Morgunblaðið - 04.07.2020, Qupperneq 6

Sigurður Bogi Sævarsson
sbs@mbl.is
Nú í byrjun mánaðarins var að
nýju opnað gistiheimili að Núpi í
Dýrafirði undir nafninu Númi. Er
það í höfuðið á húsdraug sem á að
hafa herjað á heimilismenn. Á
staðnum eru miklar byggingar
sem lengi hýstu starfsemi héraðs-
skóla, en starfsemi hans lagðist af
fyrir um 20 árum. Í framhaldi af
því var lengi ferðaþjónusta á
staðnum og sumarhótel.
Staður margra möguleika
Sá rekstur hefur legið niðri
undanfarin ár en nú er þráðurinn
tekinn upp að nýju af þeim Indr-
iða Benediktssyni líffræðingi og
Hafsteini Helgasyni verkfræðingi
sem báðir eru úr Reykjavík. Þeir,
ásamt öðrum fjárfestum, keyptu
fyrir nokkrum misserum af ríkinu
þær byggingar sem áður tilheyrðu
héraðsskólanum gamla og segir
Indriði staðinn bjóða upp á marga
möguleika.
„Húsin hér á Núpi eru í mis-
jöfnu ástandi og margt þarf að
lagfæra,“ segir Indriði. „Heima-
vistin er hins vegar í fínu standi,
fjöldi herbergja og þar getum við
tekið alls 90 manns í gistingu. Þá
eru hér góð salarkynni og
kennslustofur, sem meðal annars
hafa verið nýttar til ýmiss konar
fræðslustarfsemi og námskeiða-
halds. Í því teljum við sóknarfæri
fyrir starfsemina hér á Núpi, en
við erum hreinlega að prófa okkur
áfram með hvað gera skuli. Mér
finnst til dæmis sennilegt að að-
staða hér geti nýst kvikmynda-
gerðarfólki vel og reyndar mörg-
um öðrum.
Miðsvæðis á Vestfjörðum
Elva Björk Höskuldsdóttir er
hótelstjóri í sumar og fyrirtækið
sem að rekstrinum stendur er
Núpó ehf. en eigandi fasteigna er
Hérnú ehf. og vísar sá titill til
Héraðsskólans á Núpi. „Við erum
miðsvæðis á Vestfjörðum. Verðum
svo komin á enn betri stað með
opnun Dýrafjarðarganganna sem
verða tekin í notkun í september á
þessu ári. Hér á Núpi verður efa-
laust hægt að gera marga mjög
spennandi hluti í framtíðinni,“
segir Indriði Benediktsson að síð-
ustu.
Núpur Byggingar gamla skólasetursins eru reisulegar en hafa staðið að
mestu ónotaðar síðari árin. Nú hyggjast nýir eigendur gera stóra hluti.
Mannlíf Elva Björk Höskuldsdóttir,
hótelstjóri á Núpi, og Indriði Bene-
diktsson, eigandi staðarins.
Gistiheimilið nefnt
eftir húsdraugnum
 Númi er á Núpi
við Dýrafjörðinn
 Gamall skóli
6 FRÉTTIRInnlent
MORGUNBLAÐIÐ LAUGARDAGUR 4. JÚLÍ 2020
Sigtryggur Sigtryggsson
sisi@mbl.is
Söfnuður Moskvu-Patríarkatsins
hefur skilað inn nýjum teikningum
af kirkju sem á að rísa á svoköll-
uðum Nýlendureit við Mýrargötu í
Reykjavík. Allmörg ár eru liðin síð-
an söfnuðurinn fékk lóðina en dreg-
ist hefur á langinn að hefja fram-
kvæmdir.
Í breytingunni felst að minnka
umfang og hæðir kirkjunnar ásamt
því að kirkjuturnar eru lækkaðir.
Turnunum fækkar úr fimm í tvo, há-
markshæð hærri turns lækkar úr 22
metrum niður í 18 metra og minni
turns úr 17 metrum niður í 15
metra, samkvæmt deiliskipulags-,
skuggavarps- og skýringarupp-
drætti Arkiteo ehf. Skipulags- og
samgönguráð Reykjavíkur hefur
samþykkt að auglýsa tillögu að nýju
deiliskipulagi.
Auk kirkju fyrir söfnuð hinnar
rússnesku rétttrúnaðarkirkju stend-
ur til að reisa á lóðinni safnaðarhús.
Gert er ráð fyrir kjallara undir
kirkjunni og heimilt verður sam-
kvæmt tillögunni að byggja þriggja
metra breiðan tengigang neðanjarð-
ar milli kirkju og safnaðarhúss.
Kirkjulóðin skal hönnuð þannig að
hún sé aðgengileg almenningi. Arki-
tekt kirkjunnar er rússneskur,
Daniil Makarov, en Einar Ólafsson
arkitekt hjá Arkiteo er aðalhönnuð-
ur samkvæmt skilgreiningu, þ.e.a.s.
ber ábyrgð á samræmingu allra
hönnuða.
