haldaranum en hann hefði ætlað að gera. En það
hafði verið ýjað að því fyrir sýninguna að eitthvað
„hneykslanlegt“ myndi gerast í hálfleik.
Því miður hafði þetta afdrifaríkar afleiðingar fyrir
Janet, en ekki Justin sem kom fram aftur í hálfleik
Ofurskálarinnar fjórtán árum seinna. Margar útvarps-
og sjónvarpsstöðvar hættu að spila lög hennar eftir
atvikið.
SKJÁSKOT/YOUTBE
MYND/GETTY
MYND/GETTY
MYND/GETTY MYND/GETTY
15. JANÚAR 2021 DV