Haustið 2013 voru áform Moskvu-
Patríarkatsins um kirkjubygg-
inguna fyrst kynnt og birt tölvugerð
mynd af útliti hennar og umfangi.
Íbúar í nágrenninu voru óánægðir
og sendu in athugasemdir og mót-
mæli við tillögu umhverfis- og skipu-
lagssviðs borgarinnar um breyting-
ar á deiliskipulagi Nýlendureits.
Töldu þeir kirkjuna allt of stóra og
úr takti við þær byggingar sem fyrir
eru á svæðinu.
Haustið 2014 var lögð fram tillaga
í borgarráði um að skoðað yrði hvort
unnt væri að koma kirkjunni fyrir á
nýjum og rúmbetri stað, á horni
Mýrargötu og Seljavegar, í því
skyni að ná meiri sátt um kirkju-
bygginguna. Ekkert varð af þeim
áformum og nú er búið að reisa
nokkur íbúðarhús á lóðinni. Þar er
einnig starfrækt Brikk brauð&eld-
hús.
Rétttrúnaðarkirkjan
lækkuð frá fyrri tillögu
 Mun rísa við Mýrargötu  Turnum fækkað úr fimm í tvo
Tölvumynd/Arkiteo
Nýtt útlit Svona mun rétttrúnaðarkirkjan við Mýrargötu líta út samkvæmt hugmyndum rússneska arkitektsins.
Norðar við götuna verður safnðarheimilið. Fjærst má sjá Héðinshúsið, en þar er verið að innrétta nýtt hótel.
Fyrri hugmynd Teikningin var birt
2013 og hugnaðist ekki nágrönnum.
Höskuldur Daði Magnússon
hdm@mbl.is
„Þetta hefur verið notað í skosku
hálöndunum árum saman gegn
lúsmýi og virkar vel,“ segir Mar-
grét Guðrún Jónsdóttir, sem hóf í
vor að flytja inn glugganet til varn-
ar lúsmýi.
Margrét hefur þurft að kljást við
hið hvimleiða lúsmý í sumarbústað
sínum undanfarin ár eins og marg-
ir. Hún varð sér úti um glugganet
fyrir þremur árum og fannst þau
reynast svo vel að hún ákvað að
bjóða þau sjálf til sölu í versluninni
Glugganet.is í Auðbrekku í Kópa-
vogi.
„Þetta hefur verið mjög vinsælt
og það er mikið að gera. Við erum
á fullu fram á öll kvöld til að geta
afhent glugganetin. Það þýðir ekki
að afhenda þau í ágúst þegar
lúsmýið er farið,“ segir Margrét.
Hún segir aðspurð að sum-
arbústaðafólk af Suðurlandi og
Vesturlandi hafi verið áberandi í
hópi kaupenda. Til hennar hefur
líka leitað fólk sem kaupir glugga-
net fyrir heimili sín í Grafarvogi,
Mosfellsbæ, Hafnarfirði, Kjalarnesi
og Kjósinni.
Lúsmýið seint á ferð í ár
Margrét segir að það fari ekki á
milli mála ef fólk er bitið af lúsmý.
„Ef þú vaknar að morgni með tugi
bita þá er það eftir lúsmý. En ef þú
ert bitinn einu sinni að degi til þá
er það eitthvað annað.“ Hún segir
að grípa verði til ráðstafana gegn
lúsmýinu og glugganetin hafi
reynst vel. Hægt sé að fá ferskt loft
inn en á sama tíma að varna mýinu
inngöngu.
„Ég er með svona í bústaðnum
hjá mér og maður sér að þær fara
af stað eftir kvöldmat. Þá eru þær
komnar tugum saman í einn glugga
en stoppa á netinu. Svo um
morguninn eru þær að mestu
horfnar.“
Glugganet Margrétar eru sett
inn í álramma sem festur er á
glugga. Hægt er að kaupa sér efni
sem fólk setur saman sjálft en einn-
ig er að hægt að fá fullsamsetta
pakka eftir máli. Álramminn er
annaðhvort festur með lömum eða
límdur. Glugganetið er svo fest á
með segli. Hún segir að fólk kaupi
gjarnan net á 3-5 glugga til að fá
loftun í gegn og algengur kostnaður
sé á bilinu 50-100 þúsund krónur.
Aðspurð kveðst Margrét telja að
lúsmýið sé seinna á ferðinni í ár en
undanfarin ár. „Ég hef heyrt frá
mörgum á Suðurlandi sem eru að
kynnast því núna í fyrsta sinn, til
að mynda við Apavatn og Laugar-
vatn. Lúsmýið er bara að dreifa sér
og mun gera það áfram. Þetta er
ekkert að fara að hætta og við
þurfum að hafa lausnir,“ segir hún.
Mikil ásókn í glugganet gegn lúsmýi
Morgunblaðið/Kristinn Magnússon
Varnir Margrét hefur verið með glugganet í bústaðnum sínum síðustu þrjú
ár til að verjast lúsmýi. Netin reyndust svo vel að hún fór að selja þau hér.
 Vinna fram á kvöld við að afgreiða
pantanir  Góð reynsla í Skotlandi